مشكلة دايما اتفشل من زوجي ..

[Um Dana]

هلا وغلا يا بنات ..


بنات انا متزوجة من سنة ونص ..

وما اطبخ دايم ... واحيانا اذا قصب اطبخ اسوي ماكرونة او سبيكتي ..

مع صلصتها طبعا ..

او كبسة سريعه وسهله ..

خخخخ والحمد لله زوجي ... ياكل اي شئ وما يتشرط ابدا ..

يقول نعمة من الله ..



المهم


الدجاجة

دائما ماتستوي عندي ..


يعني اخليها ع النار وتتقطع وتتفتت .. خخخخخخ


بس من داخل ما تستوي وخصوصا الفخذ ...

يصير ني شوي ..

وما ني عارفة وشو السبب ..

طبعا انا اطبخ زي طبخ جدتي .. متعلمة منها ..

والف مرة تعلمني ... والمشكلة اسوي زيها بالضبط بس والله يا يضبط الدجاج عندي مدري وشو السبب .. حتى زوجي ما يكمل غدا ...



والله انحرجت يمكن 5 او 6 مرات خخخخخخخخخخخخ يا ويلي ..


والرز ما اعرف انشفه ...



شوفولي حل ..

عشان كذا اكره اسوي شئ ..

[dl3ksa]

حاجة غريبة صراحة ان الدجاجة ماتستوي ,, بالرغم انك تقولي انها تتقطع

اتوقع انك تتكلمي عن سلق الدجاج ,, انا بعلمك الطريقة الاعتيادية في السلق..
لو كانت الدجاجة مفرزة لازم تطلعيها من بدري وتحطيها بموية عادية او فاترة عشان تفك ,, لا تستخدمي الموية الحارة نهائي ,, وبالغسيل نفس الشيء بعد وخري عن الموية الحارة
بعد غسل الدجاجة جيدا حطيها في قدر عميق وغطيها بالماء ,, خلي الدجاجة بالقدر على رجولها يعني ظهرها يكون فوق ,, ممكن انتي تقلبي الدجاجة فهالشي يخليها تستوي من الصدر والارجل بتكون بعيدة فما تاخذ وقتها بالاستواء ,,

,,,

واتمنى هالنصايح تنفعك ..

بالنسبة للرز انتي تسويه بقدر الضغط او القدر العادي ؟؟؟
وشنو نوع الرز الي تستخدميه ؟؟

لانها تفرق حسب طريقة الطبخ ونوع الرز

[أم إلياس ومهند]

طيب جربي الدجاج بالقصدير بالفرن

بعد ما تسوي البهارات عليه حطيه في صينيه وغطيه بالقصديـــــــــر تمام تمام وخليه ساعه وخرجيه إن شاءالله يضبط معاك ,,,

دوري على الطريقه في النت دجاج بالفرن بالقصدير ترى سهله بالمرررره

الله يوفقك

[#عيــ الجوريه ــون#]

عليك بكتب الطبخ ،،والدجاج أحسن شي المبرد ،،

أرز لا غسلتيه وخمرتيه بمويه ،،قللي المويه عليه في القدر ،،

[Um Dana]

مشكورين حبيباتي ..

اجل عرفت وشو المشكلة انا الماي حقي حار لان خزان الشقة مافية عازل

فيصير حار مرررة .. وانضف الدجاجة بالحار واغسلها ..


والرز الي استخدمة المهيدب طويل الحبة كلاسيك إلي يجي بكيسة زرقا كبيرة ..

[روح الورد]

حياااك حبيبتي والبنات مااقصرو

واناطريقتي احمس الدجاج مع البصل والطماط وبعدهااضيف الماي ويكون ساخن

والرز طبخه يااخذ عشرين دقيقه

[سمار]

عزيزتي مثل ماقالوا إذا الدجاج مجمد طلعيه من بدري يعني إذا تصحي الساعه 7 أو 8 وزوجك يجي الساعه1 طلعيه بمويه عاديه من الساعه 9 أو 10 لحد مايذوب الثلج عنه وبعدين نظفيه ولو تستخدمي قدر الظغط بعد ماتحمري البصل وتحطي البهار والماجي حطي الدجاج يتسبك معاها شوي بعدين حطي عليه مويه حاره لحد ماتغطي الدجاجه تقريباً مو تكثري مره وأظغطيه 10 دقايق أو 15 دقيقه وبعدين شيليه وحطي الرز بعد ماتكونين نقعتيه بمويه شوي حاره مو كثير يعني من قبل ماتظغطي الدجاج تنقعيه وبعدين يبين معاك إذا صار لون الرز ابيض وتشرب موية النقع هذا معناته تخلي المويه عليه في القدر قليله يعني أعلى من الرز شوي لأنه تنقع ومايحتاج مويه ولاطبخ كثير وأظغطيه 10 دقايق بالظبط طبعاً النار ماتكون عاليه والإ بحترق وإذا تبي تعرفي إذا الرز نشف خلاص وأستوى رشي القدر من برا بشرية مويه بأطراف أصابعك إذا نشفت على طول معناته خلاص قفلي النار وإذا ظلت شوي مانشفت بسرعه معناته باقي شوي مانشف الرز ولاخلص إستوى أتمنى تكوني فهمتي وماتصعب عليك وترجعي تدعي عليه

الله يوفقك وأولسنه هي كلها تجارب بكل شي ولايهمك

[Um Dana]

مشكورين خواتي .. الله يجازيكم خير .. خلاص عرفت للموضوع ..