تجمع حوامل ليبيا

[ميمونة]

المشاركة الأصلية كتبت بواسطة أم ردينة

لاحول ولا قوة الا بالله يا اخت ميمونه والله كل شي يتحمل قله الحوش وقلة السياره وقلة الفلوس لان الرزق علي ربي اول حاجه لكن قضيه انه زير نساء او فلوسه حرام هادي هي اللي مشكله لاكن ربما تتصلح مفيش حد يحل الموضوع من غير طلاق بينك انتي وياه او حد كبير في العيله..

===عارفه انه معاك الحق وكلمة الطلاق مش ساهله لكن حاولت معه اكتر من مره وحاولو معه العيله بس من غير فايده هو مش ناوي يصلح من نفسه وانا مانقدرش نكمل مع شخص يخون فيا ورزقه حرام

وبارك الله فيك عالنصيحه

[ميمونة]

المشاركة الأصلية كتبت بواسطة ام روفيدة

السلام عليكم ورحمة الله وبركاته أختي ميمونة اجرك الله في مصيبتك واخلف لك خيرا منها إنتي دكرتي في قصتك انك عندما علمتي بأن ماله يخالطه الحرام طلبتي الطلاق وهنا انهنيك من كل قلبي على هدا الموقف وندكرك بقوله عليه الصلاة والسلام (من ترك شيئا لله عوضه الله بخير منه ) ضعي هدا الحديث نصب عينيك وتدكريه في كل وقت تهون عليك مصيبتك بإدن الله ربي يعوضك باللي احسن منه اللي هو الزوج التقي الصالح الدي يخاف الله عز وجل فيك وعليك بسهام الليل فإنها لا تخطيء (قيام الليل )وحاولي تلتحقي بحلقات تحفيظ القران حتى تقوي علاقتك بالله عز وجل لأنه الله وحده هو القادر على ان يصبر قلبك ويخليك تنسي كل الهموم .
أختي ميمونة الطلاق مش عيب ولا حرام إدا تأزمت الامور بين الزوجين ولست أنتي أول وحدة ولا اخر وحدة تتطلق والحمد لله مصيبتك اهون من غيرك على الاقل ما زال ما عندكش معاه اطفال واحني هني في المنتدى خواتك فضفضي وغيري جوك معانا وعيشي عمرك بكل لحظاته (في طاعة الله ) لأن كل دقيقة فوتيها في الهم والنكد راحت عليك مش حتولي ونعرف إنه صعب النسيان وتجاهل الواقع لكن بفضل الله عز وجل ثم بإصرارك وعزيمتك رح تنسي بإدن الله.
وأخيرا الخيرة فيما اختاره الله كل اللي صار معاك فيه خيرة لك بإدن الله بس خلي إيمانك وثقتك بالله عز وجل أقوى من كل الظروف.

بارك الله فيك ام رفيده ربي يعلم بيا وصحيتي علي وقفتك ياوخيتي وزي ماقلتي (من ترك شيئا لله عوضه الله بخير منه )

[ميمونة]

بارك اله فيك هااااااتو وهدا اللي مصبرني اني ماعنديش منه صغار وزاد هو جن جنونه لما سمع بانه عنده ضعف وهو سبب تاخيري

[ميمونة]

بارك الله فيك عيون انت من الاخوات اللي حبيتهم وارتحتلهم ربي يحفظك ويخليك

[سيدرا ايمن]

السلام عليكم
اهلا اخواتى انا اليوم باذن الله اخر يوم فى الثامن ونبى ندخل فى التاسع هذى ان شالله الولاده الثانيا نبى نعرف بنت ولا عيل عشن حب الفضول قاتلنى والدكتوراه صورت عندها قالت مش واضحه بس تقريبا بنت كيف نعرف واى دكتورة تمام ؟ مع العلم انى فى درنه؟

[أم ردينة]

ربي يعوضك خير يا رب وحسني فرحت لما قتيلي معندكش منه صغار حتى هادي نعمة ... وعسى ان تكرهو شيئا وهو خير لكم

[ميمونة]

الحمد لله ام ردينه

[عيون زوجي]

اختي سيدرا مرحبتين بيك عرفينا بيك اكثر يا اوخيتي
وان شاءالله تجيبي بالسلامه
مادام الجنين لحد الان مش واضح معناها بنوته بأدن الله
لان الوليد ديمة واضح من الشهر 3 يكون واضح
ربي يعطيك يلي في بالك

[hatoo]

الله يطمنك ياعيون وياميمونه خشي كل يوم علي التجمع وهدرزي معانا وغيري جو

[ليبياقلبي]

اختي ميمونة ربي يعينيك يارب بس قوللي انت ميمونة لي قبل في التجمع معانا ولالالا وربي معاك والله ماتخرقي دمك بس احسن حل امشي لي اهليك والله ترتاحي وهما حيقوفوا معاك وربي يريحك يارب وعندك حق كل شي يجي بالوقت الا النساوني ميتغيريش ربي يهديه