أحد يفسر لي حالتي ربي يرضى عليكم

[sweet mam]

السلام عليكم ورحمة الله وبركاته

كيفكم حبيباتي انا عضوة جديدة بينكم لكني متابعة قديمة لكم :) وطبعا من أشد المعجبين بتنظيم الموقع وكمان بعضواته .. ما أبغى اطول عليكم

قصتي قصة انا حملت ببنتي الاولى طبيعي جدا بعد 4 اشهر من زواجي وتم حملي وما كان عندي اي مشاكل في الحمل او الولادة يا ربي لك الحمد ...

لمن بنتي كملت سنة ونصف حبينا يكون لها اخ وفعلا تركت المانع ( العزل) وخليتها على ربكم .. مرت 6 شهور ما صار حمل رحت اشوف عند دكتورة عملت لي كل التحاليل لقتها طبيعية جدا وما عندي مشاكل .. لكن اذكر انها قالت الي ان هرمون الغدة مرتفع سنة بسيطة جدا وعموما ما يأثر يمكن من توتر العمل وكذا .. قالها زوجي انا حابب اجيب توأم فشو رايك .. قالت اعطيكم نوفلداكس جربيه .. وتعالي 12 من دورتك اتابع التبويض معاك .. الحمد الله التبويض كان ممتاز واعطيتني دفاستون من 16 وطبعا ما صار حمل .. فضلت تقريبا 5 اشهر من دكتورة لدكتورة اتابع عندها التبويض وكلهم قالولوا وضعك ممتاز خلي زوجك يحلل .. حلل زوجي لقينا عنده اللزوجة عالية جدا طبعا مأثرة مرا على الحركة مع انه العدد نوع ما كويس كتبله الدكتور علاج البيسلفون وفيتامينات .. استمر عليها شهرين وصار حمل بس ما استمر 10 ايام ونزل الحمد الله ..

هذا الكلام قبل شهرين بس :::

الان رحت عند استشاري مرا ممتاز وكنت عاملة هرمون البريجستيرون وكان نسبته 1.7 في اليوم 21 طبعا ما في تبويض الحمد الله ... الان الغريب في امري انا الدورة عندي منتظمة يعني ممكن تتأخر يوم على اقل تقدير .. حتى اليوم الي صار في الاجهاض الشهر الي بعده في نفس اليوم نزلت الدورة .. طيب ؟؟؟ الدورة لها متأخرة عني اسبوع من امس .. وربي احترت تقريبا هذي ثاني مرا تصير معاي بس كنت وقتها حامل ببنتي ... والان مع تحليل البريجستيرون استحالة الحمل يكون موجود !!! مافي شيء بعيد عن الله ..

اتمنى لو احد مر بنفس حكايتي يفهمني لاني مو عارفة شيء .. الدكتور طللب مني اعادة كل التحاليل لان صار لها سنة 2 يوم الدورة وهي لسة ما جات .. اروح له ولا انتظر ولا ايش اسوي ..

وشكرا لكم :)

[ودي بضمة طفل]

الافضل ياقلبي انك تنتظري فتره بعدين روحي حللي ويارب ينولك اللي ببالك ...

[secret]

فهميني الحين ما فهمت
الدورة كم صار لها متأخرة حبيبتي علشان ارد عليج من خبرتي الطويلة بها المجال

[sweet mam]

متأخرة لها اسبوع == 7 أيام

والله المستعان

[محبوبة ميمو]

الله يعطيك ما تتمني

[sweet mam]

تسلموا حبايبي ولكم بالمثل ..

انتظرك سكريت .. :)

[demoshka]

استني اسبوع اذا مانزلت الدورة فحصب حمل اذا مافي حمل
روحي الطبيبة وخليها تشوف شو القصة وخلي زوجك يتعالج منيح

[خبيرة تمريخ]

عليكم السلام ورحمة الله وبركاته
عزيزتي طالما ان كل الي زرتيهم يقولون التبويض وضعه جيد
يصير عندك امر اخر تأكدي منه وهو استقرار الرحم في مكانه الصحيح
محتمل تبع الولادة السابقة تحرك للرحم ويكون هذا سبب في عدم
ثبات الحمل الثاني وسقوطه ( انا اقول مجرد احتمال ) اذا ماحصل
ان الرحم تحرك وقت الولادة الاوله ممكن يكون تحرك يليها وهذا بسيط
تقدري تتأكدي من نفسك بالاسباب الي ممكن تحرك الرحم ومنها
سقوط - انزلاق - تحريك اجسام ثقيلة او حملها - وممكن يكون حمل
الطفل احيانا في وضعيات معينة يرتخي فيها الجسم وتحملة بطريقة
خاطفه ممكن تشعري معها بالم ولو بسيط في الرحم وكذلك الدرج صعوده
ونزوله السريع كل هذه مجرد دلائل بس عشان تقفل اي شك
واذا انتي اساسا شاعره بالم في الرحم يكون يقرب لك الشكوك
ويأكد ان الرحم في غيرمكانه ويحتاج لاعاده ..وهذا كذلك يسبب اضطراب بالدورة

أتمنى ما يكون عندك شي من هذه الاشياء وييسر الله حملك
ويفرحك بالذرية الصالحة .. آمين ..

[sweet mam]

ربي يسعدك خبيرة تمريخ .. ما أخفيك انا تقريبا عارفة سبب اجهاضي .. طحت طحية قوية مرا على مقعدي وكنت وقتها ما ادري اني حامل وطبعا ما أقدر اقولك على الالم الي جاني والى الان موجود عندي اسفل الظهر طبعا رحت عند دكاترة وممرخات وسويت حجامة .. كل هذا بعد الاجهاض والحمد الله كلهم قالوا مسألة وقت بالنسبة لظهري ,, والرحم عندي في مكانه يا ربي لك الحمد بشهادة 3 ممرخات جبتهم الثلاث الشهور الماضية من لمن سقطت ..

طيب انا بس ابغى تفسير لتأخر دورتي ممكن يكون فيه حمل ( الامل بالله كبير ) لكن مع تحليل البرجستيرون الي طلعت نسبته مرا واطية .. انا اتوقع مستحيل ..

أبغى رأيكم في هذا الأمر ..

[sweet mam]

حتى قبل الاسقاط كنت اتمرخ شهريا تقريبا .. اساسا من لمن نويت احمل جبت وحدة .. والحمد الله ما قالت عندي شيء .. الله المستعان حتى الدكاترة يخلوا الواحد يشك في نفسه .. تقولي الدكتورة مستحيل طيحة قبل ثلاث اسابيع من معرفة الحمل تخليك تسقطي .. وهاتك يا فلانة طاحت ولا صار لها شيء .. الحمد الله وربي الان انا مو مفكرة في الاجهاض .. الله يعوضني خير .. بس ابغى أبدأ علاج مع الدكتور الممتاز هذا وهذي الاخت ما شرفت لسا ..
زوجي يقول نكلمه يمكن يكون حمل .. قلت اخاف يضحك علينا ويقول هذول ايش دارسين هرمون التبويض عندي نازل مرا يعني مافي تبويض .. كيف يصير حمل ؟؟

تهت :( وتوهتكم معاي :( :(