تجاربكم مع اكزيما الرضع ..لوتكرمتوا...

[سنة أولى حمل*]

عزيزاتي
الاكزيما تعبتني في بنتي عمرها خمس شهور وخدودها حمرا وبقع حمراء
وفي رقبتها ويديها ورجولها وخشونة تزيد مع التسبيح بالماء
وديتها الدكتور واعطاني مرهمين اخلطهم وادهنها تريحها شوي بس ترجع بعد يوم او يومين .....
والمشكلة بدات تحك برجولها وباذنها وخدودها وماادري وش اسوي معاها
رضاعتها طبيعية واعطيها تمر مهروس ...
ماادري يمكن فية اكل يزيدها ....مااعرف
الزبادي عطيتها مرة وجاب لها تحسس فضيع .وتركته...
واكلي انا ماادري وش يزيد الحساسية عندها ....
اسفة عالاطالة ..وش تجاربكم معها ........

[ليتني]

حبيبتي لازم كل اسبوع تأكلينها نوع عشان تعرفين شنو الا تتحسس منه بنتك
وحتى منقوع التمر لا تعطيها بشكل يومي خليها في الاسبوع مرتين او ثلاث مرات بس طبعا اذا ماكانت تتحسس منه
واذا كنتي تأكليها سيريلاك تراه يزيد من الحساسيه فحاولي توقفيه وتعطيها اذا كبرت شووي
واكلك ديري بالك عليه خصا اذا كان فيه بهارات وايد
هذا الا عندي ااتمنى اكون افدتك واي سؤال انا في الخدمه

تحياتي

[سنة أولى حمل*]

الف شكر عزيزتي ...

[سلسبيلا]

اولا ...انتبهي اختي لنوعية الصابون والشامبو لان ممكن هو السبب الرئيسي للاكزيما
استخدمي شامبو نونو او فارمسي واستخدمي صابون جونسون الابيض السادة فقط او صابون هيميلايا موجود بالعثيم وسعره رخيص
ثانيا ... انتبهي لموضوع الاكل ... انا بنتي توها داخلة الخامس .. ولما ااكلها تمر تزيد عليها الاكزيما
ثالثا ...ادهني المناطق المصابة بفازلين جونسون ( علبة شفافة ذات غطاء ازرق )وانتبهي ان يكون مكتوب عا العلبة "خال من العطور".<<< بنتي كثير تستفيد عليه
ويتم احسن من الكريمات الطبية...
.
.
الله يشفي بنتك وبنات المسلمين

[3miao]

اختي انا ابني كانت عنده اكزيما اطفال بشهر فقط وكان عنده في وجهه فقط وكان عنده حكه وجهه احمر وعنده قشور
وقالت الطبيبة لا تخافي مجرد اكزيما عابرة تاتي لمعظم الاطفال
واعطتني مرهم جيد جدا
وراحت الاكزيما من اول اسبوع استعمال نهائيا وان شاء الله لن تعود يا رب
الان ابني 8 شهور ونصف
اختي استعملي هذا المرهم

tridesonit 0.05 %

[ام مراوي]

انة بعد رحت لطبيب كان على بنتي اكزيما وقال ان معظم الاطفال يصيبهم كذا وقال لي لن اعطيك مرهم لان اغلبيتهم فيهم مادة الكرتزون وماتصلح للاطفال وقال لي بعد الاستحمام رطبي جسمها باي مرطب وانصحتني اختي بفازلين مرة كويس حتى للقشور مالت الراس وعن تجربه

[مرهفة]

انا بعد بنتي فيها بس وجهها طبعا خدودها توووجع القلب..وقالوا لي حطي فازلين وحطيت وزاااااااااااااادت حيل خدودها من قبل ماكانت نحك وبس حطيت لها هالفازلين قامت تحك بقوووة ماقدرت اتحمل ووديتها المستشفى وقالت لي الدكتورة لاتحطين لها فازلين ولاتحطين لها اي شي غير هالمرهم اللي بعطيك اياه وقالت لاتبوسونها في خدودها لان هالشي يزيدها..

واستخدمت المرهم اللي عطتني اياه والحمد لله خفت خدودها لكن المشكلة كلما احط لها تمسحه بيديها مافي فايدة والحين ارجعت مرة ثانية بس خفييييف غير اول..

بس الحمد لله على كل حال..

[*رنا*]

ااااه هالموضوع ذابحني

ولدي عمره اربعه شهور ومن ولدته واهو كذا جسمه كله بس اكثر

وجهه خصوصا خده اليسار كنه حرق واللي يشوفه يكسر خاطره

وكل مارحت لدكتور يعطيني مرهم لمدة يومين او ثلاثه انا استخدم المرهم شبه

يختفي بس مجرد اتركه يرجع وعلى هالحال تعبت الله يشفي ولدي وولدك وكل

مريض قولي امييين

[جمانة]

انا بنتي وصف لها دكتور لروججها كريم عشبي اسمه هيربا كومب وورقبتها وجسمها وديتها لدكتورة ثانية اعطتها 3 مراهم تنحط ورا بعض 1 _لوكويد 2_ميكوزال 3_فيوسيباكت افضل شيء صابون او سائل للاستحمام سيباميد وتستمري على وصف الطبيب وربي يشفي بنتي وبنتك

[hnen]

أنا ولدي بأدت معها ووديته لدكتورة الكل يمدحها بصراحة ماشاء الله عليها
المهم عطته كريم أستخدمة لمدة أسبوع ( هذا الكريم هو مجمع من كريمات يخلطونة هم في المستوصف)
وكريم مرطب أستعمله له على طوول بصرااحة هذا الكريم خيااال وريحتة حلووة
والحمد لله أبني الأن صار أحسن وتحسن كثير
والأن ما أعطية إلى الكريم المرطب وأعطية يوميا وأدهن به جسمه كاااامل عشان الأكزيما لا تنتقل مكان ثاني

وأنتبهي لا تحطين فازلين و زيت زيتوون لأنها تزيد الأكزيما
وإذا غسلتيها لا تحطين شامبو على الأماكن إلي فيها أكزيما لأن الشامبو يزودها
وحاولي تقليل الشامبو بقدر الأمكااان ولعلمك الغباااار والبرد يزيد الأكزيما فأنتبهي عليها
أنا عندي خبرة طوويل بالأكزيما لأنها في من خمس سنوااات وولدي ورثها مني

الكريم المرطب أسمه DERMAGOR

وهذي صورته






طبعن سعرة غالي أشوي سعرة هو 145 ريال

بس بصراحة يستحق