تجمع حوامل ليبيا

[عيون زوجي]

المشاركة الأصلية كتبت بواسطة عيون زوجي

السلام عليكم ورحمة الله
اولا: ردوا السلااااااااااااااااااام؟
تانيا: كيف حالكم كلكم كلكم بلا تخصيص؟
ثالتا: نبي نسئل عن محلات فيها شال صوف موديل حلو ونوعيته مش بناتيه متاع تشقليعات زايده نبيه راقي وكبير وخامته صوف لان الحرارة شهر واحد في المانيا بالسالب عندي زوز بالطوات كويسات ارزان ماشاءالله لدرجة ما نلبسش فيهم في ليبيا بكل شريتهم قبل سفرتي المرة الفاتت وقعدين جدد
ودلوني محل اوشحه حلو غير الحسومي فيه اوشحة صوفيه وحلوة
وشنو تاني
اذكرت بنتي نبيلها بالطو بنيات طويل وغليظ على قد ما طلعت ما قابلنيش شي عجبني منو ادلني هيا دقت ساعه التسةق للسفرة
عقبال عندكم
ونبي منكم كلكم اقتراحاتكم بخصوص هديه حلوة لحاجه كبيرة صاحبة الدعوة امراة لبنانيه عايشه في المانيا شنو ناخذلها بالله ما تقصروش معاي
وان شاءالله انردهولكم في الافراح في الاعراس والنفاسات يارب

هادي اسئلتي يا متفائله عاودتها على خاطرك

[المتفاااائلــــه]

المشاركة الأصلية كتبت بواسطة عيون زوجي

هادي اسئلتي يا متفائله عاودتها على خاطرك

بااهي عيون أول حااجة بالنسبة للشيلان .... تلقي شال حلو شفته في المون سون monsoon اللي هوا فيه فرعين فرع في بن عاشور في الزنقة اللي مقابلة أطفالنا تخشي وتمشي طول طول لين يجيك على ايدك اليسار تجيك الصيدلية المركزية وهوا لاصق فيها .... وفجايب حتى أوشحة شتوية غليظة وشناااطي يد تحفاااااااااات .... وعندك في الشيلان محل ثاني لكن بضاعته تتجدد كل اسبوع فشوفي في الأسبوع هذا شنو جايب ديما يجيب في شيلان ان شااء الله يكون حظك حلو وتكون بضاعته حلوة اسمه المتحجبة في شارع الظل في جنب مصحة المسرة في نفس صفتها ...وبالنسبة لكبوط بنيتك شوفيلها تشيكو في بن عاشور يا اما في محل اسمه mothercare في قرقارش او المون سون نفسه اللي قلتلك فيه شال عجبني واوشحة غليظة تلقي فيه كبوط لبنيتك .... والمون سوون منزل شيلان تفصيلة جديدة كيف تشبحيه تلقيه زي الحلقة الكبيرة معلق ومن اول ماتشبحيه ماتفهميشي شنو هوا ... لكن كيف سالت اللي يخدموا وروني كيف تعطيع يلتف لفان على الرقبة ويكون طبقات طبقات نازل زي فكرة الخناق ... فهمتيني ؟؟

[المتفاااائلــــه]

وبالنسبة للهدية في محل تحححححفة في شارع 24 ديسمبر امتاع حاجات كريستال تحف صغيرة او خواتم وتعليقات .... روووعة اللي هوا شوارفيسكي www.swarovski.com
طبعا غريبة في الموقع مش امدايرين ليبيا فانتي اختاري اي بلاد وخي تفرجي .... وفيه بضاعة حلوة حتى اللي عندنا امشي ل24ديسمبر واسألي عليه لأن مانعرفش ننعته وين يجي بالضبط في الشارع .... تلقي عنده شني تبي ان شااء الله وحاجة ماتعبكش حتى في السفر يعني تكون حاجة صغيرة وعليها القيمة ...