تجمع حوامل الأشهر الأخيره(السابع,الثامن,التاسع)

[خلوني على صبري]

انا هوووووووون

[يافا2]

صباااح الخييير
مبرووك البنوته ي عبير والله يفرج همك اوصيك احتي بالاستغفار والصدقه
وان شاءالله قبل م تخلصي النفاس الا وتسهلت امورك
بنات انا الثلاثاء ان شاءالله ادخل الثامن بس حسيت اليوم بالالام بسيطه مثل الدوره
وسالت قالوا عادي وانا بكريه م اعرف وش رايكم اروح للدكتوره ولالا
وابي وحده تشرح لي الالام الولاده المبكره
وبكون شاكره لكم

[روزآليندآ]

سوو لي جهاز تخطيط لحساب حركات الجنين
ما ادري يسووه عندكم او لا ،؟؟
يركبو جهاز ببطني
ويحطوو أكسجين بأنفي
ويعطوني شي زي القلم اخليه بيدي واضغط علا زر اعلاه كلما تحرك الجنين ، واظل ربع ساعه تقريبا ع الجهاز
وبعدين تطلع ورقه زي تخطيط القلب
ونوديه للدكتورة
تسوون كيذا او لا ؟؟

[روزآليندآ]

رحنا المستشفى
وطلع اني بدال ما يزيد وزني


نقصت نص كيلو !

وزوجي قال ابني نقص نص كلووو اكييد انتي ما تاكلين !
قلت له يمكن يكون وزني اللي ناقص مو وزن الجنين


ورحنا السووق واشترا انواع الفواككه وسمك
وروحنا البيت وقاعديآكلني بالغصب خايف على ابنه
بس انا مستغربه ليش نزلت نص كيلو ؟؟؟؟ رغم اني اكل طول الوقت؟

[مسآلمه]

لا عادي لا تخافين عالجنين ان شاء الله مافيه شي
انا الشهر الي طاف كان وزني نازل كيلو او اكثر بعد والجنين ماشاء الله زايد
يعني لا تشيلين هم واهتمي بتغذيتك بس
الله يتمم لك ولكل الحوامل بخير يارب

[فقيرة وأرجيه]

لاتخافين .. الوزن ان نزل فهو منك مو من الجنين ..
الجنين ان نزل وزنه الطبيبة تنبهك عليه ... لأنه يبان عندها بالسونار طوله ووزنه ...
انا نقصت خمسه كيلو والحمد لله الجنين بخير ..

[همس الأنامل]

صباح الخير كروشات مافيه اخبار جديده ولا احد ولد
اخباركم مع الثقل والتعب حبيت اسلم عليكم وتطمن
في حفظ الله انتو وبيبياتكم

[جعلني ماخلئ من أمي]

صباح الانوار
الله يهون ع الجميع يارب
سوالي ..بدايه الثامن لها تقل مره حركه الجنين
لانه بالسابع حركته كثيره مره والان قليل وخفيفه
..من صارلها تسذا تطمني والحمدالله صحتي كويسه
وكلش سليم ..؟؟
والله يوفقكم ويسعدكم ويهون عليكم ويرزقكم جميعا الذريه الصالحه يارب

[ارياام]

اختي جعلني ما خلا من امي

انا بالثامن بالاسبوع الثالث منه ونفس الشيء حركة الجنين صارت بطيئه عكس
،، شيء عادي قلبي لا تشيلي هم اعتقد السبب بإن حجمه زاد عن قبل ، و بدا البطن يضيق عليه لهيك قلت حركته ،،

والله يتمم لنا ع خير ونفرح بشوفتهم واهم بإتم الخلق ...

[برورة]

صبااااح الخير





مبروك عبووووووره تتربى بعزك ياارب والحمدلله ع السلامه

بنات >_< انا مثل مامبين بالشريط نص الثامن ..و مادري وش هالتعب القوي الي نازل علي ماتحمل امشي خطوتين الا ضلوعي تطق وبطني يوجعني من تحت وظهري ورجولي ..وش بيجينا بالتاسع بعد الله يستر ..