بصرااااااااحه مو عارفه من فييين ابدأ قصتي
أنا ما كنت أحس لا بألم و لا شي مع إني أخذت من العاشر 11 يوم
وكل أموري تمام التمام بس الثقل كان متعبني والافرازات كانت كثيرة وكثيفه
وكل يوم تزيد عن اليوم اللي قبله وتخف كثافتها
ويوم الخميس صارت الافرازات سايله وكل ما وقفت أو مشيت نزل مني شوي
وإذا جلست أو نمت ما ينزل شي
طبعاً طنشت الموضوع واسوي نفسي مو داريه عن شي <<< بيني وبينكم كنت مررررررره
خاااايفه
المهم نمت ذيك الليله وأنا أفكر بالولاده والمشكله إني مو حاسه لا بألم ولا شي
صحيت الجمعة 26 / 2 وصلينا الفجر وقلت لزوجي أنا لازم أروح المستشفى يمكن تكووون مويه الجنين
قال: خلاص أنا بنام وصحيني الساعه 10 نمشي للمستشفى
قلت: طيب
عاد أنا ما جاااني نووووم أبد ورحت أجهز شنطتي وأغراضي
وعلى الساعه 10 ونص مشينا من البيت
وأفطرنا
ودخلنا الطواري الساعه 11 ونص
وقلت عندي ولاده والممرضه تطالع فيني بنص عين وتقول طيب اجيب لك عربية
قلت لا عااادي أقدر امشي بس خلصووني
والممرضه لسى شاكه فيني <<<
معقووووله عندهااا ولاده غرييييبه
المهم دخلت وجاتني الدكتوره وقلتلها عن سالفتي كلها
قالت: طيب بكشف عليك <<<
ياااااااااربي مين بس اللي اخترع هالكشف
قسم إني تعقدت منه
المهم مالكم بالطويله
يوم دخلت يدها بنت الحلال كان أصرخ من الألم وأقفل رجولي على يدها
وهي تقول فكي رجولك قفلتي على يدي
وأنا أقول والله مو قادره مرررره يوجعني
المهم وبالقوه مدري كيف صار الكشف وقالت واحد سانتي بس <<< ي
اليل مطولك
راحت الدكتوره وأنا كنت منهااااااااره جداً
وقلت بروووح الحمام وأنتم بكراامه ونزل مني شوية دم
المهم قالوا خلاص تنويييم
جات الدكتوره وقالت: لازم تمشين لأن ما عندك طلق
وجابولي أكل وأكلت منه شوي ومشيت شويتين
المهم بعدها ودوني لغرفة الولاده وقالوا اجلسي فيها
جلست أنا وزوجي نتفرج في الغرفة شفت السرير حقي وحق البيبي
والأجهزة والأدوات وكل شي <<<
بصرااااااحه خفت أكثر من أول
طبعاً قالولي نامي ع السرير وحطوا علي جهاز التخطيط
وكانت عندي ممرضه تشوف كيف نبض الجنين
بعدين راااحت وجابت معها وحده ثانيه وجلسوا شوي
بعدين راحوا وجات وحده ثالثة وقالت: مدام جنين في حركه ؟؟؟
قلت: لا ما أحس حركه
المهم عطتني جهاز وقالت إذا حسيتي حركة اضغطي ع الزر
وراحت بعد شوي جات قالت: مدام ما في حركه ؟؟؟
قلت: لا
راحت وجابت صاحبتها وبرضوا نفس السؤال
مدام مافي حركه ؟؟؟؟
قلت:لالالالالالا
<<< ب
دأ الخووووف عندي يزيييييد
المهم جات الدكتوره أخيراً وحركت بطني وأنا أحسه تجمد وصاااار زي الحجر
وأعطتنا
المفاجأة
قالت: أنتي ما عندك طلق أبداً وعديتي التاسع ونبض الجنين بدأ يضعف
والطلق الصناعي يبغاله وقت لأنه 3 تحميلات كل وحده ع 6 ساعاااات
وإحنا ما نقدر نصبر عليك حتى ساعتين
فلازم
عملية !!!!!!!!!!!!!!!
طيب متى ؟؟؟؟؟؟؟؟؟؟؟؟
الحيييييييييييييييييييييييييين ضرووووري
!!!!!
وقعنا أنا وزوجي ع الأوراق ودخلت ع غرفة العملياااات
كانت باررررده مررررررره وفي 4 ممرضاااات
واستشااااري التخدير ومعااااه مساااااااعد
قال: تبغي بنج كاااااااامل وإلا نصفي
طبعاً أنا قلت اللي يناسبني سوووه
<<<
مرررررره مؤدبه
قال اوكي بنسوي نصفي
جلسوني ع طرف السرير وغسلوا أسفل ظهري بشي بااااااااااااااااااااااااارد كأنه ثلج
وضرب الإبره بظهري وكانت بسيطه مررررررره ما حسيت فيها
بعدها حقنوا المخدر وخلوني أناااااام ع السرير حطوا ستااااره عشان ما أشوف شي
وبدأ جسمي من تحت يناااااااام ولا صرت أحس فيه
وحطوا المغذي في يد وجهاز الضغط في يدي الثااانيه هذا غير الأكسجين
المهم
جاء الدكتور اللي بيسوي العمليه
وبدأ الشغل بدووون صووووت
المهم جسمي صار ينتفض من البرد
ايديني ترتجف وأسنااااني تطقطق
حطولي لحاف ثاااااني
وشوي قالوا الحين بنطلع
البنوووته
1 2 3 واااااااااااااااااااااااااااااو طلعت البنوته
<<<<
قسم كأنهم في حفله مو عمليه
إلا اسمع
واااااااااااء واااااااااااااء يا قلبي عاااد أنا ابتسمت وفرحت مرررررره
وقالوا بنغسلها ونلفها ونجيبهاااا لك الحين
المهم حسيت بكتمه وقلت شيلوا عني الاكسجين وشاااالووووووه
شوي إلا واستفرغ
وبعدين جابولي البنوووته وأبوووسهاااااا يا حيااااااتي قمر ما شاء الله
بعدها قال الدكتور باقي عشر دقايق وننتهي
المهم خلصت العمليه ولله الحمد والمنه ونقلوووني لغرفتي
كان أحلى يوم في حياتي 26 / 2 / 1433
بس تعرفووون العمليه كيف تتعب خصوصا بعد ماراح البنج بديت أحس بالآم
لكن الحمدلله على كل حال
رضيت بالله رباً وبالإسلام ديناً وبمحمد صلى الله عليه وسلم نبياً ورسولاً
لا تنسوووني من دعاااائكم
أختكم
أم وريف