دردشة بنات ليبيا , دردشة حوامل ليبيا , تجمع بنات ليبيا

[ملاك ليبيا]

صباح الخير انا عضوة جديدة بالمنتدى وحبيت اشارك فية انا ملاك من ليبيا متزوجة من شهرين وحامل بالشهر الاول ياريت نكونو اصدقاء .

[sosolibya]

صباح الورد يا ام ورد

اهلا بيك حبيبتى ملاك
وانستى ونورتى
واحلى ترحيب ليك حبيبتى
بس ياريت تعرفينا بيك اكتر

[sosolibya]

الف الف مبروك الحمل يا ملاك
رح عرفك على نفسى
انا سوسو متزوجة من 3سنوات ونص
وعندى بيبي اسمه محمد
عمره سنة و8 شهور
وتوا انشاء االله حامل فى بداية الثامن
مواليد 92
سنة ثالثة فرنساوى
من سكان الزاوية الحبيبة

واكيد لما قلت لك 3سنوات ونص
قلتى يااااااااااه وحسيتيهم هلبة
حتى انا ندكر فيها تقول امس نفس الموقف هدا وتوا مرو بسرعععععععععة

[sosolibya]

وينك يا ام ورد رحتى
هيا تعالى وقولينا شن ص ار عند عيالك
وشن درتو غداكم وشن درتو ترديدة
هههههههه وشن جو ام معاد

[sosolibya]

يقين وين رحتى هيا تعالى كسدى معاى

سالى وينك حبيبتى رايحة انشاءالله ماتكونيش تعبانة بس

[sosolibya]

وين رغووووووووودة ليك وحشة
زهرة وين حاصلة قاعدة تصورى شورك هههه
ليبيا قلبى وينك خشى وطمنينا عليك وانت تتفكرى خشانك غير بالليل

وينام معاد و اية وام وسونة والاء وسورينام وعيون
وام قصى ليك وحشة والله
وشمس الزمان وينك
ولورى وسمو الاميرة

[أم ورد]

المشاركة الأصلية كتبت بواسطة sosolibya

وينك يا ام ورد رحتى
هيا تعالى وقولينا شن ص ار عند عيالك
وشن درتو غداكم وشن درتو ترديدة
هههههههه وشن جو ام معاد

جو مش عادي أمس وطبعا أم معاد جت متأخرة وماخليتلهاش غدي
ديرنا غدانا رز مسقي والعشية جونا ضيوف والعشاء ديرنا مكرونة وروحت الساعة 11 ونصف وخليت أم معاد غادي بايتة

[sosolibya]

شمس الزمان
انا وعدتك انى رح نكتبللك على السفرة ورح افى بوعدى
انا سافرت 3مرات مع ابنى على الاردنية
مرتين كان صغير فى القماط بعد ما جبت طول زى ما انت عارفة
والحمدلله فى المرتين ما تعبنيش لانه كان نايم
انت من الضرورى تطلبى الكرسى فى الصفة الاولى
عشان يعلقولك السرير جنبك للبيبي
وطبعا المرة هده كان كبير سنة و7شهور
تقريبا نفس عمر بنتك
ونفس الشىء كان فى الطيارة نايم وماتعبنى بكل والحمدلله
ورح اقوللك السر ههههههههه
اول ماتتطلعو من الحوش وتمشو للمطار خليها تلعب وتلعب على قدر ماتبى
وخاصة فى ساحة المطار خليها تجرى على راحتها عشان تتعب
واول ماتركبو الطيارة تنااااااااااااام لأن جو الطائرة يخلى البيبي ينام
وطبعا بالأول رح تبقى معك بالكرسى وبعدين تقدرى تطلبى سرير البيبي
بعد ما تطير الطائرة
وملاحظة مهمة جدا جدا
وهى ان اول ماتبدى الطائرة فى الطلوع او الهبوط
لازم البيبي يرضع
ولانك حامل اعطيها زلباحة او الشيشة حتى لو فيها عصير او ماء
باش تريحى راسك من الحليب وصنعه فى الطيارة
وطبعا انا كانت رحلاتى كلها الظهر يعنى كان حمودة بالطبيعى انه ينام
بس غدوة طيارتنا الصبح مش عارفة يلحق يعيا او لا
لكن على الاحتياط ليا وليك ان شنطة اليد تكون
مليانة العاب خفيفة وشوكلا وبسكويت وعصائر
بس صدقينى ماتخافى بما انك على درجة البزنس رااااحة
حتى انا لما جيت جيت على البزنس
ماشاء الله اطلبى ودللى
يعنى ماتعقديش روحك حتى لو مارقدتش من بغازى للدوحة
3ساعات تتحمليهم ويكون فى صالحك باش ترقد بعدين للصين بما انها اطول
وبالنسبة لصالة البزنس من طرابلس حتى هى كويسو وماشى حالها
مقارنة بالدول الاخرى بس رح اتعبك شوية لو انها حركية
والله المرة الفاتت حمود جننى
يدخل للمطبخ ويجرى للعمال وحااااااااااالة
على العموم انشاء الله استفدتى وتوصلى بالسلامة وفى امان الله




قلتى مرة انها مازالت السبيزة
ننصحك حبيبتى تتأكدى من زوجك قبل
لأن احنا اول مرة نجو للأردن جبنا معنا حاجات وندمنا عليها
لان ماشاء الله مافيش ارخص من ماكلتهم
يللى تاخدى بيه طرفين خضرة فى ليبيا تاخدى بيه
هنا كيلو
وانتم وراحتكم

[أم ورد]

أهلين ملاك ليبا مرحبتين بيك وربي يثبت حملك يارب
وين سالي اليوم شكلها سهرانة البارح شكلي بنجيبلك سطل ميه مصقع وبنصبه عليك نوضي راقدة إلى توى نوضي ياسرك من النوم هههههه

[sosolibya]

ام ورد
جو مش عادى سهفتونى
والله استاحشت جو عيالى
واللمات
قصدك انت حوش عياللك جنب عمامك
لان انا عيالى فى حوازة ونتلاقو مع بعض ديما