مريتي بتجربه خيانه تفضلي ..

[عآشقة الجنآن]

الله لايورينا الخيانة
مدري ليه الرجل يخون دام انه متزوج مهما كانت الزوجة مقصرة مايفكر في لحظة خيانة زوجتة اللي هي صابرة ومتحمله زوجه

الله يبعد عننا الخيانة والغدر

[sweet moon]

المشاركة الأصلية كتبت بواسطة عآشقة الجنآن

الله لايورينا الخيانة
مدري ليه الرجل يخون دام انه متزوج مهما كانت الزوجة مقصرة مايفكر في لحظة خيانة زوجتة اللي هي صابرة ومتحمله زوجه

الله يبعد عننا الخيانة والغدر

اللهم امين

الرجال يخون اولا لغياب الرقابه الذاتيه من قلبه

وثانيا : انعدام مشاعر الحب والرجوله وشهوه وعدم قناعه وحب الذات والخ

الى من رحم ربي

موفقه وياهلا

[Water Lily]

وش نوع خيانتك زوجيه من صديقه ,,, الخ ؟؟
زوجية
( من صديقتين )

كيف كانت مكانه الشخص قبل الخيانه ؟؟
كنت احب زوجي واحاول ارضيه دايما واسعده

ايش هي الخيانه اللي حصلت ؟؟
خيانة زوجي كانت عن طريق الجوال والفيس بوك والايميلات والمسنجر كان على علاقة مع بنت واكتشفت بعدها انها اكثر من بنت بس وحدة معينة يكلمها على الجوال اما الباقي عن طريق الاشياء الثانية كالانترنت واتوقع هاذي عادة من قبل الزواج وماغيرها

لحظه اكتشافك للخيانه ايش ردة فعلك ؟؟
طبعا انصدمت وتحطمت .. وكنت حامل .. وحزنت بشكل غير طبيعي وبكيت يوميا ..

بعد الخيانه وتفاصيلها كيف كان شعورك ؟؟
شعوري كان احباط وحزن .. كنت بين المصدقة والغير مصدقة .. صرت اكلم نفسي والجدران .. هذا الشي اثر في نفسيتي واثر على ولدي.

ايش التصرف اللي تصرفتيه مع الشخص بعد الخيانه ؟؟
صارحته واعترف وقالي غلطة وماراح يكررها .. وتأسف لي ..

كيف صارت مكانه الشخص بعد الخيانه ؟
تغيرت معاه .. حتى ما اقدر اقوله كلمات حب وعشق .. ما استمتع في حياتي ودايما في شك وما اثق فيه .. ودوم افتش اغراضه واعرف انها عادة مب حلوة .. بس بعد الي مريت فيه صرت مثل المريضة نفسيا

سامحتيه وبديتي صفحه جديده ,, ولا خلاص انتهى مابينكم ؟؟
سامحته .. لاني احبه .. ولاني كنت حامل

بعد مرور الايام هل مازال وقع الخيانه في قلبك ؟
اكيد بشكل يومي ومخنق

ايش النصيحه اللي تقدميها للكل من تعرض للخيانه ؟
الصراحة انا كرهت الزواج بعد الخيانة الي صارت لي .. بس حاولت اني اكون ايجابية واحاول اعالج نفسي واعالج المشكلة ..
نصيحتي للكل .. كوني صابرة وقوية .. وحاولي تلقين حلول للمشاكل وتنظرين لها نظرة ايجابية .. العلاج افضل من الطلاق .. لاني احس اذا تطلقنا ماراح ارتاح وعيالي بينظلمون ..ولاتنسي ذكر الله دايما والصلاة وقراءة القرآن والدعاء .. كوني واثقة من ربج وحقج بتاخذينه وبيتاعقبون بنات الحرام وماراح يرتاحون في حياتهم لان اسوء عمل يصير التفرقة بين الازواج لدرجة انها افضل الاعمال عند الشيطان

كيف حياتك الحين ؟
الحمد لله .. احاول انسى وابعد الشكوك بس دايما متيقظة وواعية بالي يصير ..وصرت اهتم بنفسي اكثر واهتم بعيالي وببيتي اكثر من قبل ...اركز على هواياتي واهدافي ومستحيل اخلي زوجي يكون هو محور حياتي .. صار مجرد جزء منها وجزء مهم بس مش اهم من نفسي وعيالي ..


------------------

أما الخيانة الثانية هي قطاع من صديقتين كانو من اعز الاصدقاء .. كانوا اصدقاء منذ المراهقة .. وحدة منهم ابتعدت عني فترة الجامعة بعد ان تعرفت على صديقة وصارت بالنسبة لها اعز صديقة ..كنت اساعدها في كل شي صديقتي هاذي .. لاني كنت متفوقة في الدراسة كانت تجيني تقريبا اسبوعيا لمساعدتها في دراستها وواجباتها ومشاريعها .. كانت بمثابة اخت لي .. بس صار الي صار وافترقنا ... والصديقة الثانية ابتعدت عني وانا كنت في فترة حزن وفترة خيانة زوجي لي.. ولاني ماقلت عن مشكلتي لأهلي او اهل زوجي .. كانت الوحيدة الي اشكي لها وافضفض لها عن همي ومشاكلي .. بعدها صارت اتجنبني وماترد على اتصالاتي ..وكم مرة بشكل غير مباشر تقولي انا مالي بارض حق عوار راس .. وصرت شخص الكل يشكي همه لي.. من بعدها ابتعدت عنها وصرت ما اتكلم معاها نفس قبل ولا اشكي لها همي او اقول لها عن تفاصيل حياتي الصداقة خليها سطحية ولاتتعمقين فيها .. لان اذا رفعتي من قدرهم في يوم راح يتركونج وكأنج ولا شي بالنسبة لهم .. كانوا من اعز صديقاتي ومثل الخوات .. ماقطعت علاقتي فيهم يزوروني وازورهم في المناسبات المهمة .. بس صارت علاقتنا سطحية جدا وصاروا مايهموني ... والحمد لله عندي صديقات غيرهم ولو ان علاقتي فيهم سطحية بس ماشفت منهم الا كل خير وما راح اخلي العلاقة تتعمق اكثر معاهم ومشكورة حبيبتي على الموضوع .. موضوع يخلي الوحدة تصير اقوى .. ولما تشوف انها مب اول وحدة ولا اخر وحدة تتعرض للخيانة .. تصير اقوى وتثق بنفسها اكثر ..وحلول ونصايح بعض الخوات ممكن يكون دعم وسند لها ..

والحمد لله على كل حال ..