تجمع لحوامل شهر جمادى الأولى 1433

[white sugar]

لودي ما عليكي منه هوا يمكن من خوفه عليكي سوا كدا
اجل انا عكسك زوجي رعلان مني عشان نايمة عند اهلي اليوم ، وحتى النفاس يقلي مو لازم تاخدي الاربعين كلو عند اهلك اجبلك شغالة تانية وارجعي. . قلتله تحلم انت انا حكون نفاس ومحتاجة رعاية وغذا ولو جلست فبيتي ماحسوي ولا شي ، ولو قلبك عليا تجي معايا مو تقلي ارجعي البيت. . والله ما سكتله
انا ما كنت ابى انام عند اهلي بس اخاف تجيني ولادة وانا فبيتي وديك الساعة اجري عالمستشفى بولدي. وانا مأبغاه معايا في المستشفى حيكون عذر انو ابوه مايدخل معايا لانو ممنوع يدخلو الاطفال

[الدلال والدلع]

ههههههههه مدري لية احس علي حرصك الزيادة انو يدخل معاك شكلو ماراح يدخل معك

[الدلال والدلع]

لودي صدقيني زوجك خايف عليك عشان كذا جالس يسوي هالحركات

[white sugar]

والله يا الدلع شكلي بطرطعله على حركات الدلع حقته دي
واسحب عليه واجلس عند اهلي الين تجيني ولادة واروح المستشفى وما اكلمه كمان اخليه ينقهر مزبوط
هوا ما عنده مشكلة انو يدخل معايا بس زوجي من النوع اللي يكره المستشفيات كره ما تتخيليه
يعني لما امرض انا ولا ولدي ويودينا المستشفى يجيله مغص واحنا هناك ولو هوا مرض يقول ما اروح المستشفى
يكابر ويقول مافيا شي
في مرة اول ما اتزوجنا قام مسكين في الفجر جسمه منفخ ويهرش جاته حساسية فجأه بالقوة خليته يروح المستشفى واعطوه ابر الين ما خف الحمدللهو

[الدلال والدلع]

زوجك عندة فوبيا من المستشفيات الله يعنك ويعنة يارب

[lody]

تخيلو الطامه انو حالف اني ما اولد عند اهلي ،، يبغاني انا والبيبي عندو وعلى قولته راح يشيلنا فوق راسو ،، هذا وانا بس تعبانه شويتين وقلب الدنيا اليوم كيف لو اني نفاس ومخيطه وحالتي حاله وفوق كذا بيبي صغير وختّان ،، اش بيسوي اظنو بينجلط

[المخملية]

لودي .. اتخيل زوجك زي زوج خالتي لما جو يختنو رلدهم اغمى عليه
انا زوجي دخل معايا ولادتي الاولى بس توب دحين كل مااكلمو اقولو انزل يقولي مشغول وانا اعرف انو يتهرب
ببداية حملي رحت للمستشفى اسحب دم وكنت خايفة وماسكة يدو وهو واقف علي راسي وانا علي الكرسي ماحسيت الا بثقل الرجال عليا انا انفجعت وبعد الثقل دا الا هو طايح علي ورا وطاح علي حافة السرير يعني راسو خبطت في السرير
لو اقولك كنت حأنجن شوووية فياا
توقعتو مات خلاص بعيد الشر عنو حتي لما فاق انا جالسه اصرخ وابكي من الفجعه وهوا يقولي خلاص انا فقت
بعدها صرا اسحب دم لحالي ومن غير خووف
في البداية مااكنت ابغاه يدخل معايا الولادة بس انا ابغااه يجي لو يكون برا او علي الاقل في البداية يكون معايا
ترا فيه رجال خوافين وهوا يمكن عشان مايبغى يشوفك تتوجعي قال لك روحي بيت اهلك
انا بولادتي الاولى نزلت من بيتي بعد خصام زوجي يعني تخيلي مرعوبة وخايفة وهوا يقولي قومي وهيا وتخيلي تولدي بالدرج انا ايش اسويلك وقتهاا
ترا زوجي وزوجك من النوع الي يخاف او مايحب يشوفك تألمي
فلاتزعلي ياقلبي

وايت احنا كنا بجنوب جدة نزلنا اسواق الجنوب واخذنا شي لاثاث البيت ونزل علينا مطر هناك
واخويا كان بمكة يقول نزل عليهم مطر

اليوم كأنو اشوا
مو متحمسة للولادة كالعادة
الحمدلله يارب
يمكن لاني خرجت اليوم

مادخلت اليوم كالعادة لاني كنت علي التلفزيون مع بنتي
هي تبغي تتفرج والبيت كلو نايم فأظطريت ارووح للتلفزيون الي بالمجالس
والشبكة هناك ماتمسك

انتو ايش اخباركم ؟؟

[المخملية]

بنات ..
حركة الجنين اذا كانت كثيرة او قوية معناها مافي ولادة قريب ؟؟

[سرووءة]

صباح الخير كروشات

بالنسبة للزوج
انا زوجي متلكم مايتحمل شي
لما اقله حط يدك على بطني وتتحرك البنوتة
يستغرب ويشيل يده
يقلي مااقدر
وكنت ناوية ادخله عالولادة وهو رافض رفض قطعي يقلي انا مااقدر قلبي مايتحمل
بس من حظه المشفى يلي راح اولد فيها ممنوع دخول احد قمة القهر

المخملية انا من يومين زادت علي حركة البنوتة بشكل ملحوظ
استغربت وماعرفت ليش
الحين رايحة اعمل تحاليل طلبتهن مني الدكتورة
عشان اخدهم معي ابها يوم الاثنين

[ام يسميين]

السلام عليكم يابنات
الله يهون علينا جميعا
انا باقيلي 10 ايام بالتاسع ويخلص وبشرب قرفة علشان تفتح الرحم
رايكو استمر فيها ولا بلاش ردو عليي علشان ارتاح لراي
لاني محتارة كتير
وربنا يقومنا بالسلامة جميعا