نفسسسسسيتي عدددم.. تورم وتشقق وثقب بالثدي

[*قلب(H)حبيبي*]

بنات أنا من أسبوعين صابني تشقق بحلمة صدري اليمين و اشتريت من الصيدلية كريم أفالون و استخدمته اسبوع كامل و بس يخفف الألم لكن ما يلتأم التشقق صاير كأنه مثقوب و فيه دم و ورم و صار أحمر.. و رحت رحت لطبيبة عامة و وصفت لي مرهم بالاد الأخضر العشبي و مضاد نسيت اسمه و قالت لي استخدمهم خمس أيام و إذا ما نفع أروح لطبيبة نساء و ولاده .. طبعا كنت أرضع صغيري من الثديين .. فهي قالت لي لا ترضعينه من اللي فيه إلتهاب و اشفطي الحليب و كبيه ..
سويت اللي تقوله و بعد يومين صار نفس الشي في الحلمة اليسار و كل ماله يزيييد و الألم يزييد و صار نفس الصدر اليمين متورمه الحلمة و فيه ثقب ودم .. و بعد كم يوم اليمين ابتدى يتشافى
فصرت أعكس و أرضعه من اليمين واليسار أحط عليه مرهم .. بس الطاااااااااامة الكبرى أن اليوم من شوي شفت أن حتى الثدي اليمين رجع تورم و صار أحمر و فيه ثقب و كأنه بيصير ثقب ثاني ..
و ثنييييييييييييييييينهم يألموني مرررررره إذا برضع منهم أو بششفط ألم وربي يذبححح ..
و ألحيين ثنينهم متورمين و حمررر و مثقوبين

خلاصة الكلام و المهم اللي بقوله و متعبني ..
أن ألحين إن شاء الله بككره ألقى موعد عند دكتوره لأن مرررره زحمه الله المسستعان و أنا فكرت أقطع ما أرضع ابني من أي صدر أخاف يضره الدم و المرهم و اتوقع حتى الدكتوره بتقولي أقطع الطبيعي و اشفطه و اعطي البوبو صناعي ..
بسس اللي مخوووفني ان صغيري يحب الصناعي أكثثر ولا عاد يبي صدري إذا تشافى
آآآآآآآآآآآآآآآآآآآآآآه يا قلبي هالموضوع مرررررررره مخلي نفسيتي زفت و لو يرفض ابني صدري مدري شنو بسوي فنفسي آآآآه يا قلبي و بصراحة أن أحسس عيييين جايتني على صدري حسبي يالله على من كان السبب خصوصا خادمة بيت أهلي دايما تناظر فيني و أنا أرضع و أنا دايما أغطي نفسي بغطا بس حبيبي ولدي كل شوي يسحبها و يمكن مره بان صدري و أنا مو منتبهه و اقرأ آيات على نفسي
إذا هي السبب حسبي يالله عليها و نعم الوكييل
و الشي الثاني اللي مخوفني أن يتحول إلى خرااج لأن الدكتورة العامة تقول إذا اهملته يتحول إلى خراج و أنا اعرف أن الخرااج يشيلونه بعمليييييييييه يعني بيشيلوا صدري ؟؟؟؟؟
آآآآآآآآآه يا عمري اللي ضااااااااع حرام تحت العشرين و يصييير فيي كذا ويشيلوا صدري ..!!!!



بنات انا أدري بعضكم بيقولي لا تحطي كل شي على العين ومدري اييش بس بقولكم العين حق .. و شغالة بيت اهلي عارفينه حسوده حسبي يالله ونعم الوكييل فيها أكرهها
و شي ثاني بتقولوا شدعوا لا تتفاولي على ابنك انه يترك صدرك و تتفاولي على نفسك بالعملية
بسس بقولكم ان انا شوي موسوسه و أفكرررررر كثييييير بالمستققبل و اللي بيصير
و الله يعيني على نفسي

عطوووني حلول و أدعواااااااااا لي تكفوووووووون

[*قلب(H)حبيبي*]

رفففففففففع
شاركوني لو بدعوووووووه

[البر الامن]

الله يشفيك اختي لا تخافي انا اسمع كثير يصيبهم تفطر في الصدر والالام وعادي يرضعوا الى الان بس لازم العلاج
واذا شاكة من الشغاله خذي اثرها خليها تاكل تمره وخذي عجمتها وغسليها وصبيها ع جسمك

[احلى شعور]

مرحبا
حبيبتي في مرهم اسمو ميبو مرررررررررررره ممتاز
انا صار فيه زيك كذا مره ما نفع معاه الى هدا المرهم من جد سحر يوم يومين بالكثير يطيب وازا
رطعتي والمرهم على صدرك عادي مايضر لانو مخصص لكده هو بالسمسم
جيبي وتوكلي على الله
واذا شاكه في الشغاله خدي من وراها ويه عصير قهوه شاي واتغسلي فيه
ربي يشفيكي يارب

[ام اسكندر]

لا توسوسي ياقلبي

زوجة اخويا صار عندها ورم في وسط الصدر مو في الحلمة
بسبب ان الطفل لمن يرضع احيانا يرجع الحليب للصدر ينفخ فيه
فالحليب اللي رجعه ابنها تعفن في صدرهاوسبب ورم وخراج ع قولتهم
فتحو مكانه بعملية بسيطة سحبو الخراج وخلاص
يعني مجرد فتحة بسيطة بقدر الانبوب الصغير شفط المويا المتجمعة وخيطو بغرزة وسلامتك روحت بنفس اليوم للبيت
يعني لاشالو لا صدر ولا نصه ولا ربعه ولا حتى فتفوتة منه
والدكتور قال لها ضروري ترضعي من نفس الصدر بعد العملية مباشرة عشان مايتجمع حليب مرة ثانية ويورم

ما ادري ولله انتي كيف حالتك
بس ان شاء الله امورك تتسهل يارب
ادعي ربك واحنا بندعيلك

[sweet moon]

انا ابقولك العلاج لنفسيتك مو لابنك هاذا اخليه للمجربات

خذيها قاعده طول ماانتي موسوسه وتفكيرك سلبي وبيصير وبيصير

وابني بيتخلى عن صدري والخ

فهو فعلا بيصير لانك تقنعين عقلك بالسلبيات وتعيشين نفسك بالاحباط والعجز

وعقلك يصورها لك بالواقع

لكن لو انتي ايجابيه ونظرتك للشفاء ايجابيه ونظرتك لابنك انه ماراح يستغنى عنك ايجابيه

فبإذن الله بيمشي كل شي تمام

سهليها تسهل تصعبينها تصعب

والوسواس مرض بينقلب عليك بعدين

هاذا من ناحيه نفسيتك

الحين اولا : تعالجين صدرك لين يتشافى عشان راحتك اولا وعشان ابنك ثانيا

ثانيا : لاتحطين بذمتك احد

ولاتظنين سوء باحد ,, والعين حق صح لكن الله خير الحافظين

فخليك مؤمنه اكثر بان الله خير الحافظين وانتي مابيجيك شي

لكن تؤمنين بالعين ولا تؤمنين بالايات اللي تقريها وتحفظك !!!

ثالثا : انتي لسه صغيره واللي تمرين فيه يبقى تجربه

والحياه تجارب فعيشي تجربة الامومه لاول مره بتفاؤل ونظره ايجابيه لقدام

بالتوفيق

[سنة حلوة]

سلامتك ماتشوفي شر قبل كل شي لاسمح الله وباذن الله ماحيصير كده الخراج يتفتح ويتنظف فقط
وبالنسبة لرضاعة ولدك حاولي تروحي في مستشفيات النساء والولادة الحكوميه فيها مكان مخصص لتعليم الطفل الرضاعه الطبيعيه في حال واجهتي هذي المشكله لكن حاولي باقصى سرعه لاتتاخري
اما الخادمه لو شاكه فيها سوي زي ما قالوا الاخوات خذي من اثرها واتغسلي فيه
شفاكي الله وعافاكي وبرضه سمعت ميبو لتشققات الحلمة ممتاز

[بشرى الحمود]

مهم تاخذي من اثر الشغاله الكوب الي تشرب فيها ..او فصم التمر او اي شي من اثرها امسحي فيه صدرك
وجيبي زيت زيتون مقري من شيخ ممتاز وامسحي صدرك
واقري الفااااااااااااااااااتحه 7 مرات على صدرك ..كثير وكل يوم ..
ولا ترضعي قدام الحريم قومي رضعيه وارجعي ...وقفلي عليك الباب اذا بترضعي لاحد يشوفك العين حق من اي احد

ولا تخافي وقفي رضاعه واسمعي كلام الدكتورة وان شاءالله اسبوع علاج ويرجع كل شي طبيعي ..ومايتعود ولدك على الصناعي
توكللللي على الله اولا واخيرا
وخلي عندك ايمان بالقدر ..الواحد مايدري وين الخير فيه سوي الي عليك وتوكلي على الله
والله يكفينا شر كل ذي شر ..

[احبك يا زوجي]

استعملي مرهم من الصيدليه ))bepanthen))وراح تدعيلي انا كنت مثلج وستخدمه بعد الرضاعه ادهن الحمات ومن اريد ارضع امسحهم او اغسلهم وحتى لو نسيتي ما يضر بس الافضل كالت الدكتوره امسحهم وما شاء الله يوم واحد ويختفي الالم والدعاء بس اريد منج الزوجي وبنتي والي والامي