دردشة حوامل مملكة المغرب - تجمع بنات المغرب

[fatizora]

المشاركة الأصلية كتبت بواسطة أم هبة

صباح الورد أختي فاطمة الزهراء

قربتي أحبيبة , الله يسهل عليك

امين الله يخليك انت نفيسة دعي معاي
الله يخلي ليك بنياتك

[fatizora]

مرحبا بالاخوات الجدد اللي حاملة الله يتبث حملها ويرزقها الجنين السليم المعافى
واللي كتسنا الله يسهل ليها ويفرحها يا رب امين

[fatizora]

المشاركة الأصلية كتبت بواسطة asmaa b2

سلام أهل المغرب أنا جديدة بالمنتدى كنتمنى نتعرف عليكم و نستافد منكم

وعليك السلام مرحبا بك معانا احنا هنا نستافدو من بعضنا البعض
هنا في التجمع كاين الحوامل وكاين النفساء وكاين اللي كتسنى ربي يرزقها ويفرحها باذنه تعالى
عرفينا بك اختي

[fatizora]

المشاركة الأصلية كتبت بواسطة shamess

لبنات دعواتكم معي ربي يتبث حملي و يشافيني
حامل في الشهر الثاني و بغيت نستاشيركم
ظهري من نهار حبلت كيقتلني و كرشي تنافخات بزااف و تزاديت في الوزن راسي كيقتلني بزاااااااف و النعاس حدت و لا حرج واش هدشي طبيعي و لا لا
مع العلم انو في حبلي الاول ماحسيتش بهدا الاعراض حتى للرابع

مرحبا بك معانا
انا متافقة مع ام هبة هذي احبيبة غي اعراض الوحام الله يتبث حملك
تيقولو كل حمل كيكون وحمه فشكل اخر عن سابقه

[ام مروة]

السلام على جميع الحوامل و المنتضرات و الامهات الفاضلات
كيف راكم انشاء الله بخير

[ايم___ان]

المشاركة الأصلية كتبت بواسطة ام مروة

السلام عليكم اختي ايمان
مرحبا بيك
انا نجاوبك احبيبة على حساب تجريبتي
انا ولت بنتي الله احفضها فاكادير بعملية قيصرية و دارو ليا الابرة د الضهر على حساب البنج النصفي
اما بالنسبة للتمن د الولادة الطبيعية هنايا هو بين 2500 و 4000 درهم
الله ايسر عليك الحمل و يفكك على خير

شكرا اختي ام مروة على الاجابة
جيت من الخدمة نيشان لكمبيوتر باش نشوف الاجوبة
الله يجازيك الف خير

[ايم___ان]

المشاركة الأصلية كتبت بواسطة aymae

سلام اختي ايمان هاهي جوباتك اختي فاطمة الزهراء
نتمنى تكوني شتي الاجابة

شكرا بنات على الاجابة
الله يجازيكم الف خير ويسهل عليكم يا رب

[ايم___ان]

شكرا اختي fatizora على الاجابة لهلا يخطيك الله يفرحك بشي حبالة في القريب العاجل ان شاء الله
الاثمنة الحمد لله مناسبة
لكن المشكلة هيا ابرة الظهر في الولادة الطبيعية بغيت نعرف واش تيديروها ولا لا
و إذا كانو تيديروها واش ثمنها داخل او لازم تزيدي الفلوس
لان هنا في البحرين الولادة الطبيعية ابتداءا من مليون و اذا بغيتي ابرة الظهر كتزيدي 5000 درهم
لكن لحد الان معندي حتى فكرة عليها في المغرب خايفة يكونو متيديروهاش
لانها كتبنج المنطقة من البطن لتحت كتولدي طبيعي ومكتحسي ب والوووووووووو
الي داروها شكرو فيها بزاف
يا ريت فالبنات الي سمعات شي حاجة عليها تجاوبني
جزاكم الله الف خير

[ايم___ان]

المشاركة الأصلية كتبت بواسطة عاشقة الاطفال2

سلام عليكم بنات بلادي انا مغربية غياشة في المانيا فرحت بهتد التجمع
حبيباتي بغيت نسولكم او عارفة مغدوزونيش

انا دابا متزوجة شهريت او نص جاتني الدورة الاولى في 25/02/2012
او الثاتية في 24/03/2012
او هده الثالثة جاتني في 19/04/2012
او لي ضرني في راسي انها كينزل الدم بني ثقيل او بشوية بشوية دابا ثلاثة ايام او جاتني نهارالاول بوجع شفت الموت او من تن ما حسيت بوالوا
او سمحوا ليا الدم لي تازال ما فيبهش ريحة دم الحيض لي في الاصل موالفة تجيني
عفاكم اشتو هاد الشي عندي في الغربة غير ربي

السلام عليكم اختي عاشقة الاطفال
حتى انا منين تزوجت كانو عندي نفس الاعراض ومع وجع في بطني مخليت ما شربت العشوب والدوا ومشيت ل الطبيب ودرت التحاليل بدون فايدة
من بعد شكيت فالكينة ديال منع الحمل و فتغيير الجو لاني مشيت عند راجلي للبحرين
وانا نوقف الكينة و من بعد شهر مابقا فيا والو معرفتش واش حيت بديت تنولف البلاد او من الكينة بس اكيد وحدة فيهم
اانشاء الله يكون خير ماتخافيش

[ام مروة]

العفو اختي ايمان
مرحبا
انا ماسمعتش بهاد القضية ديال الابرة د الضهر فالولادة الطبيعية و مفهمتش كيفاش غتقدر السيدة تزحم باش اخرج البيبي و هي مبنجة نصفيا