مشكله بيني وبين بنتي وبوها الي هو زوجي

[am nonh]

السلام عليكم كروشات وغير الكروشات..

انا جيتكم عندي مشكله ومن كثر ماشخصيتي مزعزعها زوجي معد عرفت انا صح او غلط*

اول شي ببدا بيسؤالي لكم هل تربيه الطفل خاصه البنت تكون على الاب او على الام او عليهم كلهم ؟؟

ثاني شي .. موضوعي*

عندي بنت عمرها 3 سنين وخمس شهور انا اعتبر شخصيتها حلوه وقويه ولطيفه يعني اذا شافتني تعبانه قامت تساعدني على صغر سنها
لاكن عووووووبا اي شي تبيه نفذيه هههههه

فعندي ابوها الله يطول في عماركم اذا قلت لها لا وبكت قال عطيها اذا لبست شي معين مرقع وقلت لا وبكت قال خليها تلبس الي تبي حتى لو ماكتب اذا بس قالت لييييه قال خليها المهم اني حسيت ان شخصيتي بتكون عندي بنتي زيرو فبما انه اكثر قعدتها بتكون معاي قلت ماعليه اتحمل هوشه ولا اني اخرب شخصيه بنتي على ان كلنا ندري ان شخصيه الطفل تثبت عند ست سنوات فا انا متالمه شخصيه تكون شخصيه بنتي قبل لا توصل سبع سنوات ابي اشوف ثمره عمري وتربيتي تكون صح هو لا مايهمه اهم شي يضحك ولا يدلعها اي شي تبيه يجيبه لها اذا ضربتني على وجهي قال لا تضربينها ضربتني ولا ضربتها انزين انت راضي على قله ادبه انا ما ارضى لدرجه انه يمسكني من يديني وبنتي تنحاش وراه مب هذا الشي الي انا ابيه انا ابي اربي بنتي وهي تحبني مب تنحاش مني ولا تخاف مني علشان تندس ورا ابوها*

اخر شي بقوله .. احس نفسيتي تعبت معها انا طبعا قررت اقريه هالموضوع وخليه يشوف وش انا احس فيه من ناحيتي ومن ناحيه بنتي وابيه يرجع لعقله قبل لا تكبر وتوصل عمر 14 واي شي تبيه بتقول لبوها حققه واذا قال لا قعدت تبكي الين يجيبه لها هي الحين اكيد بقول فتره مراهقتها ماني محقق الي هي تبيه اذا ماحققته هي بتاخذه بتقول بقتلها ذاك الوقت برد عليك وبقولك تربيتك تحملها وشبابك راح الحين انت شايب ولا راح تقدر تلحقها تادبها

اتمنى رايكم ومساعدتكم بنات*

[تــوفي]

اهلين اختي والله تصرف زوجك غلط صح نلبي طلبات الطفل بس بحدود بكره راح تعذبكم وحكايه انها تنحاش وراء ابوها منك


وهو يدافع معها بكره بتتعود ولا تحسبلك حساب ولازم تكون شخصيتك موجوده لاتشددي عليها بس بحدود عشان تحسبلك حساب


وتخاف منك وربي يوفقك ويحفظلك زوجك وبنتك وجهة نظري

[فوضت امري لله]

حبيبتي

المفروض تحترمكم البنت جميع

انتي وابوها

وتكون التربيه مشتركه

وابوها يعلمها تحترمك وانتي علميها تحترمه

اذا اخطأت لاتضربيها ابدأأأأأأأ

مافيه احسن من عقاب الكرسي

خليها على الكرسي 5 دقائق

وبعد انتهاء الوقت جيبيها عندك وقولي وش الخطأ

راح تعلمك وش سوت خوذيها بحضنك وخليها تتأسف

احس بنتك فيها نشاط قوي بس لازم تستغلي نشاطها لصالحك

خليها تساعدك وتسوي طبخه تحت اشرافك راح تشوفي كيف البنت

تكون هاديه وتحبك

احسها كمان مياله لأبوها جداااا لانه يدلعها

ولما يقول لها هذا خطأ تسمع كلامه اكثر منك

استغلي النقطه ذي وخليه يعلمها احترامك

فأنت امها واذا انعدمت شخصيه اي واحد منكم

راح تكون البنت مسيطره عل الاضغف

وتتعبك بسن المراهقه----------------

[الريم العبدالرحمن]

التربيه تكون بين الطرفين ومن ناحيه الدلع والدلالل لا افراط ولا تفريط

دلل بنتك وولدك بس بحد المعقول لان لو تدلل اكثر تتعب انت يامه وابوها فيه

لان الابن والبنت امانه في اعناق اهلهم

والله يصلح كل اب وام وطفل وطفله

[am nonh]

شكرا صبايا لمروركم

والله الا الحين اعاني ولحلو في الموضوع وقوف امه معي وتهاوشه اذا شافته دلعها او يقول خليها
لاكن هو رافض يتغير كل السبل اتبعتها معه رافض كل ماجاته قالت ماما تقول انا خبله قال لا هي الخبله  شي يبكي ويضحك نفس الوقت اطالع فيه يقعد يضحك من جدك تزعلين علشان ياهل ولا ادري وش اسوي بس بنتي كسبتها من نصيحه اختي فوضت امري لله من ناحيه الشغل وتسوي معاي الاكل صارت تحب تجيني ولا تغلط علي علشان اخليها تشتغل بس تعالو شوفو شي صح والباقي تحوسه تحوس

[البتول...]

ربي يخليهههها لك ويحفظها من كل شر ..


انا نفس الشيء مع بنوتي هي صغيره عمرها تقريبا سنه و3 اشهر تعتمد علي وتو بدت تمشي وتلاحقني من مكان لثاني يعني احسههها ممره متعلقه فيني ...
بس المشكله اذا سووت شيء غلط او حاست الاكل او كبت الزباله .. اعصب عليها ..اقولها ليه ياماما عيب ولا كخ واطقها على يدها خفيف ...وعلى طووول تدمع عيونها وتبكي وابوها في هاللحظه يهاوشني ويناديها في حضنه ويضحك في وجهها يعني كانها ماسووت شيء

وانا اقووله ترا كذا ماراح تتأدب وتسمع كلامنا بعدين ...ويقوولي توها صغيره ماتفهممم
المشكله الطفل يتربا ويتادب من بدررري ولا بلاش تربيه ...

الله يصلحهم ويهديهممم ..

[حيآتوو]

هو صح وخطأ وانت صح وخطأ

يعني يدلعها عاادي .. وسالفة الترقيع ياختي عادي بالبيت .. انا اشوفها تقوي ثقة الطفل بنفسه واختياره
حتى بنتي البسها اللي تبي وقت الطلعه كلام ثاني

غلطة ابوها .. يكسر كلمتك قدامها!
بعدين ماتحترمك .. لآتتناقشون بامور تربيتها قدامها ولاحد يكسر بكلام الثاني
وضحي له وجهة نظرك
الرجال مايبعد النظر كثيير بالسالفه ياخذها مزح وطفله وخليها
:
بس تضربك بوجهك ماترديها بضربه
مسكي يدها بقوه ونظره جاده .. عيب وخلاص
ورجاءا لايضحك ابوها هاللحظه .. عشان تعرف انه جد خطأ!

واختي لاتصيرين شديدة كثير .. هي بنت مو ولد لازم يكون شديد بدون دلع
صادقي بنتك مو وهي صغيره .. سالفي معاها شاوريها .. تريحها وتترتاحي اذا كبرت

سؤالك الاول..
التربيه ع الاب والام تنفذ! يعني مشتركه

[am nonh]

الله يعين والله انكم صادقين بس نفسيتي تعبت معها اذا جيت اناديها اطالعني بطف عيني احس نفسي حقيره قدامها ههههههه

ترفع ضغطي بس وش اسوي مالي الا الصبر اذا اغلطت علي على طول اطالع ابوها حتى اذا ضربتني بس اطالع فيه يقوم عليها يهاوشها ليه تسوين كذا وهي تقعد تبكي انا تعبت صرت كل شي اطالع فيه احس مالي شخصيه هههههه

بس الحمدالله على كل حال بكره ان شا الله بتعدل والله بهديها

[ام شهدs]

البنت بنت ابوها واقرب الى قلب الاب البنت

حبيبتي البنت صغيره وكل اللي يدور في بال البنت عباره عن لعبه بعدين ليش تضربينها بعدها صغيره

فهمي البنت عن طريق اللعب وراح اظمن لج انها تنفع اكثر من الشتيم والضرب

هاتيها بالسياسه خلي الابو يدلعها مافيها شي حبيبتي في ناس عيالهم مايشوفهم ولايهتم فيهم

وكان محمد صلى الله عليه وسلم هو القدوة في هذا الباب، فقد راعى الأطفال واهتم بأمرهم. فلم يكن يتضجر ولا يغضب منهم، إن أخطؤوا دلهم من غير تعنيف، وإن أصابوا دعا لهم


الرسول صلى الله عليه وسلم كان حنون ع الحسن والحسين وكلنا نعلم بذلك
روى الإمام أحمد في مسنده أن أبا هريرة رضي الله عنه قال: كنا نصلي مع النبي العشاء، فإذا سجد رسول الله وثب الحسن والحسين على ظهره، فإذا رفع رأسه أخذهما من خلفه أخذًا رفيقًا ووضعهما على الأرض، فإذا عاد إلى السجود عادا إلى ظهره حتى قضى صلاته، ثم أقعد أحدهما على فخذيه، يقول أبو هريرة: فقمت إليه، فقلت: يا رسول الله، أردهما؟ فبرقت برقة في السماء، فقال لهما: ((الحقا بأمكما))، فمكث ضوؤها حتى دخلا.


كلمه اخيره

الله يوفقج في تربيت بنتج

[ام اسكندر]

نفس مشكلتي

امنع ابني من شي وابوه يسمح له

مانتفق ع التربية ابدا

وما اظن نتفق