تجمع قسم النفاس,تجمع خاص لنفوسات

[شذى الجنوب]

بنت قطان بالنسبة لتركيب اللولب بعد النفاس يكون باليوم 35

اهلا ياسكر روقي شوي وانا مثلك ماحصلت هديه لكنقبل كم يوم كان ذكرى زواجنا وحصلت منه سلة ورد ماشاء الله تجنن

يعني بالنفاس ماتذكرني

يلا ماعليك ابدي حملتك وابهريه

عن نفسي الاثنين الجاي اخلص الاربعين باذن الله

بس للأسف الاحد باسافر وزوجي بيلحقني بعد كم اسبوع يجلس اسبوع ويسافر لمكه يرابط

الله يعيننا والله صعبان عليه اسافر

[منووول]

مرحباااااااااا نفوسات
كيفكم
حبيت اسالكم وياليت تساعدوني
انا اخذ حبوب الرضاعه سيرازيت الساعه 10 صباحا
وحاااااااابه اغيرها الساعه 2 او وحده بالليل
هل يوثر على

[white sugar]

سلام. . اخباركم يا حلوين
ليش ماعاد نشوفكم. .شكلكم انشغلتو مع بيبياتكم

باركولي الحمدلله ركبت اللولب اول امس وافتكيت ﻷني كنت شايلة همه
مادري ليش في ناس تهول الموضوع وتكبره.. على اساس انه مؤلم ويبكي والله رحت وانا مرعوبة ومتوترة
حتى الدكتورة سارت تاخد وتدي معايا في الهرج عشان ما تخليني اركز معاها واتوتر
والحمدلله ما عورتني ولا شي. . كل اللي حسيته مغصة خفيفة زي القرصة وراحت فساعتها

الين دحين ماسويت شي ﻷني مو لاحقة وغلق وبقى رجلي التهبت وورمت ومو قادرة ادعس عليها. . اﻷسبوع بيمشي وزوجي حيرجع وانا زي ما انا ما اتحركت وسويت شي مقهورة مرة
انتو خبرونا ايش سويتوا. . وبطلو كسل وخلونا ندردش زي اول
كل يوم ادخل وما شوف احد كسلتوا خلاص

[المخملية]

وايت سكرر...

بخصوووص الهديا انا بولادتي الاولى ماجابلي زوجي هدية ولما قلتلو الكل يجيب لزوجتو بعد الولادة تحجج بالسفر وقالي انا متوتر وشايل هم سفرتي ومن هالكلام
لان بعد ولادتي الاولى كانت بداية دراستو برا
وبولادتي هذه مدري عنو بيتذكرني بالهدية والا لا
انا قلتلو جيب لبناتك كل شي تلقاه قدامك بس مدري عنوو يجيب والا لا
واكيد بزعل اذا ماجاب

ومبرووووك تركيب اللولب
الله يسعدك حمستيني
الكثير يخووووفك

امممممم دحين اقوولك كيفك ؟؟
وكيف اولادك
هههههه قلت خليني اول اقول الي في راسي قبل انسئ
لاني دايم انسى ايش بأقوول

نزلت السوق امس
بصراحة مااعجبني شي تأزمت مرة
غير الي اشتريتوو ضيق علي مررة وشكلو مو حلو بسبب البطن
ولي يومين مسوية رجيييييم واليوم بدأت امشي
بصراحة لما بدات امشي تذكرت الحمل
يااارب انزل وزني قبل رمضاااان
وقبل مايجي زووجي
مافكرتو يابنات تبدأ بالرجيم ؟؟

وعن النيو لوك لسى ماسويت شي
يمكن اروح لصالون روما الي بالصفاا
ماعمري جربتو بس صحبتي مدحتو ليا
وكمان فيه يابنات صالون نوفا بحي الشاطئ مسووي عرض من السبت الي الاثنين
اختاري خمس خدمات ب150
هذا علي كلام صحبتي

كيف باااقي البنات ؟؟

[المخملية]

سلامااات يااوايت
اشبهاا رجلك ؟؟
ماتشوفين شر ..

متي بتدخلي نااادي ؟
وكيف جسمك مااخف وزنك؟؟

[white sugar]

هلا والله بمخموخة اخبارك يا بطة واخبار بناتك

انا الحمدلله كويسة. . فروسي بدا يتجاوب معانا لما نكلمه بسم الله عليه اﻷسبوع الجاي حياخد تطعيمة الشهرين والله يعيني عليه
رجلي اليوم احسن كتير يا رب لك الحمد. . نقعتها بموية وملح مرتين في اليوم ودهنتها وربطتها ودحين احسن
ما اعرف من ايش بالزبط بس يمكن ﻷني كنت بألعب مع يويو ودعس عليها عشان كدا تألمني

اليوم رحت صبغت شعري وقصيته بس لﻷسف ما طلع اللون اللي فبالي سويت درجة تانية. .ﻷنو كان في حنة من زمان في اطراف شعري فطلع اللون مختلف
احلى حاجة يوسف ضحكني لما شافني يقلي شعرك الجديد حلو شعرك القديم مو حلو فين وديتيه هههههههههههههه
حواجبي راح اعملهم يوم الخميس احسن عشان ما يفك التشقير بسرعة، واشتريت قطعتين من زمان عاجبتني ويمكن بكرة ارجع انزل السوق واكمل اغراضي
ايوة صح افتكرت. . اشتريتلي عطر من فيسز اسمه اديكت الازرق مرة حلو ورايق ومع اني زعلانة على ابو الشباب بس افتكرته واخدتله كمان عطر

انا مخففة اكل كتيييييير بس مشكلتي نفسي انفتحت للحلى مع اني ما احبه بس من ولدت وانا اكل حلى يمكن عشان كدا وزني ما بينزل
بس تخلص الاختبارات يمكن اروح اسجل في النادي انا واختي
كوفير نوفا اللي بتقولي عليها انا ارحلهم في المكياج صراحة رهيبة بس ما قد جربتهم في الخدمات التانية

[سرووءة]

كيفكم نفوسات
اخباركم وحشتوني والله
بنات بسالكم
اليوم نزل علي دم احمر غاامق
وبعدين ماعدت شفت شي
وبعدها نزل نفس الكمية بس
معقول تكون دورة
بس مافي الم
راح انتظر لبكرا واشوف
وربي خايفة من يومين صار جماع وزوجي ماتحمل
وخايفة يصير حمل يابنات
مع اني دغري ركدت للحمام وغسلت منيح
خايفة وربي كل ماافكر بجن
قلت لزوجي ياويلك يصير حمل
قلي ماراح يصير شي
كيفكم انتو والبيبات
جود بخير وبعد 10 ايام عندها تطعيم الله يعيني
اكلة هم كتير

[أم لمآر]

سلام حبيباتي

كيفكم وكيف الحلوين


وحشتوني بس جنار ولمار اخدو وقتي

ويادوب ألاقي فرصه أريح وأنام

مخمخ

بسالك رجعتي لمستشفى سليمان ولا باقي

وكيف الخياطه معك

انا مره شايله هم وخايفه مدري من ايش بالضبط

باقي كم يوم واخلص النفاس على خير

كمان حابه اسأل

اللي من جده او مكه

أدا عندكم أرقام حفافات ثقه وشغلهم نظيفه أرسلو الرقم لي الله يسعدها اللي تساعدني

وأرقام اي وحده تعرف تشقر حواجب وتساوي تنظيف للبشره

ماراح أنساها من الدعاء اللي تساعدني

[المخملية]

وايت .. الحمدلله ان رجلك تحسنت*
وجسمي خف عن اول لبست بنطلون عندي*
قبل الحمل واسع بعد الحمل لبستو قبل اكمل شهر مرة ضايقني وبالقوة سكرت الزرار*
لكن دحين يدخل فيا بالراحة لكن كمااان بمشي علي الرجيم وبرجع اقيس وزني ثااني عن طريق البنطلون بشوف بيصير واسع والا لا*
خخخخخ لان ميزاني مخبط ساعات ماشي تمام وساعات السهم يثبت علي الصفر مزبوط
وكروشتي استخدم معاه الشفط بس*
مرتين سويت ريااضة للبطن وبس*
واشتريت لي كم لبسه بس قلت بخليهم للعيد*
لاني طفشت من السوق

والكوفير مارحت للان بكرة اخلص الاربعين
زعلت من اخويا وتهاوشنا انا وهوا علي روحتي للكوفير قلت خلاص انا اسوي لنفسي كل شي في البيت
انا ابغي درجة معينة بأشتري الصبغة وبجرب علي خصله وحدة واذا طلع حلو بأصبغ شعري كلوو*
وقمت سويت حلاوة ليدي وقامت بنتي تبكي بقي رجلي
بقي فتلة وتشقير بحااول اروح لاي صالون قريب مننا

ونعيما الصبغة ام يويو ..*

سروءة .. ياحبيبتي علي بنتك ..*
التطعيمات هم انا اشيل همها*

ام لمار .. لا ماعاد راجعت المستشفي الا مرة وحدة وبعد اسبوع من ولادتي*
وكانت مراجعة لبنتي*
انا مارحت لدكتورتي والخيوط اتوقع من النوع الي يذوب لان بولادتي الاولي قالت لي دكتورتي الغرز تذوب*

[عيون حبيبي]

هلآ من زمان عنكن يابنات التجمع فينكن ناقصين شو اخباركن عساكن بخير سامحوني ع تقصير بس آسيل خذت كل وقتي
اخبارك مخمخ ووسروؤء