الجنين في منطقه الحوض وليس في تجويف البطن ... حالتي الغريبه ..شوركم ربي يسلمكم

[غلادنس]

السلام عليكم ورحمه الله وبركاته

شخباركم وشلونكم مع التعب والحمل

ماطول عليكم ..حالتي اول مره اسمع فيها ومامره سمعت احد تكلم وقال انه عانى من هذا الشي

ابي مساعدتكم وشوركم .... والي مرت بحالتي شنو سوت

الله يسلمكم اول مره عملت سونار عن الدكتور وكتب لي حبوب ((جسبرين)) قالي استخدمه 20 يوم وارجع له ...

استخدمته ورجعت له ...سوى لي سونار من جديد وقالي استخدميه بعد زياده لما سالته ماقالي السبب

لان خبري هذا الحبوب يعطونه الي عانت مشاكل الحمل من قبل انا الحمد الله حملي كله تمام
المهم ماطول عليكم
لما جيت عند اهلي رحت المستوصف وقلت للدكتوره ان الدكتور كتب لي هذا الحبوب وعمل لي سونار ومن هالكلام
سوت لي سونار ...اول ماسوت لي قالت ماما هذا كيس مافيه جنين

قلت لها كيف مافيه جنين وانا في الاسبوع 16 ...يعني تقريبا نهايه الشهر الرابع
قالت لي هذا كيس كبير بس مافيه جنين
انا توترت وصرت اسالها ..

قالت لي اسكتي خلييني اشوف اعرف شنو هذا ... وهي جالسه وتحوس في بطني وتدور الجنين
في الاخير قالت لي الجنين صاير بالعرض في منطقه الحوض والكيس الي شفته هذا كيس الجنين وماي الجنين الي المفروض يكون فيه

تقولي المفروض الجنين يكون في تجويف البطن ..بس حو بعده في الحوض مارتفع

وغير كذا مسبب لي آآلام في الظهر واحيان حتى رجولي تألمني :(
وغير المغص وآلام مثل الدوره

قالت لي ارتاحي ولا تسوي مجهود...شلون ارتاح وانا مسؤوله عن بيت وعيال ...وغير كذا وراي سفر ارجع بيتي الحين

ووووو...ولا عارفه شنو اسوي ...ومحتاره بعمري

ياريت احد يشور علي او يقولي انه في حاله كذا كذا وصارت تمام

على فكره كان في البدايه نمو الجنين ضعيف بسبب اني ارضع وانا حامل .. بس الحمد الله الحين حجمه وكل شي طبيعي ماعدا انه في الحوض مارتفع في تجويف البطن

....

وسلامتكم

[متفائلة دائما]

اقري أذكار الصباح و المسا و امسحي على بطنك و ادعي في السجود و ان شاء الله الموعد الجاي يكون الجنين في وضعه الطبيعي

[اعز الناس عافوني]

ارتاحي ولاتعملي مجهود مثل ماقالت لكـ اهم شي صحتك وصحه جنينك

واذا اضطر الامر اجلسي عند امك فتره ع الاقل عشان يهتمون فيك وبعيالك

وادعي ربك وكثري استغفار وان شاء الله الموعد الجاي تطمنك

وتقول لك كل شي تمام

[غلادنس]

ماقدر اجلس عند امي. .. مارتاح الا في بيتي


لكن هل في
احد مر بهالحاله صار كل شي تمام بعدين ؟؟؟

[غلادنس]

شكرا ياللي رديتوا علي. ..

[خارج السرب]

ماعندي اي فكره او خلفيه عن حالتك

بس عليك بالراحه مثل ماقالو لك عشان يرجع الجنين لوضعه الطبيعي

ولا تنسين قراءة القران

والله يطمنك عليه يارب

[ضوء البدر]

لا تخافي ما في شي يخوف الحمد لله
اما بالنسبة للراحة انا بعد مثلك مش عارفة كيف اريح وانا وراي مسؤولية ، غصبا عني اسوي مجهود

[نفسي أكون أم]

السلام اختي و الله ما عندي فكرة لكن حبيت ادعيلك بثبات حملك و حبيت كمان انصحك بالراحة التامة و خليكي كمان في بيت اهلك مثل ما قالو البنات ليهتمو فيكي و لا تقولي لي اختي انك ما ترتاحي الا في بيت اهلك لكن اختي اظن ان ثبات جنينك متوقف بعد ارادة الله في راحتك و يا رب خير لك اختي تقبلي مروري

[فراشة الشارجه]

وعليكم السلام

اختي ربي يعافيج إن شاء الله

[*فنن*]

فعلا اقري على نفسك وخاصة سورة البقره لان اخذها بركه
وان شاء الله بيتعدل وضعك
ربي ييسر امرك ويتمم لك على خير