استفسار هام جاد ارجوا الرد لو سمحتوا

[nirmen4ever]

معلش انا حتعبكوا معايا شويه ... بس انا منهارة جدا والله متضايقه اوى

انا حامل فى اخر السابع دلوقتى .... من الشهر الخامس وانا بروح لدكتورة فى شبرا كنت متابعه معاها من اول الحمل . اسمها دكتورة رانيا حمدى . الناس كلها بتشكر فيها جدا وهى فعلا شاطرة
المهم هى قالتلى انى حجيب بنت وفضلت تأكد عليه من الشهر الخامس والسادس ... وانا كان نفسى فى بنت اوى اوى اوى وحضرت كل الحاجه بتاعتها وجهزت كل الهدوم ..

المهم انت الدكتورة مش موجوزدة اليومين دول علشان مسافرة . اتضريت اروح لدكتورة جنبى فى مركز طبى . المهم الدكتزرة دى السونار عندها صغير جدا جدا جدا مقاس شاشه الموبايل تقريبا

قعدت تقولى ان المشيمه نازله اوى وان البيبى الحبل السرىة ملفوف على رجليه وماتتقلبيش كتير وانت نايمه علشان خاطر مايلفش على رقبته ويموت لا قدر الله

وفى الاخر قالتلى ولد وشوفى حتى الكيس بتاعه اهو

انا من الصدمه مش مصدقه

هل وارد دة يحصل مع ان دكتورة رانيا كانت مديانى صورة سونار انها بنت وانا فى الاسبوع 23 .. وهى دكتورة شاطرة جدا والسونار عندها كبير وشاشات واضحه

مش عارفه اعمل ايه .. مخنوقه والله

هو كل اللى يجيبه ربنا كويس والحمد لله على كل حال ولا اعتراض على حكم ربنا

بس انا عايزة اعرف بس هل وارد ان دة يحصل ولا يمكن الدكتورة بتاعه المركز دى ماشفتش صح والجهاز عندها تعبان اصلا ولا ايه

لو سمحتوا حد يطمنى .. وتفتكروا اروح لدكتور تانى خالص ولا ارجع لرانيا اما ترجع من السفر

وحد حصل معاه كدة قبل كدة ولا ؟؟؟

[نبعة الحب]

العلم عند الله حبيبتي ولكن انتي امشي مع دكتورتج الاولى ومن ترجع من سفرها اساليها لان انتي قلتي السونار الاخير صغير جدا الواحد من يغير الدكتورة يتخربط انتظري لحين رجوع الدكتورة وتتاكدي من كلامها

[nirmen4ever]

انا متشكرة جدا على الرد

وانا ححاول انتظر الدكتورة بتاعتى

وادعولى بالله عليكوا

[سارونة الكويت]

بصراحه تحصل كثيير سبحان الله

لكن بما ان هذي جهازه قديم وصغير ماعليج من كلامها توكلي ع الله واحرصي من التقلب لانه فعلا ماينصحون فيه وحتى وضعية النوم انتبهي لاتنامين ع ظهرك خلك ع الجوانب دكتوري قالي ان النوم ع الظهر ممكن يلتف الحبل السري

وان شالله اول ماترجع دكتورتك روحي لها وتطمني وقوليلها اللي صار معاج

الله يتمم عليج ويحفظ جنينج ويقر عينج بشوفته سليم معافى يآرب

[آيات ربي]

انا رايي استني دكتورك واحكيلها شو صار معك وخليها تاكدلك جنس البيبي % وتشرحلك كمان يعني شوفي بعينك
ولا تنسي ترجعيلنا وتخبرينا شو صار معك
موفقة

[سيسي34]

ان شاء الله تقومين بالسلامة انتي وطفلك وتحمليه بيدك وتضميه

[أسيرة زوجي]

بما أنه دكتورتك متابعة معاها من أول حملك أكيد هي متأكدة
و فيه دكاترة لما تروحي أول مرة يحبوا يعقدوا الأمر و يخوفوا المريض عشان يرجعلوا ثاني
إن شاء الله كلام كتورتك هو الأكيد و لا تزيدي تراجعي دكتور آخر من الأحسن ترجعي لدكتورتك لما ترجع

[nirmen4ever]

انا متشكرة جدا على اهتمامكوا

الحمد لله انا روحت امبارح لدكتورة فى عيادة الدكتورة رانيا ... هى بديله ليها

الحمد والشكر لله . طمنيتنى على كل حاجه وقالتلى مفيش اى كلام من دة كله

المشيمه فوق والحبل السرى بعيد عن البيبى خالص

واكدتلى انها بنوته

انا بجد فرحانه اوى وفعلا الف حمد والف شكر ليك يارب

كملهالى على خير يا كريم .. وبجد انا بشكركوا جدا

بس انا مش فاهمه هل فيه دكاترة ممكن تلغبط الدنيا كدة وتكون مش فاهمه اى حاجه .

ربنا يسامحها والله دة انا كنت حولد بدرى

الدكتورة بقت تقولى انى من شده اعصابى عندى تشنجات فى عضلات بطنى ... من التوتر

الحمد لله

[ام ملك ونور]

مبرووووك البنوتة وبصراحة انا ما احس السونار فية اي غلط دائما السونار الاول هو الصحيح اللة يقومك بالف سلامة

[ام هيثووووم]

الله يتمم لك ع خير يارب وتشوفيها بحضنك
فيه دكاتره كذا يخربطون ع الفاضي
المهم تطمنتي ع البيبي والله يجيبها بالسلامه ان شاء الله