تجمع الكروشات اللي ولادتهن في رمضان 1433ه

[نسمة دفا]

بقلب شقتي مستشفى نساء وولادة...ههههههههه

عندي في العمارة دكتور باطني وأخصائي إسعاف وحالات طارئة..ينفعونا هههههههههه

[ღ ٱم ديــــــٱلآ ღ]

المشاركة الأصلية كتبت بواسطة haif

نسومه
الله يعينك على العفسه اللي عندك بس دام بيساعدونك جاراتك ربك يسهلها

دادوو
لو لودتي باي وقت ماعلى البيبي دام انك خلصتي 37 اسبوع فبإذن الله ربي بيسهلها لك ولا تخافين

ام ديالا
شكلكم ناوووين على الخيااانه وانا اللي كنت ناويته ماظنيتها بتصير

من جد جلست البيت ممله لي يومين ماطلعت بس مواعيدي وارجع صرت اتعب من ابسط حركه ابغى الايام تركض و اولد بالسلااامه

تخيلووو زوجي يقولي قبل ماادخل موعدي قولي للدكتوره تولدك ولا تقعدين تروعينااا كذا تصرخين فجأه قلت هو على كيفي وتوهم عيالي نتوفين اتحمل شوي علشان يكبرون *

هيوف الخيانات بتكثر ع النهايه >> وانت رايح كثر فضايح هههه

[نسمة دفا]

[مناير999]

نسومه
مو مشكله مادامك مجهزه عمارتكم بالمعدات الطبيه
نشتغل ونفك البقشات ونعاود العمل

مثل اللي كتبوا عنها بالجريده تختبر وجتها الولاده طلعت تولد بسرعه ورجعت لكرسيها تكمل اختبارها ماشاءالله عليها
عاد احنا بنقلبها صراخ وانيين كل سكان العماره والحي يهربون





ام ديالا ودادو
اعقلوا ممنوع الخيانات هذا تجمع رمضان باقي10ايام وبعدها بطبطوا الكتاكيت


ام ديالا
اسم مايدل على ولاده وشيكه لان الرحم بالتاسع يفتح شوي
اما دادوا اكثر من ثنين سم هي اللي ولادتها قربت

[مناير999]

هيوف
مسكين زوجك عايش رعب ههههه

خلاص اعقلي ولا عاد تتشكين





نسومه
وش هالدراسه جت بوقتها
اللي عندي جايه ارق ولاينام ويروح مواصل للدوام
ولا دريت وش السالفه

الحين بس فهمت
اثاري الدعوه فيها خيانه ...
هييين الليله ياقاتل يامقتووول

[نسمة دفا]

منور تعرفي في ولادتي قبل كنت مع جارتي الساعة 11 في الليل..كان في طلق ..بس كنت مستحملته..

طلعت بيتها ورسلت لي ملوخية مصرية طازة..شربتها شرب ..لأني كنت مررة أحبها

......

المهم خلصت شغل بيتي غسيل وكنيس والطلق مستمر وبزيادة قوية

آخر شي ..دخلت
اخذت لي دش دافيء..والطلق نار نار

ومن الحمام على المستشفى ..ولدت ..بعد أقل من ساعة ..كانت ولادتي 6 الفجر

وطلبت أخرج من المستشفى بعد ولادتي..جا زوجي وخرجني..على مسؤليتنا الساعة 11 الصباح..كنت مطمنة..دكتورة الأطفال كانت ساكنة تحت عندي..

وقالت أطلع عندك اطمن عليكي وعلى البيبي كل شوي..(كانت هندية بس مرة ممتازة))

ولما جيت اتصلت على جارتي المصرية وقلت لها انزلي ابغاكي بشغلة..

الحرمة نزلت وانخررررررررررعت...تقول جبتي العيلة دي إيمتى..انتي متأكدة انك ولدتي..وتحسس على بطني..

تقول ..أنها وقت ولادتها وطلقها كل حارتهم وأهلها يعرفوا لأنهم يسمعوا صوت الصراخ والصويط

........

نداء للبكريات..الصريخ والصويط..هههههه ممنوع لأنه ياخذ نسبة أكسجين من الأم ويقلل ضخ الأكسجين للبيبي

فاستجمعي قواكي وقت الولادة وبدون صريخ..

[نسمة دفا]

بروح أستعد لصلاة الفجر وانام

ألقاكم على خير

[انثى من عطر]

ام ديالا


انا ولدت في رمضااان

بالعكس
تخيلي رحت المستشفى الصباااااح

الشواااارع فاااااااضيه

والمستشفى كانوا كل الدكاترة فاضيييييين

واخلاقهم عاااليه

و مزاجاتهم راااايقه


يعني هالمرة نفسي اولد بنفس التوقيت

[نسمة دفا]

منور ..لا ياحوورمة لاتتهورين..

حرام البنوتة تتيتم بسبة دراسة امريكية ..((الله لايقول))

خلنا منها ...

خلينا على الدراسات العربية

الرجال اللي ماينام رجال ابن رجال شايل هم وطنه وزوجته..وعياله..

ربي يخلي لكم أبو الشباب ويكف عنكم كل سوء ومكروه

[ام حنونه3]

كيفكم كروشاااااااااااااات شكل الجمعه فاتتني انا جيت وانتو بتروحون تصلون يالله بعد انا شويات ورايحه اصلي وصح سالفت انو الصريخ ياخذ الاكسجين وطاقة الام لازم ماتصرخ تكتم عشان اذا جت تولد تطلع حرتها من الوجع وطاقتها في الزحير والظغط وتكتم نفسها وقت الطلقه وتحاول تعد لين عشره بعقلها بعدين تاخذ نفس مره ثانيه من فمها وتكتم وتعد لين يطلع البيبي ان شاءالله