دردشة بنات ليبيا , دردشة حوامل ليبيا , تجمع بنات ليبيا

[ام معاد]

ام قصي انت تتوحمي والا ماعندكش وحم

[ام قصى محمد]

اى والله تعبنى الوحم وحاسه نفسى منقرفه من اى رائحه
وحتى الاسبوع الماضى مشيت لاهلى من التعب

[عيون زوجي]

السلام عليكم ورحمة الله


وصحه فطوووووركم كلكم كلكم الصايمه منكم والفاطرة ....



حبل الوصل...يا احبيبه كيف حالك وحال بنياتك والعزري وبوهم ولابأس طهور اعليك والله غالب الفايده في صحتك وهادي رخصه من ربي العالمين افطري باش اتقيمي روحك وعويلتك وماشاءالله طلعتي انشط مني كل يوم ترفعي في سفره فطورك لشيابينك انا يوم بعد يوم
ماعندكش سلفات؟؟؟

وكيف امك بعد العمره والفال عندك ,,,


أم قصي..الحمدلله غبتي وغطستي وطلعتي بخبر حلوووو ألف ألف مبروووووك ربي يثبته وينبته وتخاوي بنياتك بوليد سموح زيهم وترتاحي حتى انتي من التخميم ويارب تشوفيه بين ايديك بالصحه والسلامه زي عرسانا الجدد ماشاءالله ابراهيم ولد يقين و عبدالسلام وليد شموسه وصحه فطورك ولاباس على زوزك وشن اخبار سلفتك الجديده وصلتكم ولا مازال؟؟؟


أثري الحليوه الفهوميه...الله يسلمك ياغاليه وسامحيني مارديتش اعليك في وقتها الله غالب
مشكورة هلبه وبرشه وكثير وبالزاف عالجهد والتعب من اجل توصيل المعلومه والنصيحه بطريقه حلوة زيك وزي السموح عليوه

اجابتي ...كلها شركيات والعياذ بالله وحتى الخميسه والعين الزرقه ياسوسو زي الحجاب لان اهم شي العقيده والتوحيد لله والشرك الاصغر اكبر من الكبائر لانه خفي ويجعل مع الله اندادا والله أعلم,,,


ام معاد...خيرك اتخشي كليمين وقص لاتحكي وين تمشي ولا شن شريتي للعيد ولا شن طيبتي للفطور ولا حال عبادي وماريه ولاحال الوحم معاك العفو خيرك يا غاليه؟؟



أم وسونه...ماشاءالله منورة هالايام والتجمع شادينها حمل وولاده ماشاءالله الفال عندك ويارب تحملي انتي وام ورد وام اجنادين في هالشهر يارب
مرت خوي الصغيرة طلعت حامل اولامس وتبكي ماتبيش تقول ولدي صغير قلتلها استغفري ربي واحمدي ربي على هالنعمه لانها صغيرة مواليد 93 ووليدها عمره سنتين وحملها الاول تعبها خايفه وماتبيش استغفر الله العظيم
ماشاءالله التشيز كيك من يدياتك اتشهي يسلموا يا ذوووق..


أم أجنادين..اليوم مهناش وينك ؟؟ان شاءالله خير وماتكونش دوشه الضرب والقتل في جيهتكم غادي وتكوني كويسه يارب


سوسو..شن طيبتي اليوم وكملتي حوايج العيد ليك وللسنافر ولا مازال ؟؟؟ انا طالعه بعد شوي مشوار صغير لمحل احذيه وراجعه مش معطله ويارب نلقى شن نبي ونروح فيسع ما انحبش طلوع الليل بس النهار نو هلبه وزوجي تعبان من عمله مايهونش عليه انشحوره وهو ريقه يابس وانا فاطرة ونشرب خخخخخخخخخخخ


أم ناريز الحلوة...ان شاءالله نفسيتك أحسن توا وشن حال نوزة وان شاءالله تلقيلها شن تبي يوم الثلات وبري طول لقرقارش وبن عاشور تلقي هلبه محلات اطفال وماتحيريش مع البنوتات الحليوات زيها


أم ورد...كيف حالك وحال الشيخ تمشي معاه لصلاة التراويح ولا تقعدي معكسه في الحوش وشن درتي من اكلات جديدة هالسنه؟؟؟


ميرااااااااس...الحمدلله عالسلامه ولاباس اعليك ومنورة وكيف حالك ومبروك اعليك العتبه الجديدة ويعطيك خيرها ويكفيك شرها وموفقه في قرايتك وكيف حال الشباب الزوز معاك وخاصة الصغير يارب يكون كويس واموره تمام ومنورة مرة تانيه


يقونه ...وينها قصة ولادتك وين كاتبتيها ما لقيتهاش بكل نبي نقراها بليييييييز وكيف حال هيما وفروتي مع بعض خخخخخخخخ رح يطلعوا عينك خخخخخخخخخ انخوف فيك صح؟؟



ميرنا
أم روفيده؟؟؟
سورينام
ميمونه
وكل البنات وسامحوني لو نسيت اسم بالله اعليكم
العتب عالنظر والعمر
هرمنا...الله غالب

[أم أجنادين 80]

السلام عليكم
كيف الحال ان شاء الله لاباس عليك
ام قصي الف الف مبروك
عيون حتي اديري نسخ لصق
ديري نسخ ctrl+c من لوحة المفاتيح
ولصق ctrl+v

يعني اضغطي علي مفتاح control و حرف c بعد ماتحددي الصورة او الكلمة
ونفس الشي ل لصق بس مفتاح control وحرف v

وتسلمي ياغالية علي اهتمامك وتعبتك معاي وعندي ليك طريقة كيكة النسكافيه هيا بسيطة مش زي التشيز كيك
او الباونتي كيك بس تعتبر ارقي من الكيك العادي

[حبل الوصل]

حبل الوصل...يا احبيبه كيف حالك وحال بنياتك والعزري وبوهم ولابأس طهور اعليك والله غالب الفايده في صحتك وهادي رخصه من ربي العالمين افطري باش اتقيمي روحك وعويلتك وماشاءالله طلعتي انشط مني كل يوم ترفعي في سفره فطورك لشيابينك انا يوم بعد يوم
ماعندكش سلفات؟؟؟

وكيف امك بعد العمره والفال عندك ,,

سلمها يارب انتى شن حالك وحال سرورة وحمودى ان شاءالله غير مش متعبينك في رمضان
اليوم انى احسن من امس فطرت يومين ومش عارفة بكرة لولقيت روحى تعبانة بنفطر غصب عليا وربك يسامحنا
بالنسبة للعشاء انا ديما ندير في حاجتين ومرات ثلاتة والحلو وعندى زوز سلفات وحدة تسكن فوق عزوزتها وتنزل كل يوم تطيب معاها والتانية بعيدة شوي وماتجيش ديما وحتى لوجت ماتجيبش في شي تجي بطولها

امى كويسة والحمد لله وفرحانة واجد بالعمرة ومقدمة في الحج وان شاءالله ربي يسخرلها ويسخرلنا حتى عزوزتى مقدمة هيا وراجلى كان سخر ربي وان شاءالله ربي يطعم الجميع بالحج
وصغاري حشاك مركبينلى نخلة في راسي قريب نهبل بسلامتهم
بالنسبة لدبش العيد انى طلعت اشطر منكم خذيته قبل رمضان اول مانزلو عندنا دبش العيد مشيت نجري خذيت لكل واحد 3 لبسات وحذاء وتوكات واكسسوارات للبنات وان شاءالله بطولة عمرهم على طاعة ربي

[ام وسونة]

السلام عليكم

كيف حالكم وخياتي وتسلمولي على دعواتكم الحلوة واللي فرحتني هلبااااااا

بالله وخياتي تدعو لوخيتنا ميمونة لانها كانت حامل وصارلها اجهاض وهي في بداية الشهر التاني

والله نفسيتها تاااااااااااااااعبه هلباااااااااااااااااااا ياريت تدعولها ربي يعوضها خير عن قريب

ام قصي ياريت تقوليلنا على الحوتة دارت معاك مفعول او لا هههههههههههه

[hatoo]

اهلين بنات كل سنه وانتو طيبين والله ليكم وحشه , ان شاء الله كلكم بخير والف الف مبرووووووووووووووووووووووووووك لام قصي والله فرحتلك بكل بكل اول ماقريت انك حامل وربي يثبته لك وتخاوي بنياتك بوليد والف مبروك ليقونه والحمدلله علي سلامتها هي وشمس يتربوا في عزكم ان شاء الله وكيف حالك ياعيون وشنو اخبارك وكيف حال ام وسونه وميرنا وحبل الوصل وليبيا وكل البنات كيف حالكم

[ام قصى محمد]

نجيهم ياربى والله فرحنى ردودكم
عيون الله يكون بعونك انا والله دوبى دوب حوشى مشاء الله عليك حتى يوم بعد يوم كويس
اما الناشطه حبل الوصل مشاء الله تعرفى حتى انا ديما نشرى قبل الزحمه بس السنه عندى فساتين جابتهم عمتى من تركيا للبنات
مشيت امس شريت لهم التوكات وخلاص
تعرفوا والله عندى لهم بدل مازالوا ما لبسهم
وبدل العيد العام الماضى مازالن جدد لبسنهم مرتين بس بالنسبه لفايزه ما زالت دوبها اما جنى نبى نعطيها لاختى لبنتها الصغيره حرام قاعده فى الدولاب من عام اول
ولما مشيت لمصر جبت لهم فساتين وامى جابت لهم ومرت خوى والدولاب يبى يطربق
مع انى امس تسهفت على دبش البنات يجنن والفساتين يجنن بس والله حرام نشرى ويقعد فى الدولاب
بالنسبه لسلفتى الجديده ان شاء الله الفرح قريب قبل العيد الاضحى

[ام قصى محمد]

والله فرحتينى الف مبروك يقونه وشمس
وعقبالك حبيبتى ام وسن
هاتو وين لى زمان عليك شن اخبارك

[أم ورد]

السلام عليكم ورحمة الله وبركاته
كيف حالكم وليكم وحشة