قصة ولادتي الله لايحرمنا الاجر
الدكتوره قالتلي تجين الثلاثا الساعه ست علشان افك المويه لك يمكن يجيك طلق
وانا الرحم كان فاتح 3 سانتي بدون طلق
رحتلها الثلاثا تاخرت رحت الساعه 10 لحالي انا وزوجي وامي راحت تصلي التراويح
وقلتلها لاتجين
المهم دخلوني غرفه الولاده وقاست الرحم قالت 3 س ماتغير
بس بستنى شوي ابيه ياخذ راحته يفتح على نار هاديه
وتركتني وراحت تولد غيري كنت اسمع صوت صراخهم وادعيلهم وقالتي تحركي صرت امشي بالممر
عالساعه 6 الصبح جت وقاست فاتح 5 سانتي
وقالتلي اذا نكبت المويه يعطونك طلق خفيف واذا مانكبت نستنى للظهر وقت دوامها وتقول افتح لك المويه هذا يوم الاربعا الصباح
طبعا كان في الم محتمل تقلصات غير تعب السرير
وامي الله يطول بعمرها عندي وزوجي
وطبعا بعد 4 ساعات يقيسون وماتغير شي
والطلق بالجهاز يوصل ل20 او 30
جت الساعه وحده ولقته فاتح 6 سانتي قالت حلو خليه يفتح وشوب بكب لك المويه واطلبي ابره الظهر
قلت اوك
المهم عندها عياده وقالت خليهم يفتحونها لك الساعه 4 العصر
واطلب ابره الظهر
ويجون يحطونها وتجي مناوبه وتقيس بس مافكت المويه قلت فكيها هذا كلام الدكتوره قالت لا
مو اللحين وسكت قلت مو مشكله هم ابخص
جت الدكتوره الساعه 9 وقعدت تهاوش السسترات قالت انا قلتلها تفك المويه
واحط ابره الظهر ويجي دكتور مصري حق التخدير ويقولي اذا حسيتيً بتنامل يعني مادخل البنج
قلت اوك ويدخلها بظهري وماحسيت بتنامل واحرك رجولي قال اوك وراح
المهم بدا الم الطلق الصناعي قلت انا احس بالم قالت امي يمكن مخففيفين البنج ونطلب بنج زياده
جت السستر وبنحط بنج واحس بشي ينقط بارد اسفل الظهر قلتلها وراحو يدقون ع الدكتور المصري طلع انتهى دوامه
وتجي دكتوره بنج فلبينيه
وقالت لازم نطلعها ونسوي وحده ثانيه
عاد شوفوني وامي الاولى طلع برا ماتبي تشوف وخايفه وتبكي من ابره الظهر
ويوم بطلعون ويحطون الثانيه راحت تبكي وشفتها واقعد ابكي معها مو خوف لا لان شفت دموع امي وخوفها علي
المهم تدخلها الدكتوره وبالم احس بدخولها والحمدلله دخلت وضبطت
وقالت اذا حسيتي تنامل يعني دخل البنج
والحمدلله حسييت بثقل رجل
وتجي الدكتوره المناوبه وتفك المويه وتزيد على الطلق الصناعي وتعطيني ابره بسكوبان تقول تفتح الرحم
وتقيس والرحم مازال مسكر وكل شوي تقيس ونفس الشي مافي استجابه
وسوت تحريض لي والحمدلله بدا يستجيب
وبعد ساعه جاني الم موطبيعي الم بالكلى الجنين يضغط عليه وابكي واصيح
ومع الطلق الصناعي زاد الالم
واقولهم ابي بنج مخدر ماحد حولي يقولون مايصير اخذتي كثير ونبيك تساعدينا بالولاده والطفل ماراح يبكي اذا طلع
ويعطوني مسكن للكلى والحمدلله هدا شوي بس مو مره
وتجي الدكتوره وتعطيني بسكوبان
وبعدها بنص ساعه قايت قالت ادفعي
وادفع واصارخ وامي عند الباب تبكي
وتشجعني الدكتوره اكتمي وادفعي لاتصارخين
بس لازم اصارخ بعد اربع صرخات ودفعات طلع ولدي حبيبي
بعد عذاب والم
وتخيطني الدكتوره وانا اون من الالم
والحمدلله على كل حال حتى الدكتوره تقولي ماتوقعتك تجيبين طبيعي وانتي اول وحده اجازف معك واعطيك محاوله
صراحه جزاها الله الف خير
دكتورتي دكتوره خالده بالحبيب