امي مرة ثانية

[Sadgirl]

الام عليكم
رجعت ليكم من جديد بمشكله جديده مع امي
يمكن بعضكم قرأ الموضوع الاول و اللي كان سبب لتسجيلي في المنتدى

و اللي ما قرأة حابه اقول لكم ان اني مسجله في المنتدى عشان تساعدوني لا امي قاعده تكرهني فيها من تصرفاتها معاي و مع ابوي و اخوي
و طبعاً اني ما عندي احد اشكي ايه
لدرجه اني وصلت حدي
ابي اشكي لاي احد ابي اريح عمري
فمن جذيي دخلت المنتدى لانكم كلكم اكبر مني و مثل خواتي

المهم ببدأ في الموضوع

اليوم لمن رجعت من المدرسه

كان ما فيه غدا ..، الغدا كان من برةه
المهم انا ظنيت ان امي انشغلت و ما قدرت تسوي غدا فما سألت ليش الغدا من برة

جت الليل و انا انتظر امي ترجع من الشغل الساعه 8 فلما طافت ال8 سالت ابوي
امي للحين فالشغل ؟!
قال لي لا امش طلعت من البيت و تقول ما تبي ترجعع البيت
و تقول ان ما فيه احد يستاهل ترجع عشانه !!
فسالت ابوي ليش يعني !؟ شسوينا احنا
فقالت ان هي كانت معصبه ع اخوي
لانه ما كان يحب السمك و كان غدانا سمك
فلما ابوي طلب لنا من برة
امي قامت تصارخ ع ابوي
و قطت عليه جم كلمه مو حللوه و طلعت من البيت
و هددت ابوي و اخوي انها ما بترجع !


الحين انا شنذبي و شذنب اخويي؟ دو اللي سواه ابوي غلط؟!
ردوا علي و ساعدوني
تراني احترق من داخلي
مادري ليش امي ما تحس فيننا !!؟
مخليه بيتها و ولادها عشان ان اخوي ما اكل شي ما يحبه !!

[غصن البان.]

الله يكون بعونكم الله يهديها امك حرام والله شغلة ما تستاهل انها تترك البيت !! ادعيلها انتي وما عليكي بس اهم شي انكم طنشوها هالمرة ولاذا بتقدروا ما تسألوا عليها خاصة ابوكي بكرة بتحس اللي عملتوا غلط وما بترجع بتعيدها ان شاء الله

[احتشامي سر جمالي]

ربي يكون ف عونكم

اصبرو ماعندك الا الصبر

وطنشي هالموضوع وفكري ف دراستك يالغلا

معليك منهم توك صغيرة ع المشاكل

او كلميها او ارسلي لها رسالة

امي كم احتاج لوجودك معي وزي كذا يعني

وعسى ربي يهديها بس لاتغلطين عليها

مهما كان اهي امك

[حلا الغربية]

ربي يهدي سركم ياقلبي وعليكي بالدعاء

[@آه منك جنني غلاك@]

ياعمري انتي جد ضيقتي صدري ربي يردها لكم ولا يحرمكم من حنانها ويهديها

ويقر عيونكم بشوفتها قريب حاولي تكلمينها وحسسيها انك محتاجتها

وقولي لها ماما البيت بدونك مو حلوو وانا اشتقتلك

[حكايا]

الله المستعان

اهتمي بدراستك واخوانك وابوك بغيابها

وادعيلها يمكن تعاني من ضغوط

[منييرة]

حبيبتي أنا مستغربة من طريقة كلامك على أمك هذه أمك أقرب مخلوق لك على وجه الأرض
حبيبتي انت بفترة مراهقة و انا بسنك أذكر اني كنت أنزعج من أسلوب أمي معاي و أحس أنها ما تحبني بس صدقيني ما حد يحبك و يخاف عليك مثل امك مهما كانت تصرفاتها و مهما كانت طريقة تفكيرها
الحين انا متزوجة و حامل و امي عصبية معاي و مرات احسها تظلمني بس و الله ما ازعل منها و احبها و اموت في التراب اللي تمشي عليه الله يطولي بعمرها و يخليها لي و أطلب منها السماح حتى لو كنت مو غلطانة المهم ترضى علي و ما تكون مزعوجة و الله ما يجيني النوم لو أحس امي مزعوجة من شيءو متقبلتها مثل ما هي امي حبيبتي و مستحيل أشكي لأحد من امي لأنها حياتي
حبيبتي فكري انه ممكن تكون عندها ضغوط بالعمل او أي ضغوط ثانية الله يكون بعونها أبد ما تنلام الأم يمكن كانت مضغوطة و شغل و طبخ و تعب و ردة فعل أخوك هي القطرة اللي أفاضت الكأس أعذروها
الغالية الجنة تحت أقدام الأمهات حتى لو كانت الأمهات عصبيات ما ينفي أبد أنها أم الله يطول بعمرها و يخليها لك حاولو تتفهموها و الله يهدي الجميع

[برّو !]

امي وابوي الله يخليهم
كانو كبرييييت مرة عصبيين اثنينهم

تزوجت انا واختي واخوي صار يدرس برا
فضضى عليهم البيت
صارو يشتاقون لنااا واحنا مانتستغني عنهم
ننتظر بس يجي يوم الجمعه

اززمة وتعدي الله يعينكم
ما الومك
بس انتبهي لنفسسسك اهم شي
وخليك قريبة من ربك حبيبتي


اللله يخليكم لبعض

[Orchid109]

بديتي تكرهين امك ؟ عشان مشكلة بين امك وابوك وانتي مالك دخل فيها ؟
واستغرب من ابوك اللي قاعد يعلمكم بمشاكله مع زوجته
صدقيني امك تعاني ضغوطات ومربيتك انتي واخوك وقايمة بزوجه

واقل شي قلتي تكرهينها
الله يصلح حالكم بس

[ساعة صمت]

المشاركة الأصلية كتبت بواسطة orchid109

بديتي تكرهين امك ؟ عشان مشكلة بين امك وابوك وانتي مالك دخل فيها ؟
واستغرب من ابوك اللي قاعد يعلمكم بمشاكله مع زوجته
صدقيني امك تعاني ضغوطات ومربيتك انتي واخوك وقايمة بزوجه

واقل شي قلتي تكرهينها
الله يصلح حالكم بس

شكلك ما قريت يالموضوع كويس
تقولك طلعت علشان ان ولدها ما راضي ياكل سمك

الله يهديها
يمكن تكون مضغوطه من الشغل
بس يمكن تفكر وتجلس مع حالها انها طلعت علشان سمك وبترجع وبتسوفه سبب تافه
لان هالسبب بصراحه تافه

الله يهديها