تجمع حوامل سوريا-دردشة ورود سوريا-دردشة الغاليات

Nayota · 12-10-2012, 12:17 AM

ندى الشام - شام الهوى - سروؤة كيفكون وشو اخباركون

silla · 12-10-2012, 12:19 AM

تسلميلي نايوتا الله يخليلك هالامورة لك دورت بين الصفحات مالقيتها ... بلكي بتنزليلها صورة عن قريب وقت تفضي ...
كتير اتشوقت شوفها

يسلمو سيريا ع قبال وقت نفرح بابنك او بنوتك

silla · 12-10-2012, 12:21 AM

نايوتا لك بكرة موعد صبحيتنا انا وجاراتي ومامنرررجع لامت خخخخخخخخ
مع انو بتطلع روحنا لنفيق ع بكير ووقت منشوف بعض ومنبلش كر منبطل نسكت ونخلص اصلا صبحيتنا ضهر بتكون خخخخ
عال 12 ونص بتبلش
وبتخلص عال 4 العصر او 5
وشو بدك تلحقي بكون جوازنا بقيلها ساعة بتجي
بقا قررت انو يوم الاتنين دايما حواضر وهيك شغلات مابدها وقت

Nayota · 12-10-2012, 12:41 AM

سيلا قريبا انشالله بنزل صورة لنايا تكرمي
والله عم فكرلك بشغلات مابدها شغل ماطلع معي عندك التبولة بدها شغل البيدزا الفطاير
هي اكلات مناسبة للصبحية بس اكلات سهلة ماطلع معي ياريتك حاكية من مبارح كنت فكرتلك
بس هلا ماعاد في وقت بكرة الاثنين انتي تاني مرة حضري الاكلات من قبل بيوم في كتير اكلات باردة
للصبحية يمكن تكوني مساويتيها كلها
بس متل ماعم قلك جيبي نوعين تلاتة جبنة نوعين تلاتة زيتون مرتديلا حلاوة عندك كمان بيض يا مقلي يا مسلوق
وحطي صحن بندورة مقطعو وصحن خيار مقطع وبقدونس يعني مابدك قلك اتفنني من عندك اسهل منهيك ماعاد في

Nayota · 12-10-2012, 12:57 AM

مياااااار كيفك اشتقتلك انت وهنودة بوسة قوووووية من خدو

silla · 12-10-2012, 01:34 AM

انت فهمتي غلط نايوتا

خخخخخخخخخ نحنا عالضهرية مامنفطر منعمل حلويات او تبولة وبيتزا حسب كل وحدة شو حابة تضيف
اوقات كيك وعصير
او قات حلويات باردة هيك شي يعني

انا عم بسالك عن الحواضر مشان اعملن ياهن لجوووزي وقت يجي هههههههه ^_^

بسبوسة زوجها · 12-10-2012, 02:49 AM

هاي صبايا كيفكن انتو وعصفاركن الحلوين
سيلا ماشاءالله لاقوة الابالله شو هالكرومة يخزي العين اللهم بارك فيه اللهم بارك عليه وعلى هنودة ونايا وجود وكل ولاد التجمع ازا نسيت حدى صار هلأ بدي توم بنات بعطي وحدي لكرومة ووحدة لهنودة مافيني فضل واحد عن واحد الاتنين بياخدوا العأل الله يحفظهن يارب
حبيبتي والله اهلي بحلب عنا بيت هنيك والمنطقة آمنة نوعا ما بس لاكهربا لاخبز وماعم يعرفو شي عن الاخبار انا عم خبرهن وهلأ شغلة الاسلحة الكيميائية آطعتلي ألبي وعم ألن يطلعو عتركيا وماعم يرضو آخ والله محروأ ألبي وماعم نام الليل من خوفي
وادلب هلأ احسن شي من يومين نزل بابا الله يحفظو عليها وجاب خبز ورجع عحلب
انا حبيبتي من محمبل ازا سمعاني فيها بين اريحا وجسر الشغور
ومشان الاكل عملي شوربة ماجي جاهزة وقلي جنبها بطاطا او متل ماقالت سيريا اندومي انا برأيي هالاكلتين اسهل من الحواضر تعي بأى حطي جبنة ولبنة وووووو بتلاأي كومة صحون ههههههه شايفي ما اكسلني

بسبوسة زوجها · 12-10-2012, 03:00 AM

ميورة كيفك حبيبة ألبي لما بشوف مشاركتك بتفائل فيكي انتي وهنودة انتو من ريحة سوريا الله يحفظكن يارب ويحفظ اهل سوريا انشاالله الوضع عنكن آمن حبيبتي ليش مابتاخدي جوزك وبتطلعو عالبنان والله سوريا بتخوف وخاصة هلأ احتمال يستخدمو الكيماوي لاسمح الله
طمنيني كيف حملك وكيف عم بترضعي هنودي ياألبي بعدو ظغير
هلأ صار هنودي عندو منافس وهو كرومة بس انا بدي الاتنين يصيرو صهورتي مابرضى غير هيك
شو طابخين اليوم ؟

بسبوسة زوجها · 12-10-2012, 03:19 AM

كيفك ام نايوتا الكتكوتة انشاالله بخير نايا تئبش ألبي شو دخلت لألبي دخلي كيف مابتاكليا!عليها ضحكة متل العسل الله يفرحك فيها
والله ماقصرتي لما ماعملتي فحوصات هون طلعولي روح كل شهر تحاليل ولكل مرحلة تحاليل خاصة ومابعرف شو
هلأ حماتي عندي لحالها تزاعلت مع عمي هو راح لعند ابنو التاني وهي بأيت هون مع انو كانت عم تأول انو هي رح تروح ولما اجا ابنها ياخدها آلت هي بتم وعمي بروح لان بتعرف ازا راحت لعند سلفتي بدها تنزل وتنهان
مع ماعم نتحاكى وهلأ انا وهون كانت آعدي هي وزوجي بحديقة البيت وعم تحكي عني وعم تجعر مشان تسمعني وهلأ دخلت وصارت تسمعني حكي بس انا مارديت مشان ماتصير مشكلي وجوزي ينأهر اليوم عندو عطلة خليه يستمتع فيها
شو طابخين اعطوني افكار مشان بكرى
ناديلي حبيبتي شو مابدك انا على حسابك نقي اسهل شي

بسبوسة زوجها · 12-10-2012, 03:26 AM

ام جوجو كيفك ياروحي وكيفو حمودي انتي ايمت موعد ولادتك انشاالله انا الموعد انشاالله ٣٠ ابريل
وشو هنن الفحوصات يللي عم تعمليها مافي عندكن هاد الفحص يللي عم بحكي عنو وكيف حملك سهل ولا صعب
نزلينا صور لجوجو خلينا نتعرف على هالامورة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	سماسم	إستفسارات حوامل من الشهر السابع إلى الشهر التاسع	2601	06-07-2013 07:34 PM
تجمع حوامل سوريا-دردشة ورود سوريا-دردشة الغاليات	jorri sham	إستفسارات حوامل من الشهر السابع إلى الشهر التاسع	791	07-07-2012 04:03 AM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM