حياتي الزوجيه سجن

[نيكو]

السلام عليكم ورحمة الله وبركاته

بدخل بالموضوع

صارلي متزوجه سنه ونص

زوجي الحمدالله كويس

بس انه حاجرني بقوه

اول زواجي عزمتني صديقتي قالي لا خليها تجي وبعدين تروحيلها

وفعلا جتني وبعدين اعزمتني ورفض اروح لها يقول ماله داعي

وكم مره اعزمتني ويرفض مو بس هي حتى صديقاتي الثانيات

وممنوع اجتمع معهم برا ملاهي او مجمع

وحتى لما اروح احد من جهة اقاربي يرفض الا إذا كان اهلي بيجون

ليه كل هذا المشكله هو يوميا عند اخوياه ومره بلمجمع ومقاهي وانا كلش لا

وانا الحمدالله بنت عاقله

[اماني منتظرة]

يا أختي والله مادري ايش أقلك بس لاصحباتك حينفعوكي ولا اي احد عارفة انك تبغي تروحي وتطلعي بس اذا هو مو راضي خلاص شتسوي الشكوى لله والله حتى انا فالغربة ولا اعرف احد وفين لفين لاطلع من البيت ولا صاحبات عندي ولاجيران هو صح ما يقول اذا تعرفت على ناس بس اطلع لوحدي بدونه لا عشان كذا اصبري ان شالله بيتغير مع الايام الله يسخر لك زوجك ويهديه لك

[البيضاء]

قولي الحمد لله ، شوفي حالات اكتر معاناة منك أحمدي ربك.

[ياحسايف]

نفس معناتك

[ليلى الحلوه]

مشكلتي داخله بالجلكسي وما اعرف اعدل بالخط...
بس ليش انتوا يالبنات دوم مقصه وتحسسوني انه الزوج لقطه وشي ما يتعوض الا هو نتفة ذكر مثل ماهو بشر انا بعد بشر ولو جي تعامله معاي اقل شي بذبحه المشكله توني مرببه وله بدخل من الاب توب وبرد رد عدل بس الحين مب متفيجه...

[هبهوبة]

شكلك لسا عروس
عادي بالبداية اغلب الرجال هيك بعدين مع الوقت و الولاد بتاخدي حريتك و زيادة بس هلا لازم تصبري و تنبسطي بهالشي هاد دليل انو بغار عليكي و بخاف عليكي و و هالشي كتير حلو
اي شو بدك احسن من هيك جد تبارك الرحمن بتنحسدي الله يخليكم لبعض حافظي عليه و لا تنكدي عليكم
عيشو حياتك ببيتك
مملكة المراة بيتا
و خليكي هيك بعيدة عن صديقاتك اصلا الصديقات ما بيجي منن غير وجع الراس

[ahlam-f]

بالعكس ما اشوف انه سجن ولا شي بالعكس انتي مرتاحه كثير والحياة ماتوقف عند طلعات وصديقات .....ايش راح تستفيدي اذا كان زوجك يطلعك ويوديك بس معاملته سيئه معك...بالعكس اذا زوجك يحبك ومريحك حطيه بعينك ...

[منى العين]

قولي له دام انا ما اطلع مع صحباتي انت بعد ما تطلع مع اصحابك
ليه تروح لهم ماله داعي يعني حس بالا احس فيه

[مملوحة الوصآيف]

شوفي ياقلبي انتي لسه عرووس يعني تهني في حياتك صحباتك ان شاءالله بتشبعين منهم مابينفعك الا زوجك دامه يطلعك ويمشيك ايش تبغي اكثر من كذا وع حكايه انه مايخليك تطلعين برا مع صحباتك اكيد من باب خوفه وغيرته عليك ..عموما الله يوفقكم وييسركم يارب

[اشتياق الروح]

انا هيك كمان ولآ بعد آخذ جوالي الجلكسي وبـآعه ..! ليش .. لأنه مايبيني آتواصل معا صاحباتي بالواتس وغيرهـ .. من زود الغِيييرهـْ ..

بس الحمد لله والله مو مقصر معاي في شي آبد واي شي آقول آبيه طوالي يجيبه ..

مرـآت اقول ظالمني بعدني عن كل صاحباتي والناس .. ومرات احمد الله لآن معظم الصاحبات تجي منهن مشاكل .. وآهو ريحني ..

واتذكر كمان انوو فيه آعظظظم من حالتنـآ ... واشكر ربي كثيييير .. والحمد لله ربي .. والله يخلي لي زوجي القمر ..

ولا يفرقنا مدى العمر .. آميييييين

ومثل ماقالوا الخوات ترى من غيرته عليج يسوي كذا .. مثل زوجي تماما ..

لك الحمد يارب ..