تجمع رعاية المولود من حديثي الولادة إلى شهر 3

[يارحيم]

بالنسبه لي انا وخلودي.. كنت اعطي خلودي قطرة المغص مرة او مرتين باليوم وما كان فيه تحسن يذكر كثفتها وخليتها تقريبا مع كل رضعه وبحاول ادور له يانسون ولا كراويا مادري وين احصلها هنا.. والشي الاهم ان زوجي قالي لا تاكلين تمر يمكن هو اللي يسبب غازات له!! من اليوم وقفت التمر وبشوف..

اما بالنسبه لي انا.. المفروض اليوم 39 من النفاس واعتقد جتني ذيك اللي تقرب للنفاس اختها مدري امها.. انا نفاسي كان خفيييف لاني عمليه ونظفو الدم.. يعني نزل دم اول الايام بس وبعدين وانتم بكرامه عدم طهارة ونقط دم من فتره للثانيه.. فجأة اليوم ينزل دم كثير بالبدايه ارتعت!! قلت وش ذا بسم الله لا يكون من الرشاد لاني اذكر انه ينظف الرحم.. بس ياربي لي اسبوعين اكل رشاد وش المناسبه اليوم.. قمت على طول تذكرت سوالفكم عن قريبة النفاس اللي جتكم بالاخير وقلت اكيد هي.. عاد قلت اشوا خليها تجيني عشان يمتد النفاس شوي ويمديني اضبط اموري قبل اطهر تماما ههههههه

عمليتي كنها خفت شوي.. اليوم ما اخذت مسكن ولله الحمد مع اني طلعت انا وزوجي وحسيت عورني جنبي اليسار شوي بس قلت بتحمل مارح اخذ مسكن.. موعدي مع الدكتورة الثلاثاء الجايه بشرحلها الانتكاسه اللي جتني وكل شي بالتفصيل وافهم منها كيف وضعي الفتره الجايه ولين متى لازم اريخ نفسي بهالشكل؟ احس اني مقيده مرة حتى ولدي صرت احاول ما اشيله كثير عشان ودي اطيب صراحه.. الله يكون بعوني وعونكم يارب..