قصتي مع اهل زوجي بختصار وطويله نوعن ما

[رومنسيه حزينه]

السلام عليكم كيفكم ان شاءالله بخير بقولكم قصتي مع اهل زوجي بختصارواتمنى تساعدوني يالله نبداء اناتزوجت صغيره وسكنت مع اهل زوجي بغرفه وحده وكل شي مشترك معهم وانابصراحه طيبه مره الادرجت طيبتي وصلت للغباء كنت اشتغل معهم واساعدهم لمايكون دورهم بالشغل ودوري بالعكس مايرحموني ويتدخلون بحياتي وزوجي يسمع كلامهم بكل شي حتى بلبسي يروح يشاورهم يقول وش رايكم اخليهاتلبس كذااولا واناساكته واطيعهم ومايخلوني اطلع للناس يقولون لزوجي لاتطلع يشوفوهاالحريم واذاطلعت يخلوني اتغطى كاني فيني شي المهم ان اخته الكبيره حاطتهازي اختي واقولهاكل شي وهي تروح تفتن زوجي علي ودايم يهاوشوني ويزعلون بدون سبب واناماقول شي وبعدين ضافولي مطبخ ودورةمياه وزعلوخواته وصارت هوشات عشان المطبخ وكل حريم اخوانهم بيوت لوحدهم ولاقالوشي بس انا ويضايقوني مره ويخلون اشتغل واكرف واناحامل ولايرحموني ودايم اسمعهم يتكلون فيني اي شي اسويه اوكلمه اقولهايمسكونهاويقولونها لخوانهم ويقولونهالزوجي ماقدراتكلم واضحك جابولي الوسواس ماقدراتكلم واذاتكلمت اخاف وكل يوم قايلين لزوجي شي وهوشات ومشاكل ماغدتنا ماشبعنا سوت شاي بدون زنجبيل ماجابت الفطوربدري نزلت الغداءقدام امي وراحت وحريم اخوانهم مايسوون فيهم زيي وحتى هم اذاصاردورهم مايسوون فطورولاينادوني وبعدين حريم اخوانهم طلعوببيوت مستقله بعيدعنهم مابقى الاانا وصرت اشتغل كل يوم وبعدين قلت خلاص ماراح اشتغل اناببيتي وهم بيتهم وتركت الشغل وصرت ماطلع من البيت ودايم يتكلمون عني وعن عيالي واذاطلعت عيالي يطردونهم واذجازوجي قالوماشفنى عيالك من الصباح ثم جاءيهاوشني وتخيلواعبي ماء تحليه من البراده بالحوش لان اللي حاطهازوجي ويقول ماني جايب ماءتحليهاللبيتين هذي للبيت كله وحطن عليها ورقه اذاجيت اخذمويا مكتوب البراده خربانه ياحشره وساكته وحاجات كثير وبعدين طلبت من زوجي بيت لحالي ووافق وطلعنا وزعلو وقاطعونا وقاطعواخوانه ابوي وقالولازوجاتهم اللي تكلمها طالق وكل يوم مشاكل كل ماراح لهم جاءزعلان ولااروح لعزايمهم ولاشفتهم لي سنه بس كل يوم يهاووشون زوجي يقولون اتركهاوتزوج وحده ترضى تعيش معناهذي ماتبي امي تعبت منهم ومن مشاكلهم وش اسوي واناوالله صابني وسواس ماقدراتكلم مع الناس بسببهم والله العظيم ماقلت الاربع قصتي وعمايلهم واسفه طولت عليكم شوروعلي وش اسوي

[قيثاره النور]

اختي العزيزه فوضي امركي الى الله ربي العالمين عادل لايرضى بلظلم وسوف يرد عليهم ظلمهم ادعي من ربي الرحمن الرحيم ان يحميكي من شرهم ويسترعليكي وعلى زوجكي واطفالكي وينجيكي من مكرهم ان شاءالله اختي العزيزه لايوجدفي الدنياشخص مرتاح ولكن الذكي هومن يستطيع التعامل مع مشاكله كوني ذكيه وحافظي على زوجكي واطفالكي واحمي نفسكي بلتوكل على الله والاعتصمام بحبله
الله يفرج عنكي وعن الكل

[ايمان الحلوة]

و الله يا اختي سلمي امرك لله مو انتي بس لي عندك هاي المشاكل ترى للي يسمع مشاكل غيره تهون عليه مشاكله انا متزوجة جديد ما صارلي عام و لساتني عروس و حامل و المشاكل مع اهل زوجي ما تخلص لانو امو ساكنة معاي و تسويلي هي ابنتها مشاكل كنت رار اجهض من كثرة الزعل دايم معي نزيف بس الحمد لله زوجي يشوف كلش بعنيه و ش يسوون ما يخليلهم فرصة عشان يخربون علاقتي وياه انا استحملت بس في الاخير تهاوشت معاهم و وقفتهم عند حدهم الحين ما حد يتدخل فيني و الله معاكي

[do0odi s]

السلام عليكم الله ياشيخه يكفيك شرهم الله سبحانه مايرظى بالظلم اصبري يا قلبي والله بيعووضك خيير بصرراحه انا كنت اشوف اهل زوحي سيئين بس بعد الي سمعته منك ربي هونها علي .. الحمد الله زوجك كويس اهم شيء اكسبيه وسوي الي يرضي رب العالمين معاهم كلمي مستشااار اسري بعد الله سبحانه وتعالى كان له الفضل في حل مشاكلي ..

[مرهفة الإحساس]

حبيبتي اتوقع ما عندك غير الصبر وربنا يعوضك غير عن صبرك

[سفوني]

الله يعينك ويصبرك عليهم

بس لاتتنازلين عن البيت

اصري عليه

[ثقتي بربي تغمرني]

ربي يصبرك ويكون في عونك

[رومنسيه حزينه]

الله يجزاكم خيرومشكورين حبايبي الله يرزقكم السعاده في الدارين ويخليلكم حبايبكم وحسبي الله ونعم الوكيل فيهم

[طيبتي أكبرهمومي]

حسبي الله ونعم الوكيل
ابي اعرف الحين
ليش كل الحقد عليك وانتي معاملتهم بذوق واحترام
اختي اشك اهل زوجك انهم يعانون امراض نفسيه ادخل في دمهم وعظامهم
ولابد انهم يعالجون انفسهم بحاله اللي هم فيها وانتي احقريهم تجاهليهم نظراتك لهم خليها فقو رافعه خشمك ماينفع هالاشكال الا كذا
والا انتي مافي اروع من طيبتك واخلاقك بعكس اذا عملتي معروف صدقيني حتشوفي افعالك كلها على عيالك بكل شئ
وهم بنهايه دنيا تدور وتلف وكما تدين تدان يشوفونه في انفسهم بعدين يأخذون العبره لمن اعتبر الدنيا دوراه والله مايرضى بظلم
ياما حدثت من جماعاتي من قصص ظلم كثيره ولكن بعد سبحان الله فرجت ودرات الدنيا عليهم سبحان الله

والله مافي الناس كذا الا مثلي مجربه نفس المستوى لكن سبحان الله ارد لهم صاع صاعين حتى هم سعو الى تخريب علاقه بيني وبين طليقي بس سبحان الله طلق غصب ورى خشمه والا ناوي يطفشني الين يوصلون اللي يبغونه
الله يوفقك ويسعدك ويسخر لك من تولى امرك
وقولي اللهم اكفنيهم بما شئت وتحسبي وادعي ان الله يسخر لك زوجك وعيالك

[حنين روحي]

تركيهم عندك واهم شي انتي وزوجك متافقين وسعيدين
والله يفرج همك يارب