قصة ولادت حبيبة قلب الماما

[cup cake]

السلام عليكم ورحمة الله وبركاته

شخباااااركم كروشات وامهاااات , انا وعدتكم ان لى عودة بقصة ولادتى با التفصيل الممل
كان معاى اللم من قبل يومين اللم شد اسفل البطن وماكنت اقدر اجلس صحيح من الالم و طبعا الكل نصحني اروح حق مساج عندنا بنسميها مراخة و رحت وقالت لي ان البيبي شاير لي و معاي شد وسوت لي مساج في بطني وظهري و رجعت للبيت تحممت و يوم ثاني لقيت نازل علي دم بني شوي و خفت لاانى بكرية وماعرف هاي خطير او لاا و رحت المستشفى وحطولي تخطيط و قالت لي تحسي بشي قلت لها الم خفيف قالت لي معاج طلق ولازم نسوي فحص داخلي وطبعا خفت لان الكل يقولي انه مولم و سوت لي و حسييييت عيني بتطلع من قوة الالم و قالت لي مفتوحة نص سانتي ورجعت للبيت و يوم ثاني كنت اتعشة مع زوجي وحسيت بالم بيروح ويجي في ظهري وبطني وكان محتمل و قلت هاي اكيد ولادة لانه بروح وبجي ورحت تحممت و حلقت جسمي و زاد الالم و طبعا ماعرفت انام وزوجي ماعرف ينام كان خايف علي و انتظرت لي الصبح الساعه 9 كان الالم يقوى و اتصلنا على امي وام زوجة وعمته وجات لي ام زوجى وعمته وامي ورحنا المستشفى وكنت خايفه من الفحص الداخلي و قالت لي بتفحصني وطبعا قمت اصيح مثل الاطفال واقولها بيالم و فحصتني قالت 2 سانتي طبعا قلت لها كل ها الالم وبس 2 ساااااانتي قلت لها ابي اطلع و لين زاد الالم برجع قالت لي لازم تدخلى على الدكتوره اول ودخلت على الدكتوره وفحصتني طلع 3 سانتي قالت لي عنق الرحم عندك مرن و يمكن يتوسع بسرعه ماقدر اخليج تطلعين لان ولادة و لبسوني ملابس الولادة و قاسولي الوزن والطول و ودونى على العمليات وكنت ابكي مثل الاطفال كنت خااااااااااايفه و احساس غريب و دمووووع ماتوقف حتى الممرضة قالت لي حبيبتي لاا تبكي احنا كلنا معاك كانو كثير طيبين معاي و لما ركبوني كانت الساعه 11 الظهر وحطولي تخطيط للطلق وحق دقات قلب البيبي و طبعا عاااااااااااانيييييييييييت كان الالم يقووووي والرحم عندى مايتوسع واقف على 3 سانتي واسمع الغرف الى صوبي صراخ و صوت البيبي واقول متى انا و كان معاي اهلي امي وزوجى وام زوجى و عمته واختى وطبعا طووولت وكل مايقيسوني للحين 3 سااانتي و تعبت نفسيتي قلت لها كل هاي الالم و 3 سانتي لين وصلت اكثررر شنو الالم بكووون و زوجي مسكين كان يبكي كل مايجوفني اتالم و صارت الساعه 7 المغرب وللحين 3 سانتي و عقبها حسيييت الماي انفجرر وكان مرررعب مثل البالونه من داخل انفجرت ونزل الماي ومعاه السداده و دم خفيف و قاسوني كان 4 سانتي و عقبها زاد الالم واصبح غير محتمممممممممممل والله كان الالم غير طبيعي انا كنت اسمع عن الالم بس ماتوقعته مثل ها الالم كنت امسك راسي من قوته واصرخ ماكان بيدي ها الشي بس كان قوي في الظهر والبطن وكنت اقولهم خلاص ماقدر اتحمممل بموووت وهما يا عيني متحملين صراخي وكلامي ويهونون علي وعطووني اكسجين وابر و عقبها قاستني قالت 10 وكانت الساعه 10 سانتي ولادة و تجمعو على الممرضات وقالو لي وقت الالم ادفعي و قمت ادفففع حتى وقت ما يجيني الالم كنت ادفع لان احس قوووتي راححت وتعبت وامي كانت واقفه عن باب الغرفه وتشجعني تقولي ادفعيي جان ترتاحي وتخلصي وكنت ادفع بكل قوووووووووووووتى وكانو يشجعوني يقولو لي نجوف الرااااس يلا يلا قربتي تولدين ادفعى ادفعى وحسيييييييييت نفسي في مباراهو قالو لي امسسسسسسسكي فخوذك وادففعي وكنت ادفع بكل قوتى و طلع الراس والجتف وعقبها حسيت الجسم اندفع بروحه طلعوها وكانت تبكي وحطوها على صدري وكنت اضحك وابكي واحساس مو طبيعي جفت الى انتظرها 9 شهور وصرت ام وجفت بنوتي والله تنسوووو ام الالم من تجوفون البيبي الله لاا يحرم كل بنت من ها الاحساس طلعت بنوتي الساعه 11 اليل و عقبها ضغطت على بطني وطلعو المشيمة وكانت دافيه و عقبها عطوني ابر بنج و خيطووولي و كنت احس با الخياط موووولم وكنت اقولها بنجيني اكثر يالمني و كنت اتحمل اللم الخياط واشغل نفسي وانا اجوف بنتي نظر عيني و عقبها ودوني الانتظار وطبعا لازم افرغ المثانة ويتاكدون ان كلشي تمام عقبها يودوني الى الغرفه و لما جولى امي واختى وزوجي و ام زوجي وعمته يباركولي وزوجي مسكين تعبااان و ماصدق يجوفني و يقولوو لي البنوته تشابهني وايد و عقبها ساعدتني الممرضه تدخلنى الحمام وكنت احس نفسي بطيح واحس بعدم توازن و يوم ثاني كان الخياط مولم وكنت ماعرف اجلس ولاا امشي وكان سبوعين مولم الخياط وكنت اعالجه برش بيتادين و كريم ميبووو و طاح لي الخياط عقب سبوعين ونص واللحين معاي نفخ بسيط وانشاء الله خلال ايام يروووح ومعاي امساك ذابحني و بقولكم يااا حوامل سمعوها نصيحة مني لاا تتنقعو تره النقووع يذبل السيم وهاي كلام الدكتورة مو كلامي و اذا تبون تعقمون الخياط عليكم برش بيتادين ترشونة على الخياط تحسين اب برودة وارتياح و يعقم الجرح ويقتل البكتريا ويساعد على سقوط الخياط بسرعه طبعا انا استخدمته وعقب سبوع من استخدامه طاح لي الخياط وكانت طريقتي في معالجة الخياط كنت كل ما ادخل الحمام اغسل نفسي واجفف نفسي تماما وعقبها ارش رش بيتادين و عقبها احط لي با القطن كريم ميبووو

طوووووووووولت عليكم كثير بس قلت لكم كلشي با التفصيل و يااارب يرزق المحرومات ويسهل عليكم ولادتكم يارب

[ميمي 17]

اللفففففف مبروووك تتربى بعزك

[nwarah]

الحمدلله على سلامتكم
بس سؤال كيف ترشي البيتادين على الخياطة ؟؟
تحطيه على يدك والا عالفوطة والا كيف ما فهمت
انا والده ليا 5 ايام والخياطة معذبتني

[ثلاث وردات]

حمدالله علي سلامتك ومبروووووك البنوتة الحلووووة.

[سوزان الرياض]

الف مبروووك
الحمدلله على سلامتك
الله يحفظلك بنتك ويخليها لك
الله يرزقني الحمل ادعيلي اختي

[ناعسة العين]

الففففففف مليوووون مبروك ع المخارجه
والحمدلله ع السلامه .. والله تفاعلت معاك وتالمت يومك تقولي الالم ماتوقعتيه كدا
الحمدلله ع سلامتكم وايش اسمها بنوتتتك

[ذكرى الحنين]

كب كييييك ياقلبي عليك
الف الف مبرووووك
تتربى بعزك ودلالك
والله يجعلها من البارين اقلقتينا عليكي لما اختفيتي
بس الف الحمدلله ع سلامتك
الحين فطوم ولا ماريا؟؟

[اية من الجمال]

الف الف مبروك حبيبتي
تتربى بعزك
اكيد بس شوفتيها
نسيتي كل الوجع
الله يهونها عجميع

[نور على نور]

مبرووووك ما جااااااك

[أم تااالين]

الحمدلله على سلامتك
ومبرووك البنوته تتربى بعزكم