محتاره بنات اخذ طلق صناعي وﻻانطر ؟!

[فطوومه]

مرحبا حبايبي ..
تذكرون اخر موعد يوم طلع الضغط مرتفع عندي ؟! والدكتوره قالت لي مو كثير مرتفع بننطر تولدين طبيعي .. المهم انا ماكنت مرتاحه من الموضوع وايد واحاتي الضغط وعندي جهاز بالبيت كل يوم اتابع فيه ضغطي والصدمه كانت امس تخيلو ان ضغطي وصل 144/95 اول ماشفت الرقم قعدت اصيح وقول لهم خلاص مافي فايده راح اموت ويموت اللي ف بطني ماتدري شكثر نفسيتي تعبانه من اول ماقالت لي ضغطي مرتفع بس اللي كنت خايفه منه صار ان ضغطي وايد ارتفع معني قاعده احاول بكل الطرق اني اخفضه بس مافي فايده .. والحين راح اروح لها ابي حل للمشكله وقسته اليوم هم طلع مرتفع بس اخف شوي من امس لكن بشكل عام ارتفع عن قبل .. وحتاره اطلب منها طلق صناعي وﻻ شنو اسوي شوي واجن !! انتو شرايكم اطلب طلق وﻻاجوف هي شنو تقول لي حالتي النفسيه تعبنه والله ماعرف شاسوي بنفسي !

[محبوبته]

الله يعينك ويسهل عليك ياقلبي
والله حاسه فيك
خوذي رأي الدكتوره هي بالنهاية تبي مصلحتك
والله يبلغك شوفة النونو بصحة وسلامه

[مريم عبد الله]

الله يقوممك بالسلامة وتشوفي ابنك بصحة وعافية ثاني شي يعني صحيح الضغط مرتفع بس ما في داعي لتهويل الامور انشاء الله كل تمام وبالنسبة لالطلق الصناعي اكيد الدكتورة هي الي لازم تقرر ما تقرري من نفسك هي ادري من اي احد بحالتك ثقي فيها وانشاء الله بتاخد القرار الصحيح

[aso.]

الله يهون وييسر عليكك

[لكاعه]

مو مره مرتفع ليش خايفه الارتفاع فوق 200 أستغفري ربك و توكلي عليه

[حكآية ليل ~]

حبيبتي جهاز قياس الظغط مو دقيق ابدددددد

مره قست فيه ظغط امي وكان حييييل حييييل مرتفع فوق ال200وخفت عليها ووديتها المشفى وقاسوه الا فيه فرررررق بين القياسات

يعني ابد ابد لا تتعتمدين عليه ،، وانا كنت عند الدكتوره اقيس امي بجهازنا ويعطي رقم وبنفس اللحظه تقيس الدكتوره يعطي رقم اقل بكثييييير



يعني روحي قيس ظغطك بالمشفى او في الضيدليات عندهم قياس الظغط


الله يحفظك ويحفظ جنينك يارب

[جمره غضى]

ماعندي علم بس حبيت ادعي لك
الله يهوووون عليك ويحفظك انتي وجنينك

[روزآليندآ]

الله يحفظك ويحفظ جنينك

[المهــــــره]

حبيبتي مثل ماقالت لك حكايه ليل لاتعتمدي ع جهاز واحد روحي وقيسي ف عياده او الصيدليه ومافيه مانع انك تروحي لدكتورتك وتخبريه اللي صار عندك والله يطمنك غناتي