الاهتمام قبل الولاده بشهرين وفي النفاس!! أرجو المشاركة للفائده

[ملمس حرير]

اخيررررا حصلت موضوعي



وانا لي فتره احوس فالمنتدى وما لقيت موضوعي اتاريه موجود بس امكن لان ما شي اقبال من كذا رجع لورا هاهاها عالعموم وين الردود وين الفايده بس هذا الي ردوا الله يهداكم بس ردوا ليه قاطعين واختي حواء الناعمه شكرا وياليت البقيه يردون ويرفعون الموضوع
ترى موضوعي مهم بس ما اعرف كيف اعمل دعايه هاهاها
يعني لدرجة كتبت لكم وش بستخدم واش بعد اكتب ياليت البقيه يشاركون بمعرفتهم والاشياء المجربه الي فادتهم سواءا في نهاية الحمل او فالنفاس

[aso.]

يعطيكم العافيه



انا افكر بعد الولاده اغير من شكلي واهتم بجسمي

بااصبغ واقص شعري وانظف جسمي ان شاء الله

[ساكورا]

يسعدك ربي حلو كثير موضوعك

جزاكم الله خير يابنوتات ..

ماعندي اي برامج حاليه او مستقبليه بس اني بعد كل استحمام احط زيت زيتون على جسمي كله

استخدمت صنفرة الزيت زيتون واللوز المر وسكر وملح يومين كذا وطفشت

بش مستمره على زبدة الكاكاو للبطن

وبعد الولاده بجرب خلطاتكم باذن الله

[ر ي م]

يااااااااااااااربيه .. انا شايله هم الشعر كيف اشيله ماعاد قدرت اوصل لتحت :(
وزي ماقالت وحده من الاخوات يادوب الوحده تاخذ شور سريع وماتصدق متى تخلص
ثقل مب طبييييييييعي وخموووووووول
رقبتي صارت شي ثاني كني لابسه شي غير جسمي مرررررررررة والجسم كله حبوب والحاله مأساوية صايرة
الله يعينااااااا ويثبت اجرنا ويهون ما بقى لناااااااا

[ملمس حرير]

يا حيا الله بكروشاتنا أهلا فيكم منورين موضوعي
انا قبل فتره رسلت لكم وش بستخدم لكن مااداومت بشكل يومي اسوي يوم واجلس ايااام لانه مثل ما تقولون خمول وكسل ولحين مااسوي غير زبدة الكاكاو للبطن
بالنسبة للاخت الي تقول ماتعرفين تشيلين الشعر فالمنطقه الحساسه انتبهي لاتشلين بحلاوه ترى قريت عن وحده مره مااذكر اذا في هالمنتدى او غيره انها شالت بالحلاوه وتعبت كثير لانه يأثر عالرحم لانها عملت الحلاوه عالتاسع اعتقد
انتوا فكروا فيها ليه بنات زمان -اقصد امهاتنا وامهات امهاتنا - يولدون ويحملون بعد الولاده ولا يتأثرون لكن بنات هالجيل صارت ارحامهن ماتتحمل لان الحلاوه لما تنزع بقوه تأثر عالرحم انا عني الحلاوه مافادتني الا عملت لي حساسيه وسمرتني وخلتني اعاني للحين
ومن قبل حملي وانا ازيل الشعر بالموس لان الرسول ذكر وقال فوق ينتف وتحت يحلق فلابد من تطبيق كلامه عليه الصلاة والسلام

[آية 27]

فعلا معك حق
في اول حملي كنت أستعمل الحلاوة فصارت المنطقة حمراء فنصحتني الدكتوراه بالموس و صرت أستعين بالمرآة هههههه

[توووووفي]

مساء الخيرحواملحوايت اشاركم حبايبي وانا حامل بالشهرالسابع الله يتمم لنا على خير ان شاء الله ..فكرت الأهتمام قبل الولاده بشهرين

مره مفيده .
بصراحه انا مره استخدمت خلطه مره خلوه وتبان النتيجه من اول استخدام كيف اذا اعتمدتيها وكانت مكوناتها..زبدة الشايا..وكبسولات فتامين أي فيت..ومعاها زبوت ..ان شائالله اشوف مكوناتها وانزلها بالمنتدى ان شائالله ..بصراحه صفت بشرتي وعطتها طراوه بشكل ملحوظ انزلها ان شاء الله بالمنتدى واقنعة لليدين والرجول ان شائالله

[قيثاره النور]

اختي الله يتمم على كل حامل بلخيرويرزقنارؤيه اطفالنا بين ايدينا
لاتنسي ايضاالادعيه وسوره الانشقاق ألي تسهل الولاده

[ملمس حرير]

اهلا فيكم منورين الموضوع شكرا على ردودكم الحلوه
بقولكم على شغله افضل موس هو موس فينس venus
حلو كثير ولما يكبر الشعر يكبر نااااعم ما كأنه استخدمت موس
بالنسبه للأخت توفي الرجاء منك نزلي الخلطة الي تعرفيها عسى اجربها قبل الولاده وافتح النفس لما يزوروني فالمشتفى ههههه لانه شكلي من كثر التعب ماراضيه اطالع نفسي فالمرايه ههههههه

[أم ماااجد]

السلام عليكم
شخباركم خواتي
انا عضوه جديده هنا في المنتدى هذا
بالنسبه للاهتمام بجسمنا هالفترة اعتقد مهم
لكن للاسف ما في طاقة متجدده يوم اي ويومين لا
من الشهر هذا وانا بديت استخدم خلطة لجسمي حاسه انها نوعا ما جيده
وهي عباره عن :
ملح الحليب و ايسكنول ليمون و صابونة البابايا والكركم
احطهم بعد البشر بعلبة واستحم فيهم بليفة بدي شوب

اما وجهي بصراحه استخدم اسكنول للتنظيف
وروب للتغذيه
وكريم في النهار كلير اند كلين
وبالليل من ماركة ماكس الليلي
ومرات زيت اللوز

مع ذلك الهالات السودا طالعه لي بشكل رهيب لانه معي فقر دم 9
واعاني من كسل الغده الدرقيه

هذا بعض الاشيا

انتظررركم