مستشفى الحرس الوطني برياض

[همسة وهم]

بسم الله الرحمن الرحيم

بنات الله يجزاكم خير ويسعد قلوبكم ويفرج كروبكم

ردو علي وش رايكم بمستشفى الحرس برياض ودي اولد عندهم

وانا بكريه وخوافه ابي اعرف كيف عنايتهم وهل غرفة الولاده مشتركه؟؟

قولولي كل شي عنهم تكفوووون والله لكم دعوه بظهر الغيب

حتى اللي سوت قيصري عندهم كيف كانت خياطتهم وعنايتهم

لان احتمال اولد قيصري او طبيعي ...

[Orchid109]

والله اللي اعرفه
انو الحرس ومدينة الملك فهد الطبية افضل وارقى من المستشفى العسكري والشميسي

انتي توكلي على الله وابد انا ارشحلك الحرس وفهد الطبية
مرة ممتازة ونظافة وعناية
اما عن الغرف اذا هي مشتركة او لا فماعندي علم
ان شاء الله الصبايا يفيدوكي

موفقة

[همسة وهم]

الله يسعد قلبك ويجزاك خيرررر

بنات تكفون ردو اي وحده ولدت فيه او تعرف احد
تخبرنا كيف المستسفى ...

[Mishael]

ياهلا وسهلا انا ولدة فيه ،، تختلف من وضع لوضع يعني انا الحمدالله مااحتاج عنايه قصوى ومتابعه بعد الحمل وماكان عندي مشاكل فالحمل مثل سكر الحمل فولدة وودوني غرفتي بعد الولاده وبنت عمي معها سكر الحمل فلما تولد يحطونها بغرفه تسمى الافاقه وتكون تحت المراقبه كم ساعه
وبنت عمي قبل فتره ولدة وكانت زحممممه فحطوها بغرفه انتظار لحد مافضى لها سرير ،،
المهم بتكلم لك عن نفسي ، مستشفى نظييييييييف الدكتورات تعاملهم مممتااز وراااقي او مادخلت دخلوني غرفه يسمونها الكشك قبل الولاده وماكان معي مرافق جوالي واغراضي كانت معي شنطة البيبي عطوها زوجي ماخلوها معي وعطوني لبس من عندهم حق الولاده وجلست من الفجر الى المغرب بالكشك وكل كم ساعه ممرضه خاصه فيني طبعا الغرفه كانت مشتركه بيني وبين غيري ستاره بس مالي علاقه فيهم جابولي مويه وعصير الاكل شكله كان ممنوع وطلبت مسكن وحطولي بالفخذ ،
بعدها دخلت غرفت الولاده كانت خاصه كو مشتركه وتخانقت مع دكتور وهذا عيب الوحيد فالحرس لازم يدخل عليك دكتور اغلب الحريم قالولي كذا قالي مافي الا قابله وقلت عادي مو مشكله وطلبت امي مرافق ودخلوها معي دخلوني الحمام الله يكرمك معي بنفس الغرفه وطلبت ابرة الظهر وعطوني وماولدة الا عشر ونص بالليل وبنفس غرفة الولاده طلبت من الممرضه يدخل زوجي يشوف البيبي لانه اذا ودوني الترقيد خلاص مايشوفونه الا من ورا القزاز رتبتني ونادة زوجي وطلعت امي وقعد ربع ساعه وطلع بعدين دخلتني الدكتوره الحمام واخذو بنتي والله يكرمك جلستني بعدين روشتني وغسلتني هي الله يسعدها ولبستني ملابس جديده ومسكره ولبستني حتى الفوطه لاني بعد الولاده فقدة التوازن وهذا طبيعي لكل والده المهم تركتني اتعشى وبعدها لبسة عبايتي وودتني الترقيد بعدين جابولي عشاء مره ثانيه وسألوني اذا كويسه واتحمل بنتي او يودونها الحضانه بس طلبتها عندي الصباح جتني دكتوره عالساعه سيع ونص او ثمنيه وكشفت علي وبعدها دكتورة الاطفال وبعدها صيدلي عطاني كريمات للجرح وحبوب منع حمل ،، نصيحتي لك لاتاخذين شنطه بس جهزيها وخليها بالسياره واذا جا زوجك يطلعك غيري وعطيهم لبس البيبي يغيرون له بيعطونك اغراض مع البيبي شنطه فيها ادوات نظافه خذيها لانها لطفلك محد استخدمها قبلك او بعدك ،
كانت جنبي طاوله فيه فوط صحيه وملابس داخليه واذا طلبت اي حاجه جابوها لي مثل طلبت حليب ساخن الصباح وجابولي

[همسة وهم]

الله يجزاك خير ويسعد قلبك ويفرحك يارب العالمين
مشكوره وماقصرتي ياعسل

[همسة وهم]

هل من اتجارب اكثرررر؟؟،