الاهتمام قبل الولاده بشهرين وفي النفاس!! أرجو المشاركة للفائده

[توفيآ]

موضووع رووعه انا افكر الحين اسوي خلطه الصوابين عشانهآ سهله الاستعمال افرك واغسل ومره بالاسبوع تقشير
وبعد النفاس في حملي الاول ولدت قيصري وكان بطني اسوود فاستعملت خلطه صابون الوزير مع جلسريد وزيت وليمون وماء ورد واحطه نص ساعه وافرككك بليفه ناعمه سبحان خف ماطلعت من النفاس الابطني رجع طبيعي وكمان خلطه الغار بياض الثلج تهبل بس غثيثه مالي نفس احطهآ بستعملهآ بالنفاس بعد .. وسمعت ان الحديد يزين الشعر وش رايكم هل زانت شعوركم وانتم حوامل الحين انا استعمل فيروجلوبين حديد واحس كان شعري بالشهور الاولى يطييح بشكل بس الحين خف صح يتساقط بس مب زي اول الله واعلم يمكن من الحديد

[ملمس حرير]

خلطة بياض الثلج فعلا تهبل ومجربتها قبل سنتين ولكن عالحمل مانقدر نستخدمها لانه الفكس لما نحطه عالظهر ممكن يعمل ولاده كثير يجطونه عالظهر وقت الضارب لانه يخفف وجع الظهر ويسهل الولاده للحامل ومن الاساس خلطة بياض الثلج يبغي لها شوية بارض وصبر لانه تكون حر وثقيله وعالحمل بالكاد طايقين نفوسنا ههههههه اربي يرزقنا بالذرية الصالحه المعافيه ون شاء الله نهتم عالنفاس ونرجع عرايس لازواجنا قولوا آمين

[أحاسيس الأرجوان]

انا كمان عضوة جديدة
واستفدت من المنتدى وحابة تستفيدون مني
انا كتبتلي الدكتورة عن تشققات البطن كريم (بريجناكير) السعر 65ريال وكريم للتصبغات والكلف (كوزمو وايت) السعر مية وشوي مو متذكرة وقالت اامن اثناء الحمل واستخدم لوشن فازلين بزبدة الكاكو وخلطات طبيعية من البيت اهم شي الترطييب وابتعد عن الحلى والدهون ....الخ
ابغى دعوة حلوة ان تسهل ولادتي واشوف بنوتتي بصحة وعافية وجميع الحوامل ان شاء الله

[حكاية مطر]

انا خايفة من البطن انه يترهل ومايرجع مثل اول
ياريت تفيدونا بخلطاتكم وشو الحل الي يرجع البطن زي اول


بالنسبة للسواد بعض المناطق في الجسم انصحكم بالحمام المغربي

[جوهرة الخريف]

السلام عليكم بنات كيفكم ياريت لو فيه خلطة لتشققات البطن تكون مضمونة 100/100

[توووووفي]

ﺑﺎﻟﻨﺴﺒﻪ ﻟﻠﺒﻂﻦ ﺣﺒﻴﺒﺘﻲ ﺍﺣﻨﻰ ﻋﻨﺪﻯ ﺍﻟﻮﺣﺪﻩ ﻟﻤﻰ ﺗﻮﻟﺪ ﻃﺒﻴﻌﻲ ﻓﻲ ﺍﻟﻨﻔﺎﺱ ﺗﺮﺑﻄ ﺑﻂﻨﻬﺎ ..ﻳﻌﻨﻲ ﺗﻠﻒ ﺑﻂﻨﻬﺎ ﻓﻲ ﻓﺘﺮﺓ ﺍﻟﻨﻔﺎﺱ ﻋﺸﺎﻥ ﻣﺎﺗﻂﻠﻊ ﻟﻬﺎ ﺑﻂﻦ ..ﻭﺍﻟﻂﺮﻳﻘﻪ ﺗﺎﺧﺬ ﺷﻤﺎﻍ ﺍﻭﻏﻂﺮﻩ .ﻣﺎﻋﻠﻴﺶ ﻫﻬﻬﺔ ﺑس ﻣﻦ ﺟﺪ ﻏﻂﺮﻩ ﺍﻭﺷﻤﺎﻍ ﺗﺎﺧﺬﻳﻬﺎ ﻣﺜﻞ ﻣﺎﻳﻠﺒﺴﻮﻫﺎ ﺍﻟﺮﺟﺎﻝ ﺑﺸﻜﻠﻬﺎ ﺍﻟﻤﺜﻠﺚ ﻭﺗﻠﻔﻴﻦ ﺍﻟﺸﻜﻞ ﺍﻟﻤﺜﻞ ﺗﺴﻔﻂﻲ ﻟﺪﺍﺧﻞ ﻭﻳﺼﻴﺮ ﺷﻜﻠﻬﺎ ﻣﺜﻞ ﺍﻟﺤﺰﺍﻡ ,ﻃﻴﺐ ﻭﺗﻠﻒ ﻋﻠﻰ ﺍﻟﻤﻌﻬﺪﻩ ﻣﻦ ﺗﺤﺖ ﺍﻟﺼﺪﺭ ﻭﻭﺗﺠﻴﺒﻲ ﺷﻤﺎﻍ ﺍﻭﻏﻂﺮﻩ ﺛﺎﻧﻴﻪ ﺗﺴﻮﻱ ﻣﺜﻞ ﻗﺒﻞ ﻭﺗﻠﻔﻲ ﻋﻠﻰ ﺍﻟﺒﻂﻦ ﻭﺗﺮﺑﻂﻴﻬﺎ ﺗﺸﺪﻳﻬﺎ ﺷﻮﻱ ﻣﻮ ﻣﺮﻩ ﻳﻌﻨﻲ ﺗﻜﻮﻥ ﻣﺸﺪﻭﺩﻩ ﺑﺲ ﻣﻮﺑﻂﺮﻳﻘﻪ ﺗﺄﻟﻤﻚ ﺑﺲ ﺍﻟﻤﻬﻢ ﺗﺴﺘﻤﺮﻱ ﻋﻠﻴﻬﺎ ﻃﻮﻝ ﻓﺘﺮﺓ ﺍﻟﻨﻔﺎﺱ ﻃﺒﻌﺎ ﺍﻓﻀﻞ ﺷﻲ ﺗﺴﺘﺨﺪﻣﻴﻬﺎ ﻃﻮﻝ ﺍﻟﻴﻮﻡ ﻟﺎﻛﻦ ﺍﺫﺍ ﺿﺎﻳﻘﺘﻚ ﺍﻭﺷﻲ ﺍﺳﺘﺨﺪﻣﻴﻬﺎ ﻭﻗﺖ ﺍﻟﻨﻮﻡ ﺑﺲ ﻃﻮﻝ ﻓﺘﺮﺓ ﺍﻟﻨﻔﺎﺱ ..

[جلنار..,]

ماشاء الله . ,,تبارك الله
موضوع مررررره حلو ويحمس انو الوحده تهتم ..,. ودي احد يشجعني *_*
انا في بداية السادس تقريبا وأحس تو بدت معايا علامات الحمل والاسوداد.. والتشققات .طبعا التشققات واضحه بقوه من حملي الأول
صح خفت شوي بس لسه واضحه وفي هذا باديه اهتم من بدري ., خالطه زيت زيتون ولوز .,,ادهن فيه بعد الترويش فقط
وباقي الأيام عندي كريم للتشققات بس مو مستمره عليه مره يعني ..,

والصنفره مره بالاسبوع واحيانا كل اسبوعين .., احسها مهمه ...,
أما بشرتي شي ثاني .., مسمره وفيها حبوب صغاااار وباهته يعني مرهقه ومو نافع معاها شي بصراحه .,
بس اتذكر بحملي الأول بعد الولاده باسبوعين او 3 كلش يروووح سبحان الله..
بس اهم شي الفيتامينات انو نستمر عليها بعد الولاده بفتره لا تقل عن 3 او 4 شهور ..



والله يسهل علينا يااااااارب..,

[Reetal]

والله انا مابعرف بالخلطات ولابفهم عليها اصلا مابعرف الاعشاب اللي كتبو عنها بس بعرف انو زيت الزيتون بيسمر كتيييير اصلا اللي تحطو عاشعرها بيغمق كيف البشره؟؟ ؟ وفترة النفاس اخرها انشالله رح اعمل جلسات حمام مغربي

[زهرة البنفسج ّ]

والله يبنوتااات انا افكر اصبغ شعري ع شهري الخير عشان الصبغه ماتنزل
ودي اعمل ع الاسابيع الاخيره فتله لوجهي لاني مراااا اهملت


وعااد مافيني حيل للخلطااات والله بشتري صابون مغربي وافرك فيه جسمي لاجيت اتروش

وعاد الله يخلي بدي شوب بشتري من عنده كريمات وكذا


احس مالي خلق الحين ل اي شي :( وعاد ربط البطن


يمدحوون الشمااغ وش رايكم انتم ي بنااات