دردشه خاصه لأعراض الحمل والوحام

[غلا الورد]

انا في الشهر السابع والوحم يخف ويرجع
الله يسهل للجميع

[عشقت انفاسك]

هلا فيكم

انا يكون وحامي يبدا بالشهر الثاني ويستمر لين الولاده

[امل ال محمد]

اللهم صل علي محمد وال محمد

[Faatimaah]

انا بالاسبوع الثامن ومره تعبانه - هذا حملي الاول
حاسه الشم عندي مره قويه ومااتحمل اشم ريحه اي شي !
اللحم المفروم اكررره وصلصه الالفريدو .... بس اشوف اشكالهم ارجع وانتو بكرامه !
واذا بشرب عصير والا ماي مااحب اشرب في الكاسات الموجوده .. زوجي شرا لي بلاستيك عشان اشرب !
الاكل بشكل عام مااحبه ... مااقدر اكل شي ! واذا اكلت رجعته على طول ..
قبل فتره رحت الاسعاف لان صار عندي جفاف وحطوا علي مغذي وعطوني حبوب اسمهم زوفران تمنع اللوعه ...
حتى زوجي لو قرر يطبخ له شي وشميته خلاص تطلع روحي
الله يساعدكم بنات .. انا والله طالعه روحي :(

[أمنية وردية]

بنات انا احس بصداع وحركات اسفل بطني غريبه والم دورة من بعد فترة التبويض ماوقف الالم باقي على دورتي ٨ ايام وسويت تحليل منزلي طلع سالب


بشروني هل اعراض حمل او لا ؟ توني متزوجه بكمل ست شهور بعد كم يوم وملعندي خبرة

[غصة حنين]

السلام عليكم ورحمة الله وبركاته. .

هلا فيكم حبايبي انا اخت (غصة حنين) ..


متزوجه من 8 شهور دورتي باقي عليها 3 ايام من يوم 19 من الدورة

بعد اللقاء مع زوجي في نفس اللقاء كااان في الم مو طبيعي ماقدرت اتحمله

من بعدها وانا عند نغزات في جنبي اليسار وكثرة دخول الحمام وانتوا بكرامه

ونووووم بشكل فظيع ومن يومين بس صار عندي ارق والم في خصري اليسار والم

الظهر بشكل رهيب وشوية صدااع ..

ايش تتوقعوا حمل او دورة ومتى احلل ؟؟

[عشقت انفاسك]

ااتوقع حمل باذن الله

وانتظري ردود اخواتي اللي بالمنتدى يمكن عندهم خبره

[nedaa]

شكرا على الدردشة الحلوة ربنا يسعدكم ويعطي كل وحدة الزرية الصالحة ادعولي بالله عليكم اني احمل دورتي كمان 6 ايام والله نفسي احمل يارب اكون حامل ساعدوني وفيدوني انا صدري بشد عليه وفي حولين صدري صار الجلد اسود بقع وبطني بجعني وكمان عندي اوقات السره بتجعني وعندي افرازات وحلمات الصدر سود كتير بس حولينهم مو كتير وجهي شاحب وتعبانة وكل يومي بكون تعبانة وما بستكفي نوم ساعدوني حبايبي بالله عليكم

[استغفر الله 333]

السلام عليكم هذي اول مشاركه لي في هذا المنتدى وياريت تفيدوني احس بأعراض غريبه اول مره تحصل لي وهل هي اعراض حمل او لا ؟ اول شيء احس بألم اسفل ظهري جدا جدا جدا واحيان الم اسفل بطني واول ما اصحى من النوم يجيني الم اسفل بطني لمدة ٥ دقائق تقريبا و لون البول اكرمكم الله تغير صار لونه اصفر جدا مائل للون البرتقالي وله ريحه مع العلم بأني اشرب سوائل ويستمر لونه كذا و الحلمات صار ملمسهم ناعم جدا ومثل المحددين زي محددين بدائره مدري كيف اول مره اشوفهم مثل كذا و احس بغثيان قليل و بيوم الخميس الماضي بعد ما اغتسلت وصليت شفت نقطة دم ومسحت بالاكلينكس وماشفت شيء وكملت الافرازات عاديه لونها ابيض و من قبل يومين تنزل لي افرازات ورديه مائل لونها للبني احيانا بس هذي مستمره جدا ماوقفت لدرجة حتى وانا اتبول يكرم السامع تنزل لي مع العلم ما احس بألم اثناء التبول او حرقه او اي شيء بحثت بالنت عن اعراض التهاب الرحم احس مافيني شيء حتى افرازاتي مافيها ريحه ابدا و مو خضره او مدري كيف مثل المكتوب احس خايفه جدا وجلست اصيح واصيح اخاف اروح المستشفى و اكشف اول مره يحصل لي كذا و ما اعاني من اي حكه تحت واحافظ جدا على نظافة هذي المنطقه يعني ايش هذا الي صار لي فجأه ؟ زهقانه جدا و دورتي يوم السبت الجاي و ما ابغى احلل تحليل البول المنزلي واتحطم افيدوني ويارب الي تطمني ربي يفرحها ويفتح لها ابواب الخير احس عايشه بقلق جدا في وحده نزلت لها هالافرازات او سمعت وحده من قرايبها او من النت تقول انو صار لها كذا وصار حمل ؟ افيدوني وطمنوا قلبي :( لاتطنشوا ردي وتألموني اعظم ((( ربي لاتذرني فردا وانت خير الوارثين ))) يالله يالله يالله لاترد ايدينا خائبه ادعولي يصير حمل و تكتب لنا كلنا يالله حمل في هذا الشهر بالطفل الكامل السليم المعافى يالله

[سما الروح]

اتوقع حمل ولو صار فعلا حمل قوليلنا وبشرينا انا كمان شاكه اني حامل ويارب اكون زي ماانا متوقعه دورتي باقي عليها يومين ادعولي يتحقق الي في بالي واكون حامل ان شاءالله وابشركم