فضفضه من قلبي

[رحيق الجنة00]

يعطيكم العافيه ...
انا متزوجه عمري25 الي سنتين متزوجه وعندي ولد وبحب زوجي وبحترمو كتيررر ... دخلنا محدود مابين 1000 شيكل ل1200 يعني هيك بكون ... واسبوعي بيقبض 300 او 280 يعني هيك شي المهم صار مره خلاف بينا وطلبت منو يعطيني كل اسبوع 20 شيكل وصار يعطيني بس لم بدي اشتري شي ناقصني لازم اشتري من 20 شيكل مش اخد منو حت لبسه ع العيد او جلباب او كندره اجلكم الله اول سؤال بنسال الي كم معك ؟؟؟
بستنى تحويشتي تكتر او العيد يجي حت اخد العيديه لانو عديتي بتطلع ممنيحه ما بين 700 ل1000 مع هيك بشتري الو بجامه او قميص او اي شي...
بدكم تحكولي بتشتري كتير لا والله ما بشتري كتير من يوم وانا بنت ما بتشري الا الازمني واحيانا ع العيد بشتري اللبسه وجلباب بالسنه الله وكيلكم هالجلابيب صايرات لبسه ولم تغسليهم بصيرو كانو عندك الجلباب من 3 سنوات...
المهم حت ابني باخد من مصاري تحويشتي او من عيديتي وبشتريلو ... او بكون بابا الله يرضى عليه معطيني احيانا بعطيني 50 او 70 لم اروح عليهم مو دائما مع اني برفض اخد بس بعطيني وحت المناسبات بيرفض يعطيني الناس بيجو علي " نسوان اعمامي ونسوان اولادهم " وبجيبو الهديه 100 شيكل مابرضى يعطيني وبحكيلك انا بطلع وبتعب حت يروح راتبي ع مباركات ...
ولم اطلع ع اهلي اخواني صغار معوديتهم وانا بالجامعه يكون بايدي اشي الهم ... يمكن صار نفس الموقف تلات مرات بدنا نطلع وما يرضى ياخد بايدو اشي اضطر اخد 20 شيكل الي اعطاني اياها يوم الخميس واميل ع السوبر ماركت واشكل حوايج ... ومايحكيلي لا وانا بدفع ... اخر مره صار نفس الموقف بس بحكيلي شو بدنا ناخد التلو متل مابدك " كانو اهلي زايرنا قبل اسبوع ونص " جابو معهم اغراض من ضمنها صندوق كولا ..." بتعرفوا شو قلي " بدنا ناخد صندوق الكولا بكفي ... مع انو قابض جديد ... انا ما وافقت اهلي الي جابوه كيف اخدو والتلو بدفع مني ولا اخدو ... لم رحنا ع السوبر ماركت اج اعطاني 10 شيكل بؤلي بدي اساهم معك ....
طيب ما بتحكيلي شو ناقصك ولا بتمد علي مصاري غير 20 .... والله بحس حالي متل الكلبه الي برميلها 20 شيكل وكانو بمنن علي فيها ... بحكيلي انا ما بعرف كم في الدرج مصاري صدقوني اقل من نص القبضه بالدرج بتكون والباقي مخبيه
وقصه مخبيه قصه ... لم كنت اسالو كم راتبك ما يحكيلي ... ومره كنت ارتب ملابسو اكتشفت بخبي مصاري عني ... وانا لم احتاج يحكيلي ما معي بدهم يكفونا للاسبوع المصاري الي بالدرج ... طيب اهلي مو دايمين الي وزوجوني حت يصرف علي زوجي حت جوالي اشتريتو من نقوطي بطلع ع خواتي الي تزوجوا بعدي نقوطهم مخبى عند اهلي حت وهم خاطبات دلااااااااااااااااال مو طبيعي وحت بعد الزواج اختي تزوجت وبعد زواجها اج العيد اعطاها تشتري عبايه ولبسه .. وحت اختي التانيه نفس الشي ... بس انا لااا ..
كان قبل لم بدو يجبلي هديه يجبلي ورده وبس ...
انا بحب الرومانسيه والاجواء وبعملو كل فتره والتانيه عملتو ع زكرى زواجنا وجبتلو هديه وع يوم ميلادو وجبتلو هديه واحيانا بجيلو الشوكلاته الي بحبها اوقات ما كنت اداوم بالجامعه .... بس ما هو ما بتزكرني لا بهديه ولا بشي كانت الورده اول ايام الزواج وهس لا
اخر كلمه حكالي " انتي ليطلع بايدك تشلحيني اواعي الي علي وتاخديهم لاهلك ما بتقصري " انا انصدمت
السبب اهلي بدهم ينقلو ع بيت جديد وبدنا ناخد الهم هديه هس انا ساهمت معو بالهديه اخدنا شرشف تخت 7 سعرو210 مع هيك انا دفعت نص السعر من عيديتي
معلومه اهلي ما بقصرو معي ولا معو يوم ميلادي كسوه للبيبي وطاوله سفره وغير الاغراض التانيه
وهو ولااااا ماخد بهالشي
" وضع اهلي منيح كتير والحمدلله" حاول يدخل بالتجاره مع اهلي .. واعدوه بالدين بضاعه صدقوني بالبيت رماها وخلى ولاد اختو الي يبعو والحجه انو ما بقدر يترك شغلو ..." طيب ليه تطلب بضاعه .... شي بقهر"
التلو انت جرحتي بكلمتك " انتي نفسك تشلحيني ...الخ" ... بحكيلي راجعي نفسك ...
انا بكمل ماجستير ... قسطي كلو اهلي دفعوه .... هو ما كلف نفسو بشي مع انو معو نقوطو .... اما زوج اختي مع انو جديد مستلم الوظيفه وفر لاختي ودفعلها القسط ... بعطيها تشتري الي بدها اياه .. بتحمل لاهلي اكتر مني ... راتبهم 2000 .... " انا صرت اخجل من اهلي من بعد ما تزوجت اختي ....

" مش عارفه شو افسر تصرفاتووو ... كنت احكي عشان الدخل بس بخبي مصاري عني .... " والجديد بحكيلي انا ما بدي اشتغل شغل تاي حت ما ضيعيه ع الهدايا واللبس ... والله ما بشتري الا الي بلزمني سواء وانا متزوجه او وانا بنت ... واشي راقي وسعر متوسط
والله نفسي اتوظف واصير اصرف ع حالي ...صرت اتمنى لو ما تزوجت .... مع انو بباقي الاشياء محترم كتيرررررررررررر ومتدين ،،،
غير هيك انا من النوع بلبس وبتجمل الوو حت لو كنت تعبانه ... قبل كان يعبر بس بعد ما توفى والدو بعد ولادتي ب11 يوم اختلف كتيررررررررررررر صرت اشتاق يضمني او يلاعبني بشعري او يقبلني لم يرجع من الشغل ... حت قميص النوم بطل يعطيه اي اهتمام ... " صرت استحي البس " مع اني كل يوم كنت البس .... ولم بدو حاجتو ازا كنت لابس طقم الصلاه بتزكرني مع اني جميله جدااااا ولم البس واتزين بكون متل سندريلا هيك شقارها وعيونها احيانا بمر اسابيع وانا بكون بحاجتو كتير بتقربلو ومن هالحكي مافي فايده ... وحت لم يرجع من الشغل اول كلمه بحكيها الي انا تعبان ... بالليل بخاف اتاخر ع الشغل... بالاوقات العاديه قبل الصلاه بشوي بتروح علي الصلاه ... بنتقض وضوئه ازا قبلني ..... والله تعبت كتيررررررررررررر وعلي امتحانات لهيك كتبت افضفض ... مابدي اشكي لخواتي او اهلي ....
انتو غريبات وما بتعرفوني لهيك حبيت اكتب بعرف حكيت كتيرررر لانو عنجد نفسي اكتب وافضفض الي جوااااتي

[الأمورة سوس]

الله يساعدك حبيبتي
فضفضي و إن شاء الله ترتاحي
اكثري استغفار و إن شاء الله الله يرزقكم من اوسع ابوابه

[روز بااريس]

خلي مصروفك لك ولاتشترين له هدايا او اي شي انتي بحاجه لها اكثر

واضح انه بخيل ويجمع فلوسه

الله يعينك

[ميزو88]

اختي اكثري من الاستغفار

[اية من الجمال]

الي فهمتو منك انك من فلسطين متلي يعني انا من فلسطين
بالنسبة للراتب قليل جداااااااااااااااااااااااا انا زوجي باخد تقريبا 7 الاف او اكتر ويادوب الواحد بلحق مصاريف
الصراحة من كلامك عزوجك من نظري انو بخيل والله يعينك عليه
بتعرفي انا زوجي عكسك تمامااااااااااا بحب يصرف على اهلي ويشتريلهم هدايا وشغلات غالية
يعني مرة كان قابض ورحنا عند اهلي وعمللهم شوي كلف اكتر من
500 شيكل لانو كمان عزم اصحاب اخوي
وعلى العيد بدل البسة لبستين نشتريلي والحمدلله
وانا اوقات باخد منو من جيبتو مصاري وبحوش وهو سامحلي بهاد الشي
وقت الطفر او نكون بحاجة اشي بطول من تحويشتي وبعطيه لانو لو طلب
روحي بعطيه اياهم
وبالنسبة لموضوع انو بطل يقرب عليكي او يدلعك فهاد الموضوع لازم تلاقيلو حل لانو كل مراءة بحاجة هاد الشي
حاولي معو بالكلام واشرحيلو الي جواتك وانك بحاجتو
ويارب تنحل مشاكلك عن قريب
استغفري الله
واي مساعدة يا بنت بلدي انا جاااااااااااااااااااهزة

[رحيق الجنة00]

مشكورات اخواتي..
بس ع قصه بخيل لااااااااااااااا بينو وبين البخل بعد كبير ... ما بتصنف بخانه البخل
حكيت معو انتهى الحكي بطوشه مع انو ع غير العاده لم رجع كنت لابسه وبالعربي ع 100% طالع وكلو السبب "" بدي احيصوووووووووووو""
وزبط معي الموضوع ....
اما لم حكيت معو بالموضوع كنت احكي ورايقه بس كان مركز باللاب توب .... وانا زعلت وقمت وشبهني بوحده بتشتري من محلات غاااااااااااااااليه كتيرررر وانا عنجد وقتها زعلت كتيرررر
والصبح كاتبلي ورقه "" صباح الخير حبيبتي صدقيني كل كلامي مزح معك الليله حبيت اعصبك " :)
وكمان ئلي لو راتبي منيح كتيررر هديه دار عمي لا تقل عن150 شيكل لم اروح عليهم بكل مره
هو كتيررررررر طيبو ومحترم ... انا لم اكون افكر بتغيرو ... كان متعلق بوالدو كتيرررررررررررررررررررررررررررررررررر اكتر ما بتتتصورووو وكان طالع معو طشه وفجاه مات بين اديه ما كان فيه اشي رحمة الله عليه من يومها تغير زوجي بس احيانا برجع متل الاول واحيانا لا
ربنا يهديه ويرزقووو يااااااااااااااااارب
ملاحظة انا ما بشكي عنووووووووو انا بس بفضفض لانو لم فضفضه الي بقلبي حكي عن مده سنه هههههههههه كتتتتتتير ارتحت

[dr.loly]

ربي يسخرلك زوجك ويرزقكم من اوسع ابوابه واهم شئ اختي الهنا والصحة وراحة البال بالدنيا