اللي سوت اشعة الصبغه تدخل ❤❤❤.

[ام توته باذن الله]

مساء الخير بنات
ياليت اللي سوت اشعة الصبغه تقولنا بكم سوتها ؟
ومؤلمه كثير مثل مانسمع ومتى سويتيها بعد الدوره بكم يوم وياليت تعطينا التفاصيل
وطلبتي مسكن ولا ؟
انا باذن الله رح اسويها بس متردده وخاييييييفه كثير وابشوف تجاربكم عشان اتشجع واسويها باذن الله
لاني بكمل سنتين بعد الاجهاض ولاصار حمل

ربي لاتذرنا فردا وانت خير الوارثين
اللهم لك الحمد على كل حال ()"

[حياتي توأمي]

حبيبتي
سويها وانتي مغمضه مفيده جدا جداً سواء كنتي سليمه او فيه سدد خفيف لاسمح الله هي وظيفتها تفتح القنوات اكثر وتسلك المجرى من اي شوائب مهمه جداً هالصبغه كبداية علاج لما يتأخر الحمل
وفي نتاس كثير جاهله بتقول مو لازمني هالأشعه بما اني لم يسبق ان سويتا عمليه او... الخ
توكلي وسويها
لا آلام ولا شيء
مجرد ألم كمغص دورة شوي قوي مو كثير ولعدة دقائق وخلصتي الفحص وسعرها على حسب مو الكل يعني أنا من الأمارات سويتها بمستشفى خاص بقيمة 1300 درهم اماراتي.
حملت بعد الصبغه بشهرين
وارجع اقولك الألم عادي محتمل كل شيء يهون عشان البيبي

[حياتي توأمي]

يعني هي مفيده للجميع لايشترط تكون الوحده عامله قيصريه او اي عمليه سابقه وخايفه الانابيب تكون تأثرت وصار لها ألتصاقات
يعني حتى السليمه تقدر تسويها للاطمئنان ومثل ماذكرت حتى لو انتي سليمه. بتفيدك بتوسع قنوات فالوك اكثر وبهالحاله الحيوان المنوي بيسهل حركته بسهوله للوصول للبويضه وتلقيحها بقنوات فالوب
حبيبتي والله كثير حملوا بعدها وانا منهم

بالتوفيق

[ام عبدالرحمن969]

حبيبتي انا اول ماتزوجت حملت مرتين واسقط وقالوا لي اسويها وسويتها في الحبيب فرع الريان بالرياض ب٧٥٠ لما جتني الدوره قالو بعد الدوره تعالي ١٠ يوم ولا يصير جماع من بعد الدوره وسويتها بدون بنج وبدون مضاد حيوي ولا شيء تألمت مثل الم الدوره بس اقوى شوي بس محتمل ماتطولين خمس دقايق ويقولون خلاص والحمدلله كانت ذيك الدوره اخر دوره لاني حملت بنفس الشهر الحمدلله وجبت ولدي عمره سنه وشوي الحين وحملت الحمدلله مره ثانيه بدون اشعه سويها بدون تفكير وان شاءالله تحملين علطول حمل سليم تام ثابت وتفرحين بشوفة عيون توته ان شاءالله

[ام عبدالرحمن969]

حبيبتي بعد ماتخلصين يمكن ينزل منك دم شووويه لاتخافين عادي انا نزل مني شوووي دم وماجا بكره الاهو واقف وصار جماع واستمرينا طول الشهر بالجماع لين جا موعد الدوره ولا جت الحمدلله طلعت حامل وثبت حملي لاني كنت خايفه اسقط

[تركوآز]

انا سويتها وحملت بعدها بشهرين تقريبا

آلمها جدا بسيط ولا يذكر

الدكتور كتبلي قبلها مسكن

وسويتها في جدة ب ٨٥٠ في اتوال

ثامن او سابع يوم الدورة

الله يسهلك ويفرح قلبك يارب قريب

[انثئ مجرده]

والله مااعرف بتفصيل بس اختي مسويتها بمستشفئ خاص وكبير .. وع طول حملت الشهر اللي بعده .. بس مااعرف هل تؤلم او كيف .. الله يرزقج يارب ويشفيج

[السعاده بطاعة الله]

اناسويتها تقريباسابع اوسادس يوم دورة والله العظيم ألمها لمدة ثواني ويروح. وينزل دم بسيط اذا وقف عادي تمارسي الجماع وبعدهامضاد

[حلم بنت]

حبيبتي توكلي على الله وسويها هالاشعه وايد مفيده
انا سويتها بشهر خمسه اللي فات مع ان ماصار سنه من زواجي بس عندنا
لازم هالاشعه نعملها قبل لانبدا اي علاج وكنت خايفه وايد بس توكلت على الله وسويتها
كان الم بسيط مثل الم الدوره لمجرد دقيقه وعقب يروح ..
ربي يفرجها عليج ويرزقج الذريه الصالحه في القريب العاجل

[سالي45]

طيب ابنات أحسن مستشفيات الشرقية (دمام - خبر ) لأشعة الصبغة ؟