انصحوني تكفون

[حبي]

بسم الله الرحمن الرحيم
السلام عليكم ورحمة الله وبركاته
اخواتي ماني عارفه ايش اسوي مع زوجي مره مومتفاهم وعصبي وصارت الفلوس شغله الشاغل وانامن النوع العصبي وازعل بسرعه بس عيبي اني اندم من زعلي وارضى من حالي ويوم اروح اتكلم مع زوجي القاه معصب وزعلان يقول ماني على كيفك متى ماترضيني تجين تكلميني ماني لعبه عندك!
وبصراحه ماابغى يجي العيد واحنى متخاصمين وارجوكم تساعدوني مالي الا الله ثم انتم واللي عندها نصيحه تكتبها لي الله يجزاكم خييييييييير
وكل عاااااااااااااام وانتم بخيرررررررررررر قبل الزحمه

[sweet moon]

يوم العيد تهدى النفوس من نفسها

اول مايرجع من صلاه العيد سلمي عليه

واستسمحي منه

العيد فرحه وماظن بيكمل زعلان

والله يخليكم لبعض :)

[أم ليان 1000@]

لا تكلمينه بس خليك ساكته ودايم كاشخة حتى وأنت صايمة وليلة العيد بيجيك هو يراضيك صدقيني لأنه راح يحس أنك جيتي وكسر في خاطرك وكل شوي رددي اللهم رد زوجي لي رداً حسناً

[اوراق الخريف]

قلبي اكثري من الأستغفار بنية رضى زوجك عليك وبعدين كيف تخلينه ينام وهو شايل بقلبه عليك انتي عارف ان الملائكة تلعنك لين يصحى كيف بتستنين لين العيد حبيبتي روحي للجهاز الي يجلس عليه واكتبيله ملاحظه حلوه بينيله سبب زعلك وليش انتي رضيتي الا عشانه مولأنه لعبه بين يدينك وقوليله الحشيمة لك وشو انا من دونك ومن هالكلام وخليه هو الي يشوفها يعني لا تقولين له عنها خليها واضحة على سطح المكتب وهو اذا جاء يستخدم الجهاز بيشوفها من نفسه وورقة على الفطور فيها كلام مشابه مو نفس الكلام يعني نوعي بأسلوب الأعتذار مع الغزل ذكريه بقدره عندك مع نظره وابتسامه ويبو فلان خلاص ماطاب خاطرك ربك يغفر ويرحم وانت لا وشحال لو ماكنت ام فلان زوجتك الغالية الي تحبك ومن هالكلام والله يهدي النفوس بينكم وماشاء الله تبارك الله



اوراق الخريف

[أم حماني]

الله يسخره لج

[~~لحن الحياة~~]

حبيبتي لا تستني العيد وتصالحيه
اليوم البسيلوه احلى لبس وتزيني ولما تشوفيه اعدي احكي انت وهو برواق
وقليلو انك ما الك غيرو بهالدنيا وانك مابدك يجي العيد وهو زعلان منك ومن هالحكي رح يلاقيا قد الدنيا ويرضا يا قلبي
الله يهدي النفوس بيناتكون يا عمري ويهدا بالكم ويمر عليكم العيد وانتو اسعد زوجين

[حبي]

بصراحه انتم احلى شيء بحياتي الله يخلينا لبعض ونصايحكم كلها على راسي وراح اسويها باالحرف وان شاء الله تجيب معي نتيجه
الله يوفقكم كلكم ويسعدكم دنيا واخره
احبكم!

[اوراق الخريف]

ولو ماسوينا الا الواجب انتي اختنا في الله بس طمنينا عليك وش صار



اوراق الخريف

[*ماما*]

انا اشوف استني للعيد خصصوصا انك حاولتي تصلحينه بعدين
الله يعين الرجال بحكايه الفلوس والمصروف امسكي مصروف البيت
شهر و جربي .... و بالعيد و بالليل تحديدا البسي قميص العيد وخليكي احلى
من الصباح و قولي اليوم حنتصالح عشان عيد وبكرا ب يجي الصباح حنتخاصم ويجي بكرا وراح تنسوا انكم متخاصمين ..... و التفاصيل ليكي يا حلوه