قصتي مع الاجهاض المنسي..اللي عندها اي معلومه ياليت تتفضل !

[أم غلآ ~]

السلام عليكم ورحمة الله وبركاته
بداية القول الحمدلله على كل حال واسأل الله العوض في الدنيا والآخره

في يوم الجمعه ( قبل امس ) نزل علي افراز بني
بدون اية اعرض..لا الم..ولا عوار ولا اي شي ..نهائياًااا

رحت على طول لمستشفى خاص سوالي سونار خارجي
قالي النبض ما يبين .. بسويلج سونار داخلي
سويته ..طلع الجنين ميت ..من اربع اسابيع
وانا المفروض اني بالشهر الثالث ( عشر اسابيع )

قالي الدكتور بحط لج موعد للعمليه..لان مافي عوارض للاجهاض او اي نزيف (دم)
عموما نطرت يوم السبت..قالتلي اختي اكلي لهوم وشربي حلبه
وعلى فكره قبلها نزل علي دم طفييف جداُ

المهم شربته..لاني بنزله باي طريقه ( لاني سويت بحث عالنت
وفي ناس حذروا منه انه ممكن يؤدي لخلايا سرطانيه والعياذ بالله)

شربته..ومافيها دقايق وانفتحت الحنفيه..نزلت تكتلات دم كثيره
رحت الطوارئ قالو العنق مسكر..وانتي تنزفين,, بسويلج عملية تنظيف عاجله
سويتها امس الاحد...صج العوار فظييع لاقصى درجه بعد العمليه
بس الحمدلله على كل حال
اللهم اني لا اسالك رد القضاء ولكني اسالك اللطف فيه

اللي عندها اي معلومه عن هالنوع من الاجهاض..
او لها اي قريبه من قريب ومن بعيد صارلها نفس الشي..امانة لا تبخل علي
ودعواتكم لي بالعوض..وربي يجزاكم الف خير

[ريآنهـ..!]

اختي اجهضت من قبل كان بشهر ونص تقريبا

لكن كان بألم شديد ونزول دم لكن مش كثير

لكن البيبي نزل قبل عملية التنظيف

والله يخلف عليك يارب ويعوضك عاجل غير اجل

[رمش القمر]

شوفي مدامك حملتي خلاص اتكلي على ربك
كثييير من اهلي صار لهم نفس اللي صارلك والحين عندهم 2 و3 من لعيال
ونشاء الله ربي يعوظك ولا تخافي هذا شي طبيعي
وياربي يرزقك بالحمل المعافى انشاء الله

[حلمي الأمومه]

انا يوم السبت اجهضت والحمدلله على كل حال بس الغريب طبيب الطؤاري قالي خلاص الرحم نظيف بعد ماسوا اشعه مهبيليه ورجعت البيت وبرضو احس بالم زي الم الدوره ببطني واجلس اتلوى لين اليوم نزلت قطعه لحمه متوسطه لونها ابيض وبعدها ارتحت الحمدلله ادري دخلت فيكم بالعرض بس والله من الي شفته والله يعوض عليك يااختي ويرزقنا ويرزقك بالذريه الصالحه ولاتخافي اخواتي قبلي اسلبو ودحين الي عندها 7 مشاءلله والي 8 وحملو مشاءلله بعد الاجهاض ب3 شهور والحمدلله

[أم غلآ ~]

المشاركة الأصلية كتبت بواسطة ريآنهـ..!

اختي اجهضت من قبل كان بشهر ونص تقريبا

لكن كان بألم شديد ونزول دم لكن مش كثير

لكن البيبي نزل قبل عملية التنظيف

والله يخلف عليك يارب ويعوضك عاجل غير اجل

هم اختي اللي عرست معاي بنفس اليوم اجهضت مثل اختج
بس اختي ماسوت عملية تنظيف , كل شي نزل طبيعي
عموماً الله يعوضني ويعوضهم خير يارب

آمين حبيبتي , الف شكر لج

[ميموتي]

اختي ام غلا اللة يعوضج ان شاللة
انتي تقريبا نفس حالتي
انا يوم السبت 11\9 سويت عملية التنظيف كنت في بداية الشهر الثالث وكان الجنين متوقف نموة بالاسبوع الثامن قبلها جاني عوار مع شوية افرازات بني ولما رحت المستشفى طلع مافي نبض
وقالولي لازم تنظيفات لان الجنين جحمة كبير عمرة 8 اسابيع
نزل معاي دم قيل عملية التنظيفات
بس انتي ماكان المفروض تاكلين الا الدارسين لانة يفتح الرحم اما الباجي يمكن يسبب لج نزيف لاسمح اللة
واللة يعوضني ويعوضح وجميع خواتي يارب
بس ابي اسال سويتي تحاليل بعد العملية وهل اخذو عينة من الدم الاجهاض

[أم غلآ ~]

المشاركة الأصلية كتبت بواسطة رمش القمر

شوفي مدامك حملتي خلاص اتكلي على ربك
كثييير من اهلي صار لهم نفس اللي صارلك والحين عندهم 2 و3 من لعيال
ونشاء الله ربي يعوظك ولا تخافي هذا شي طبيعي
وياربي يرزقك بالحمل المعافى انشاء الله

الحمدلله على كل حال .. وعلى ربي العوض ان شاءالله
الف شكر لج حبيبتي .. ماقصرتي

[أم غلآ ~]

المشاركة الأصلية كتبت بواسطة حلمي الأمومه

انا يوم السبت اجهضت والحمدلله على كل حال بس الغريب طبيب الطؤاري قالي خلاص الرحم نظيف بعد ماسوا اشعه مهبيليه ورجعت البيت وبرضو احس بالم زي الم الدوره ببطني واجلس اتلوى لين اليوم نزلت قطعه لحمه متوسطه لونها ابيض وبعدها ارتحت الحمدلله ادري دخلت فيكم بالعرض بس والله من الي شفته والله يعوض عليك يااختي ويرزقنا ويرزقك بالذريه الصالحه ولاتخافي اخواتي قبلي اسلبو ودحين الي عندها 7 مشاءلله والي 8 وحملو مشاءلله بعد الاجهاض ب3 شهور والحمدلله

ياقلبي .. الله يعوض عليج ويعطي كل محرومه يارب
انا بعد العمليه مانزل دم كثير..بس اللهم شوية الم مثل المغص..
اماالحين توقف الدم..والحمدلله على كل حال
الحمدلله على سلامتج .. ولوو خذي راحتج ياقلبي
والف شكر لج ^^

[أم غلآ ~]

المشاركة الأصلية كتبت بواسطة ميموتي

اختي ام غلا اللة يعوضج ان شاللة
انتي تقريبا نفس حالتي
انا يوم السبت 11\9 سويت عملية التنظيف كنت في بداية الشهر الثالث وكان الجنين متوقف نموة بالاسبوع الثامن قبلها جاني عوار مع شوية افرازات بني ولما رحت المستشفى طلع مافي نبض
وقالولي لازم تنظيفات لان الجنين جحمة كبير عمرة 8 اسابيع
نزل معاي دم قيل عملية التنظيفات
بس انتي ماكان المفروض تاكلين الا الدارسين لانة يفتح الرحم اما الباجي يمكن يسبب لج نزيف لاسمح اللة
واللة يعوضني ويعوضح وجميع خواتي يارب
بس ابي اسال سويتي تحاليل بعد العملية وهل اخذو عينة من الدم الاجهاض

والله يعوضج انتي بعد يارب
والحمدلله على السلامه

تحاليل لا والله..لكن لي موعد الاسبوع الجاي
ومادري والله اذا اخذو دم من الاجهاض
اهو المفروض ياخذون عينه مني ومن الجنين لمعرفة سبب الاجهاض
عالعموم ان شاءالله خير يارب
وربي يعوض كل وحده صارلها نفس الشي..
الف شكر يالغلا

[ام منصور]

الله يعوضج يالغاليه ربج كريم
شوفي حبيبتي انا من تاريخ 8-8 توقف نبض الجنين الصبح واحد والمغرب الثاني كنت في الشهر الرابع
ماكنت احس باي شي ولا نزل عليه دم ولا شي بدون سبب الحمد لله
وتموا في بطني 17 يوم ولا كانه فيه شي والوحام بعد اسبوعين توقف
ورحت المستشفى في نص رمضان وقالوا لي لازم طلع صناعي وتميت يومين وعقب انزلوا بس نزفت وايد والمشيمه ماطاعت تنزل وسووا لي غسيل ولين الحين بعده ينزل عليه دم خفيف
الله يعوضنا ان شاء الله ويعوض كل من خسرت حملها