ديوانية حوامل البحرين

[أم حماني]

النسوان لاجافوا وحدة على ويه ولادة .. كله وحدة تتفلسف وتعطيها من التصرقع .. يعني حتى لو انا مجربه مابخرع غيري .. بروحها النفسيه لها دور كبير

[بنت الأياويد]

إلا بسألج بداية الشهر السابع جم اسبوع لازم 27؟

[بنت الأياويد]

بقولج بختصار الطلق ماينوصف الا لين الوحده جربته يعني حتى لو انتي ولدتي ان شاء الله بالسلامة وبتقولين صار هلون وهلون مابتقدرين توصفينه الا لين انا ولدت وجربت وشفت اشلون الطلق عرفتي :)

[أم حماني]

اي يبتدي من 27 اسبووع

[بنت الأياويد]

اها يالله الحياة اعتقد باجر بدش 25 اسبوع حلاته انا في التاسع الحين تمللت من الثقل هذي توني في الحمد واقول هلون ههههههههههههه

[أم حماني]

اذا وصلتي التاسع باذن الله ... بتحسين كل الاشهر مرت بسرعه ... بس التاسع طويل

[بنت الأياويد]

اي كل من يقول التاسع طويل مايمشي بسرعه عكس الشهور الباقية ، الله كريم ان شاء الله ، المهم انا استاذن الحين النودة وصلت وان شاء الله باجر اشبك الظهر اذا قدرتي دشي وتحملي بروحج وربي يسهل عليج ويهون عليج رقدي ولاتحاتين وان شاء الله كلشي خير ، تصبحين على خير ومع السلامة

[أم حماني]

ونتي من هله يالغاليه ... نوم العوافي

[حنين للماضي]

السلام عليكم

توني رجعت من الصالون وقلت بريح شوي وبقوم اصلي
يازعم رايحين من وقت عشان نكون اول ناس اني واختي انصدمنه رقمنا كان 5 و6
يالله الحمدلله على كل حال

حفيت وقصيت شعري يازعم نيو لوك من تزوجنا وهذا هو شعري كله مربط سويته مقطع هالمرة

ام حماني ها بشري عن ظهرش؟؟
عجل الليلة بتروحين بإذن الله؟؟
ربي يسهل عليش ان شاءالله
ونفس ما قلت بنت الاياويد هذا شكله طلق ان شاءالله لأن يقولون يروح ويجي على فترات وحتى ساعات ياخذ له يوم أو يومين

بنت الضباء حياش الله اختي
وان شاءالله تتواصلين معانه ونتعرف عليش اكثر

[دوحة الأمل]

سلالالالالام عليكم
شخباركم حوامل؟؟
رحت امس اول يوم لي موعد في السلمانيه من الساعه 8 للساعه 12 تخيلوا كل اللي سووا لي إياه وزن وضغط وبول انتوا بكرامه فقط ولا سووا لي تلفزيون وأنا كنت منتظره عشان التلفزيون وبعدين عطوني موعد عقب شهر حق التلفزيون....
عشان جذي شكلي بكمل مراجعاتي في عياده خاصه عشان كل مره تلفزيون لأن هذا اللي يطمنني فإللي عندها رقم عيادة الدكتورة زينب الجفيري لأن الرقم اللي عندي كل أتصل ما يشيلونه شكله مغيرين رقمهم ..