قصة ولادتي بأميري الصغير (حمودي)الله يحفظه &

["ام تولين"]

بسم الله الرحمن الرحيم

في 12/12/1434


نور دنياي حمودي الله يهديه ويصلحه ويرزقنا انا و أبوه بره(قولوا أمين)


نجي للاكشن~~


طبعا ولدت بالرياض بمستشفى العسكري


ليله العيد صار جماع ومن بعدها بدا الألم وكنت مطنشه لان زي الم الدوره
المهم تروشت ولبست ورحت أعيد على أهلي الصبح
والألم موجود بس اقدر اتحمله
ورحت مع أهلي عند عماتي وخالاتي ومن الحسن الحظ في بيوتهم درج وتشوفوني طالعه نازله المهم لما رحت عند وحدة من عماتي كانت حاطه على أكله قطعه عسل أصلي وجت (أمي) أعطتنياها المهم الألم للحين موجود وصابره رحت البيت وغيرت ملابسي ونمت المغرب صحيت والألم ماسكني زيادة طلعنا استراحه مع جماعتنا وبنت عمي كانت والده تقريبا من شهرين وقالت لي اذا الالم مستمر كويسس وفعلا جت 12ودقيت على زوجي وقلت خلاص ابي البيت
وأمي كانت حاسه فيني شيء تقولي حاسه بشيء قلت لا لا لا وأنا بداخلي شيء بس ما ابي أخوفها وأمي قلبها رهيف:(
وصلت البيت أحس بشيء ينزل ودخلت التواليت ولقيت إفراز مخلوط بشيء بني وانتو بكرامه عرفت أنها السدادة المهم قلت لزوجي قال يالله المستشفى قلت مستحيل أروح الحين دام للحين ما نزلت الموية ومشيت بالبيت وشربت قشر مع قرفه مطحونه وبعدها شور حار ونقعت رجولي بمؤية كمان حاره وبعدها طلعت امشي بالبيت لان كان قرب الفجر وما اقدر انزل وبعدها شربت حليب ابيض ومعه قرفه مطحونه وتمر مع حبة البركه وحب الرشاد صليت الفجر وقومت زوجي ورحت وكشفت علي قالت 1ونص وسوت تخطيط وقال فيه طلق بس خفيف رجعت البيت وقالت ارجعي على 9 الصبح او 1 الظهر وسحبت عليهم وما جئتهم الا على 8ونص بالليل والألم يزيد ويعلم ربي ما نمت من ليله العيد دخلت على الطوارئ وقلت لي 4سانتي يالله تنويم قالوا اصبري مافي كرسي الحين وصبرت من 9ونص ل 12 وأنااتوجع قالت لي وحدة (زايد الألم عليك خلي يكشفون ) وخليتها تكشف وقالت 6سانتي يالله على غرفه الولادة وطلعت لقيت أخوي وزوجي قدامي وبكيت لما شفتهم طلعت جت فلبينية قالت 7ما شاء الله اذا حسيتي بشيء ادفعي وركبت لي مغذية طلق صناعي وجابوا لي 2اكسجين الأسود وواحد عادي وفكرت موية النونو ومن بعده الألم وراء بعض وادفع ادفع وأبي إفك التخطيط أحس مضايقني واكتم واكتم لين قالت يالله (baby coming)
وحسست بيدي على بداية راسه ودفعت وبعدها سمعت احلى صووووت بحياتي :(
الله لا يحرمكم هالشعوور :)


ولدت على الساعة2و 39دقيقه
بعدها ....
جت أمي لقت حمودي على حضني بعد ما قاسوه ونظفوه جت وبستها وكان ودي ابوس رجلها الله يكتب أجر كل ام~~
شويات وجت دكتوره خيطتني


والحمدلله حتى يبلغ الحمد منتهاه:)$


ذي قصتي كتبتها لعيونكم وما ابي منكم غير الدعاء لي ^^

[sara saad]

الحمدلله ع سلامتج والله يحفظه لج ي رب

["ام تولين"]

المشاركة الأصلية كتبت بواسطة sara saad

الحمدلله ع سلامتج والله يحفظه لج ي رب

الله يسلمك ياروحي
وربي يسمع منك:)

[اخت عبدالرحمن]

الحمدلله ع سلامتك وسلامة حمودي

يتربى بعزك وعز ابوه ويجعله من البارين الصالحين


عقبال كل حامل تضم طفلها يحضنها وهو سليم معافى

["ام تولين"]

المشاركة الأصلية كتبت بواسطة اخت عبدالرحمن

الحمدلله ع سلامتك وسلامة حمودي

يتربى بعزك وعز ابوه ويجعله من البارين الصالحين


عقبال كل حامل تضم طفلها يحضنها وهو سليم معافى

الله يسلمك يا ام نوري
أمين يارب
أسعدني مرورك^^

[حبيبت عمر]

الف الف الف الف مليون مبروك الحمدلله على سلامتك وسلامة حمودي يارب الله يجعله من البارين الحافظين لكتاب الله يتربى بعزكم ان شاءالله

[أم تااالين]

الف الف مبرووك العريس يتربى بعزكم
والحمدلله على سلامتك حبيبتي قصتك حلووووة

[بسومة13]

الحمدلله على سلامتك ياقلبي والف مبروووك البيبي يتربى بعزكم

عقبالي يارب.... لاتنسي تدعيلي

[عيون امها]

الحمد لله على سلامتك
ويتربى بعزكم ويرزقكم بره يارب

[كآبتشينو]

الحمدلله على سلامتتتتك ،،

يتربى بعزكم يارب ويخفظه لكم

انا ولدت قبلك بيوم بس :)