حبيباتى سيدات ليبيا تفضلو لأعرف ما حالكم

[أم أجنادين 80]

هدهد هذه معناها زيدي ياماما أعطيني شوكولاته

[هدية الخالق]

اثري لاباس على عليوة ان شاء الله ربي يشفيه ويرجع اوبيه سالم يارب

[هدية الخالق]

جنودة شن اخبارك وشن جو الدراسة معاك وبالنسبة لسؤالك امتاع تكليم اهل زوجك اني نحس فيه مش ضروري يعني مش مجبورة تكلميهم ديما وخصوصا ٱنك مشغولة وتقري وأغلب اليوم برا كلميهم لما تكون في مناسبة أعياد مثلا والا حج زي قولتك والا لا سمح الله حد مريض والباقي مش مجبورة تكلميهم ديما زي اهلك كان فضيتي مرة من المرات وصحلك تكلميهم عالسكايب عادي مايمنعش تسألي مرة مرة اني الحق نكلم فيهم لما يكون في حاجة والا لما يكلمهم راجلي عالسكايب لكن باقي الاوقات اني نكلم في اهلي بالتليفون وهو يكلم في اهله ونقول سلملي عليهم وخلاص

[dr.loly]

المشاركة الأصلية كتبت بواسطة هدية الخالق

وآخر مغامرات سوما امبارح تعبتني واني في المطبخ ماشية جاية عليا مشي عطيتها طرف شوكلاته مصكر قلت تلعب بيه واكيد مش حتقدر تفتحه مشي باهي معاش جتني بكل شوية شكيت في الآمر قلت منين جاها العقل معاش جتني معقوله من طرف الشوكلاته ؟!!!!!!
مشيت شفتها لقيتها ياحنة فاتحة الشوكلاته بسنيناتها وطايحة فيها قريب تكملها والحوايج واليدين حاااالة ولما حولتها منها نتشتني نتشة الحبايب نين علمت في صبعي

ههههههههههههه نجك ليا سِما

خطرت عليا فرااس اول ماتعلم فتح الشوكلاته بسنيناته ثم بايديه

بعدك العيال بعد يذوقوها خلاص اس حااااجة تخربش بعدها يركزوا عليك خخخخخ

[dr.loly]

لا ياجنوووودة مالقيت ردك قريب نحفظ الصفحااااات وكلام البناااات لي فات من كثر مانعاود ماطلع شئ ههههه

[dr.loly]

المشاركة الأصلية كتبت بواسطة هدية الخالق

السلام عليكم ورحمة الله وبركاته
كيف حالكم كلكم ان شاء الله تكونوا بخير
فروسة تسلميلي ياقلبي اللي سألتي عليا وفقدتيني ان شاء الله ماتفقدي غالي والله اني قاعدة وكالعادة جري وراء سوما وخلاص لما ترقد قريب ندير عرس ونعزم كندا كلها هههههههههه
لكن والله مزات نبدأ شادتها ونقرأ في هدرزتكم من التليفون ومايصحليش نكتب وقتها
شن أخبارك انتي وآخبار فروس ولولي شن دايرين معاك خصوصا لولي نحس فيها هادية لأنك ماتحكيش عليها هلبة وعلى مغامزتها ماشاء الله ماشاء الله ماتقوليش بعدين عينتها صح عيوني ملونات لكن مانعينش هههههههههه

ههههههه كالعادة حنقولك حااااسه بيك بقلبي واحاسيس ومشاعـــيـــري خخخخ


ياحنه الولي بكل من الهدواة لين معش نحكي عليها ههههه( ع اساس)




والدليل امس كل مايخش عيني النوم اتنوض تعيط اخر مره انفصلت على روحي وفجعت ابوفراس اللي وجعني ف الموضوع اني تحولت من انثي رقيقه دلوعه لانثي عصبيه

قدام ابوالعيااال هههههه وهي كلمة كلمة وحده قلتهااا

[أم أجنادين 80]

المشاركة الأصلية كتبت بواسطة أم أجنادين 80

ام فروسي my major is network&IT

هدا يام فروسي
حتي انا نعتقد مش ضروري
طبيعي تشتاق أهلي اكثر
انا كلمتهم أهل زوجي اول ماوصلنا لما هوا يفتح ويكلم فيهم
وبعدين اتصلت بيهم بعد ملعبين رصيد في العيد
وبعدها كلمتهم مره عالسكايب
وبعد ماسافرنا عمه مشي للحج
انا مشيت لهم قبل مانسافروا علي خاطر الحج
توا زوجي يتكلم بصيغة الجمع قال بنكلموا عمي
مش فاهمه حتي انا ولا هوا بس
رغم انه في العيد قال بيكلم أهلي وماكلمهم ولا مره لتوا
رغم انه كلم العالم كله خالته وصاحبه في العمل
قالي أنسيت بس انا زعلت
قصدي أهلي حاليا اهم من خالته
بس لان أهلي مايلوموا هلبه
وخالته هذه ديمه تلوم علي ابسط شي
بصراحه مش مقتنعه ابن نكلم حوش عمه حتي هما ماحسبوني

[أم أجنادين 80]

شكرًا هديه وضحت يلي الفكره
وهدا اللي حاط انه في بالي
او تلقائيا تلقي نفسك اديري فيه

[dr.loly]

المشاركة الأصلية كتبت بواسطة أم أجنادين 80

هدا يام فروسي
حتي انا نعتقد مش ضروري
طبيعي تشتاق أهلي اكثر
انا كلمتهم أهل زوجي اول ماوصلنا لما هوا يفتح ويكلم فيهم
وبعدين اتصلت بيهم بعد ملعبين رصيد في العيد
وبعدها كلمتهم مره عالسكايب
وبعد ماسافرنا عمه مشي للحج
انا مشيت لهم قبل مانسافروا علي خاطر الحج
توا زوجي يتكلم بصيغة الجمع قال بنكلموا عمي
مش فاهمه حتي انا ولا هوا بس
رغم انه في العيد قال بيكلم أهلي وماكلمهم ولا مره لتوا
رغم انه كلم العالم كله خالته وصاحبه في العمل
قالي أنسيت بس انا زعلت
قصدي أهلي حاليا اهم من خالته
بس لان أهلي مايلوموا هلبه
وخالته هذه ديمه تلوم علي ابسط شي
بصراحه مش مقتنعه ابن نكلم حوش عمه حتي هما ماحسبوني

حسب وجهة نظري نشوف ان مش من الضروري تكلمي عمه ..
خصيصا انك قلتي مادورك حد والاهم انك مشيتيلهم قبل ماتساااااافري هذه بروحها تكفي ...


انا اكتشفت اني نكلم ف الناااس والنااس ماتديرش حتى في رنه نقول حرام الدقيقه بدينار من عندهم ويتكلفوا بس المسج نش يبيكلف 250 درهم؟؟ للخارجي

بصراااحه معش كلمت حد\

بس احيانا يبقي ضميري يأنب فيااا ونقووول صلة الرحــم واااجب
الحق نعاود نكلم ةنتصل ونطمن ويقولوا والله ظروف ومقصرين يعني اتصااالي يحسس فيهم
انهم مقصرين



بصراحه اول ماوصلنا كلموني اغلب اقااارب زوجــي

وعندي صديقةديما تتصل وماتهتم برصيد نفس طبعي ونقولها سكري ونعاودلها





بس الحق زوجي ف الاعياااد اتصل باهلي كلهم الوالد من ثم ماما
من ثم الشباب الصغااار كلن ع حده من ثم خالي وهكدااا


ونا نفس الشئ نكلم ف عمتي وخواته وسلفتي المقربه مني وهكدااا


بصراحه زوجك المفروض كلم اهلك حتي عشان خااطرك، بس يمكن نسي

والحق هي توجع بصراااحه .. بس بم ان اهلك ماشاء الله مايلومش ومش حساسين

خليه بسس فترة وحيتصل ويسأل عليهم


بالنسبه للاتصالات من رأي هديه انك تتصلي لو حد مرض او حصل شئ ما وهكدا



يعني من الاخير مش مجبورة



ع سيرة الاتصالات



ف برنامج ع النقال تنزليه اسمه ريبتيل رخيص ف الاتصالات اشوووي


بس اهم شئ عندكم نت اكيد


يتصل عن طريق الانتلانت

وتكلمي به اي حد ف العالم

[هدية الخالق]

تعرفي حتي اني جنودة من لما جيت كلموني اهله في الجياب بس الباقي يااني نتصل يانكلم فيهم مع راجلي عالسكايب صح اني الكنة واني الصغيرة اللي مفروض نتصل ونسأل لكن وجعتني توحمت ومرضت وطول الحمل ماكلموني بروخي ولما يكلموني عالسكايب يتحشموا يسألوا عالحمل قدام راحلي والا قدام بوي (شيبانيه)
وسلفتي حتى هيا ماكلمتني الا لما جبت فقط واني قديش مرة كلمتها مرة اول ماجينا مرضت بردة غادية كلمتها ولما حملت ديما نكلم فيها ونسأل عليها بعدين لما جابت كلمتهامرةوخلاص راحلي قاللي خيرك معاش كلمتيها قتله ساد ديما واني نتصل ليش هي بني آدمة وينسأل عليها واني لا الواحد توجعه نفسه يدير في الباهي ومايلقاش مقابل قاللي عادي خليك اخسن منها واسألي ديما ومع هدا حتى معاش اتصلت بيها لكن نبعتلها في رسائل باستمرار بما انه الرسائل عندنا مجانيات
وتوا فتحت فايبر في تليفونها ونكلموا في بعض ديما
اني والله ماني مدورة اتصالهم في الايام العادية لكن توجعك نفسك في وقت المرض لما ماحد يسأل عليك والله حرام عليا هما بوي وامي كويسين لابعد حد معاي وحماواتي صغيرات وهاديات وفي حالهم ومانزعل منهم بكل ممكن سهو او شافوا انه الحمل شي عادي وماينسألش عليه لكن في النهاية تلقي روحك عتبانة عليهم من محبتك فيهم مش اكتر