تجمع حــوامل التوائم

[حزن الزمان]

يا بعد عمري يا بنات ما قصرتو والله ... أنا يوميا اقرأ دعاء الاستخارة .. والخيرة فيما اختاره الله ...محتاجة دعائكم لي ...واللي تعرف اي معلومة لا تبخل علي فيها

[maha8181]

الحمدلله على السلامه ام فروحه والف مبروك
حزن الزمان والله نصيحتي سوي عمليه اسلم لك واسلم للبيبيات والله يسهل عليك يارب

[ام منصور]

توكلي على الله وولدي بالقيصري
يمكن لا سمح الله يولدون البيبي مقعدي يكسرون له ايديه
الله يسلمج وتولدين بخير وسلامه ويحفظ توامج ان شاء الله

[حزن الزمان]

نارا وينك قلتي بيسوووون لك عملية شرايك اسويها ...
بكرى بتدخلين التاسع مبرررروك ويارب يهون علينا ...

[الوردة النرجسية]

الله يسهل عليكي اختي حزن عليك بقراءة سورة مريم ولا تنسين دفع الصدقة بنية تسهيل الولادة والأمور واحنا في البحرين عندنا في مستشفى الحكومي إذا نفس وضعج ايسون ليهم عملية حفاظ على الأم والأجنة.

أنا اليوم بنات سويت سونار خبرتني الدكتورة ان الأجنة بخير وإنهم بنوتات فرحت من قلبي تمنيت لو باجر أدخل التاسع وشوفهم بس المشوار مازال طويل وأني توني في خامس وقالتي بعد اسبوع ادخل السادس.

[ام منصور]

الورده النرجسيه الف مبروك والله يتمم لج حملج على خير
ويخليلج البنوتات وتشوفينهن عرايس ان شاء الله

[عذب]

الله يجيبهم لك بالسلامه يالورده
وتشوفينهم عرايس
أنا نفسي في بنات لأن عندي ولد

[جومانا]

مساااء الخير
حزن الزمان الله يكتب لك اللي فيه الخير

[متلهفة لحظوركم..]

تسجيل دخول ...

محجبه وينك ماطليتي اليوم؟؟

حزن الزمان ياقلبي استخيري الله وانا من رايي اصري على العمليه الكل يقول ولادة التوأم افضل العمليه سواء للأم وللأجنه والله يسهل لك ويكتب لك اللي فيه الخير..

[متلهفة لحظوركم..]

المشاركة الأصلية كتبت بواسطة الشيخه

مرحبا بنات
مبروك للي ولدو بالسلامه انا معاي ألم في اسفل البطن .منطقة العانه ماادري هذا طبيعي ولا لأ اتمنى تردو علي؟ وكمان سكر الحمل 180 والدكتور يقول سوي حميه ؟ مو لازم انسولين وانا خايفه على البيبيات

اذكر يوم كنت بالاشهر الاولى كان يجيني الالم هذا واذا سألت الدكتوره قالت اذا استمر عليك لازم تجيني لانه ممكن يكون طلق.. بس انا طنشتهاا لاني قريت انو طبيعي بسبب توسع الرحم ان شاء الله انه طبيعي لاترهقين نفسك وارفع رجولك والله يسهل عليك يارب..