تعآلوا اقروا روايةة حملي وولادتي💕

[ياويل حاااالي]

آلسلام عليكم


رجعت لكم بعد غياب وجايهه اقول لكم قصةة حملي وولآدتي


آنا هنا كتبت لكم قصةة ولآدتي المبكره ورجعت حملت بعد 6 شهور الموهم فرحت اني حملت وآستانست وتمنيت من كل قلبي
آنها تكون بنوتهه وصلت الشهر الثالث ورحت مرآجعتي وعلى طول قالت لي بعد معرفة آحوآل اللي ف بطني قالت لي ولد
تضايقت شووي وبعدها فكرة كيف بيكون شكله وايش بسميه والحمدلله استانست ب هـاالافكار وصرت اقضي له من الشهر الرابع وصلت الشهر الخامس وصار يتكرر علي حلم وبعد الآحلام ب اسبوع كنت نآيمهه حسيت ب الآلآم خفيفه ف ظهري
ف قلت بروح المستشفى اتلآحق ع نفسي لاني عرفت انه طلق بس قدر الله ومشاء فعل ولدته ولاده مبكرهه وجد ضاق صدري ونفسيتي زفت وقآلوا لي انو معي آرتخاء ف عنق الرحم ولازم يسوون لي لا حملت ربط عنق رحم الموهم< آخلصي علينا
جلست 3 شهور وحملت وسبحان الله هاذي اول مره احمل بسرعه بس قبل م اعرف اني حامل نزل معي شوي دم حسبته الدوره جلست اسبوع انتظرها تنزل مانزلت حللت طلعت حامل ووعدت نفسي اني م آفكر لا ف بنت ولا ولد تجربتي مرتين
كافيه تخليني م اعترض ع شي اهم شي سلامتي وسلامةة اللي ف بطني جلست 3 شهور وسويت لي ربط ومامنعتني عن الحركه لانو طول عنق الرحم سليم بس انه يرتخي اللي قالته لي قللي حركه وجماع جلست شهر بعدين صرت اروح واجي
الزبده وصلت الشهر الخامس كنت جالسه مع امي قالت حلمت اني معطتك بُلبُل اكيد انتي حامل بولد <لا يا يمه خليني ناسيهه تكفين قلت لها اللي يجي من الله حياه الله كان لي موعد ب المستشفى ورحت انا واختي دخلنا ع آلدكتوره وبعد معرفة الاحوال وطمنتني اسألتها اختي قالت شنو جنس البيبي عاد انا قايله لدكتوره ماابي اعرف ف ع طول هي قالت ل آختي مش باين لانه بيلعب كثير قالت اختي اصلا واضح انهه ولد م ردت عليها الدكتوره لما شفتها م ردت قلت خلاص اكيد ولد وماتبي تقول لي وتكسر بخاطري صرت م اروح موآعيدي لين وصلت 7 شهور هنا تعبت من الألتهابات والم بظهري رحت للطوارئ ع طول حطت سونار علي كل شي تمام وسألتني كم عندك قلت لها عندي ولدين ف البيت وولدين جبتهم ولاده مبكره وماتوا سألتها وش اللي ف بطني ي دكتوره ناظرت السونار قالت مش باين قلت ف قلبي ايه م تبي تقول لي ولد تحسبني بسوي شي بعمري جيت من المستشفى سألتني قلت لها انه مو باين قالت اللي م تبين بنت قلت لها انا مو شرط يمكن ولد وماتبي تقول لي وطبعآ تجيني احلام وكل آحلامي تفسيرها انو اللي ف بطني ولد وصلت الشهر الثامن رحت موعدي قالت لي انو كل شي سليم والبيبي راسه ف الحوض وكل شي تمام وحددت لي موعد فتح الربط اذا خذت 36 آسبوع سألتها وهي تطفي السونار وش اللي فيني قالت مو باين طلعت وعلمت زوجي الاوضاع واللي قالته قال فيك بنت قلت ان شاء الله وطبعا ب اولادي كنت اتوحم ع الاشياء الحامضه واي شي احبه لا حملت اكرهه واكرهه اللحم والدجاج هـاالمره لا م توحمت ع شي غير البطيخ الاحمر اللي هو الحبحب والعنب والعسل شكلي ب اولآدي م يتغير بس هـ المره كبر خشمي شوي وشفتي التحتيه كبرت الموهم رجعت البيت دخلت قوقل كتبت راس الجنين في الحوض وجنسه م يبين< آحتاس قوقل طلعت لي مواضيع ناس كثيره وانو يمكن ولد بس وضعيته م تأهل لانه بمكان ضيق واكيد م راح يبين
ودخلت بعدين بمتاهات قوقل وشفت ناس كثيره تتمنى الولد وتتضايق لما يكون اللي ف بطنها بنت وانا اقول معقولهه مو مقدريين نعمتهم ليه يزعلون لا جابوا بنات وانا اتمناها تجيني لدرجه انو دخلت بموضوع وحده توها بكر وزعلانه اللي ف بطنها بنت تبي بكرها ولد ي الله معقووله كذاا وصلت فينا واللي تسوي حمية الولد وتفآجأت بعدين انها طلعت بنت وماادري ايش الموهم واقرا وانا فاتحه عيوني منصدمه ب التجارب والجدول الصيني اللي يسوونها طبعا م سوولت نفسي لي اني اجرب هـ التجارب بس كل اللي سويته اني صرت ادعي واستغفر بنية انو الله يرزقني ببنت وانا جالسه جنب زوجي علمته قال استغفر الله انتي مجنونه الحين اذا احد تقرب لك عشان مصلحه ترضين قلت لا قال طيب فما بالك برب العالمين اذا بتتقربين تقربي لله حب وطمع وهو اللي بيرزقك من كل شي اثر فيني كلامه وشلت هـ الشي من بالي وصرت اتقرب من ربي اكثر ومااترك الاستغفار وبس اللي سويته اني احرص ع صلاة الوتر واتذلل لربي وادعي له من كل قلبي انه يقر عيني بما اتمناه ويشرح لي صدري وبس الموهم كنت ف بيت جدتي وعندي بنت خاله عندها بعد 3 اولاد وصايره تراقبني وتراقب كل تغيير فيني قالت مؤخرتك كبرت توني برد عليها الا امي ردت قالت فيها ولد انا انقهرت من امي مرا ليه ترد وتجزم بدالي الجنين ف بطني انا كيف تجزم وتأكد هـ الشي الزبده انو بنت خالتي استانست قالت يعني بتجبين الولد الخامس رديت عليها قلت لها انتي اللي بتربينه لي ولا بتنفسيني ولذي الدرجه انا شاغله بالك وجالسه تراقبيني خليتها تسكت ورحت البيت واعلم زوجي هو اللي احكي معه ويجاوبني ب اشياء تريحني قال اللي فيك بأذن الله بنت وبتحرقين قلوبهم خليهم كذا يحترقون ع نار هاديه وطبعا ف بيت اهل زوجي عندي زوجه اخو زوجي عندها بنتين وتبي الولد ودايم تجيب لي سوالف مره قالت لي بنت خالتي مسكينه عندها 4 اولاد ولما حملت الخامسه قالوا لها بنت وانصدمت لما ولدت جابت ولد انا م رديت عليها ولا اهتميت بكلامها الزبدهه رحت لموعد فتح الربط آخخ يألم مووت نصيحه للي سوته تطلب بنج لانه مؤلم مؤلم درجه اولى قمت اصارخ بدونن شعور فتحته يوم الخميس 20 محرم وفتح الرحم عندي 2سم وقالوا لازم تنويم عشان لسه رئة الجنين م اكتملت تنومت وصرت اخذ ابرهه للرئه طلعت من المستشفى يوم الآحد وماولدت يوم الاثنين رحت الممشى مع زوجي واختي ومع السوالف صار تحدي بين اختي وزوجي هو يقول بنت وهي تقول ولد وتحدوا ع 500 ريآل الموهم يوم الاربعاء ب الليل كنت تعبانه حاسه بثقل مو طبيعي وغير الم ظهري صارت تروح وتجي علي وزادها ان حصل جماع تروشت وصليت الوتر ووداني زوجي ل آمي لانه يداوم ويخاف يجيني الطلق رحت ل امي وانا جالسه اكل معاها مقليات جاتني طلقه وحدهه تألم مرا وقفت عن الاكل قالت امي فيك الطلق قلت لها لا تقاليط ولاده جلست لين 5 الفجر رجعت لي مرا ثانيه هـ المره م تحملت وصرخت قالت لي امي فيك الطلق قلت لها ايه وصار طلقي بارد م يجي الا بعد ساعه صحت امي اخواني للمدرسه راحوا المدرسه خلاص انا صرت م اتحمل ودتني المستشفى مع اخوي كشفت علي بيدها قالت مفتوح 2 سم وحطت علي السونار قالت المشيمه نازله واحتمال عمليه انا هنا م غير دموع صعدوني فوق قالوا بتجيك الاستشاريه تخيلوا من الساعه 7 الصباح لين 12 الظهر وانا اطلق م احد جايني اخر شي طلعت لهم قلت تبوني اموت انا اطلق وكل شوي اسأل والاستشاريه م جات قالوا الحين بنكلمها ويكلمونها وتجي حطت السونار قالت لا المشيمه كويسهه وانتي م عندك طلق كل اللي فيك شوية مغص روحي بيتكم انا فتحت فمي شلون كل هـ التعب مافيني طلق قالت ايه م فيك طلق كلمت امي جات خذتني وعلمتها قالت طلقك طلق بنت كأنك انا يوم جاني الطلق فيك جلست 5 ايام وانا اطلق فيك م رديت ع امي وجلست لين الساعه 6 المغرب خلاص م قدرت اتحمل الطلق البارد كل ربع ساعه تجي طلقه وتزلزلني مو مثل اولادي اللي ع طول حار بحار ومن اروح يكون مفتوح 9 سم وعلى م يفتحون الكيس اولد ع طول هذا غير جاب لي زوجي كف مريم تبخرت فيهه وخلاص م قدرت اتحمل رحت المستشفى قالت 4 اوف ع هـاالالام ع 4 صعدوني فوووق وانا ادعي واقول اللهم اجعل ولادتي بردا وسلاما علي كما جعلت النار بردا وسلاما ع ابراهيم ع م صعدوني فوق فتح الرحم 6سم فتحوا لي الماي حق الجنين ي صارت الطلقات تجيني ورا بعض ناديت السستر ابي اروح دورة المياه م رضت قالت خليني اكشف اشوف كم فتح واخليك تروحين انا م رضيت لها رجعت وجلست مقابلتني تآكل توست وجبن حسيت ب الجوع وانا اطالعها قلت الحماره جوعتني قلت كذا حسيت بشي يبي يطلع ناديت ب اعلى صوتي سستر جاتني البست القفاز تبي تكشف الا قالت لا ماما م فيه ولاده سحبت السرير وصارت تركض فيني وهي تمشي فيني زحرت زحره وحده وقفت حطيت يدي لمست راسه دخلت غرفة الولاده تبي تحطني ع السرير الثاني زحرت انا للمره الثانيه وطلع وطاح ع السرير قالت النيرس اوهه ماما انت كووييس قلت لها سستر وش جبت قالت







تتوقعون ولد ولا بنت ؟!
























قآلت م فيه معلوم انت عن جنس بيبي قلت لها لا













قالت ماما هذا بنووووووووته ي الله ع ذاك الشعور قمت ابكككي واحمد الله بصوت عالي سألتني وهي تقص الحبل السري وصرت اعلمها وهي تقول الحمدولله ..❤️



هاذي قصتي كلنا نتمنى فينا اللي يتمنى الولد وفينا اللي يتمنى البنت وفينا اللي يتمنى الحمل بس لا الحميه ولا التجارب ولا شي هي اللي تفيد تقربوا لله اككثر واكثر ..

بقولكم احلامي دايم احلم انو رجال يجآمعوني م بقى رجال ف الدنيا م جامعني<عآبر سبيل 😂
واما حلمي اللي قبل م اولد ولاداتي المبكره اني اسرق شي وراعي المحل يشوفني وياخذهه مني ..


وبس واسفهه اذا طولت عليكم والله يرزقكم بكل اللي تتمنونهه ودعواتكم ربي يخلي لي دحوم وخالد وجواهر ويحفظهم من كل عين ❤️

[حياتي توأمي]

ماشاء الله تبارك الرحمن الله يحفظها لك هي وأخوانها

ألف مبرووك
قصتك حلوة

[هبة الرحمن]

الحمد لله على السلامة وسواء بنت او ولد المهم يكون على خلقت البشر وسليم ومعافى ..ومثل ماقلتي لاتجارب ولا شئ كلشئ من عند الله ..الف مبروك للمرة الثانية وياارب تكون من حفظت الكتاب

[nour karim]

قرات قصتك كلمة كلمة الحمد لله على سلامتك ومبروك الف مبروك البنوته ماخبرتينا عن اسمها الله يخليهالك

[ياويل حاااالي]

المشاركة الأصلية كتبت بواسطة nour karim

قرات قصتك كلمة كلمة الحمد لله على سلامتك ومبروك الف مبروك البنوته ماخبرتينا عن اسمها الله يخليهالك

الله يسلمكك ويبآرك فيك سميتها جوآهر ❤️

[ياويل حاااالي]

المشاركة الأصلية كتبت بواسطة هبة الرحمن

الحمد لله على السلامة وسواء بنت او ولد المهم يكون على خلقت البشر وسليم ومعافى ..ومثل ماقلتي لاتجارب ولا شئ كلشئ من عند الله ..الف مبروك للمرة الثانية وياارب تكون من حفظت الكتاب

آمين ي روحي والله يسلمكك❤️

[ياويل حاااالي]

المشاركة الأصلية كتبت بواسطة حياتي توأمي

ماشاء الله تبارك الرحمن الله يحفظها لك هي وأخوانها

ألف مبرووك
قصتك حلوة

آمين حيآتي والله يبآرك فيكك ❤️

[ayato]

الله يخليهم لك والحمد الله على سلامتك

[ام ديووومه]

ههههههفرحت ماشاء الله ربي يبارك لك فيها ويحفظها ويرزقك برها

ويرزق كل محروم انا عندي بنت وحملت بولد اخر التاسع توفى ببطني خنقه الحبل السري وتوي حامل رربي يرزقني الطيب المتعافي اهم شي ويعوضني خير

[الله أملي ورجائي]

ماشاء الله تبارك الرحمن الله يحفظها لك هي وأخوانها

ألف مبرووك
قصتك حلوة