تجمع حــوامل التوائم

[ام عدي آل الشيخ]

اختي حامل وبكرية .. مشكورة حبيبتي .. بس زوجي مطفشني بعمايله ..مالي الا الله ثم انتم..وانا مشكلتي من النوع اللي ما احكي لأهلي شي ,, لو وش يصير اظل شايلة بنفسي .. والله يا اختي ما تدرين شكثر المعاناة اللي امر فيها .. الله المستعان ,, استغفر الله واتوب اليه..ادفع عمري كله وزوجي يرجع زي ماكان ..الحين قمت صليت ركعتين ودعيت ربي ..وان شاءالله ربي يستجيب.صايره كل يوم اصلي قيام الليل وادعي .. املي في الله كبير .يارب ضاقت علي ففرجها يا ارحم الراحمين.

[ندى السعوديه]

السلام عليكم

انا جتني الدوره قبل الفجر ( والحمدالله يارب على كل حال )

الله يعوضني الله يعوضني

اسال الله ان يفرح قلبي عاجلا

ويفرح فلوبكم بولادت سهله وبشوفة اطفالكم ...اللهم آمين

استغفرالله العظيم واتوب اليه --- لا اله الا انت سبحانك اني كنت من الظالمين

[ام منصور]

ام عدي الشيخ
لا تقهرين عمرج احتسبي عند الله واكثري من الاستغفار بنيه ربي يرد زوجج مثل ماكان واحسن
ودايما قولي اللهم سخر لي زوجي
الغاليه ندى السعوديه
الحمد لله على كل حال وربي يعوضج عاجلا ليس آآآآجل ان شاااء الله

[ام منصور]

توام روحي
طمنيني ان شاء الله بناتج بخير ربي يشفيهن ان شاء الله وتاخذينهن في حضن قريب وتقر عينج بهن

[حزن الزمان]

عواطف حبيبتي انا رديت عليج من قبل بس ما شفتي ردي ... بصراحة التوائم اسلم لهم القيصري .. تظمنين سلامتهم وسلامتك ...والبنج النصفي افضل بكثير من الكامل ...

[حزن الزمان]

يا بنات ممكن الاول يجي طبيعي بس الثاني قيصري احسها صعبة والله من الصوبين ...

[ندى السعوديه]

بنات ابي اسالكم

الله يوفقكم ياليت الاقي عندكم اجابه

ابي استخدم القسط الهندي عشان احمل ..؟

هل تعرفون وحده استخدمته وحملت ....؟ وتنصحوني استخدمه ؟


الله لايحرمكم عزيز وغالي











ام منصور / الله يوفقك على كل دعوه ليا ويسعد ايامك

[(سوسو)]

صباح الخيرعلى الجميع
بنات هاليومين رجع معي الاسهال وانتو بكرامه
ونزل وزني
انتبهوا من طلوع الدرج لاني طلعت الدرج الى الدور الثالث ياجاني تعب اسفل بطني جلست هاليومين نايمه بالسرير ماتحرك والحمد لله عدت على خير احس بطني نازل على تحت والاجنه روسهم تحت لهم اسبوعين مادري ليش ماتغير وضعهم والهيموقلوبين عندي نازل
الله يتمم علينا بالخير والعافيه صراحه بدأعندي الرعب من الولاده المبكره
مبروك علينا ياحوامل دخولنا الشهر السابع والله يعديه وبقيه الشهور على خير امين يا رب العالمين

[محجبه]

ام عدي
ربي هو اليه المشتكى وخير ماسويتي وهو اللي يفرح اذا ساله العبد ربي يفرج همك ويوسع صدرك لانك بحاجه لنفسيه مطمئنه هالايام اكثري من قراءة القران ولايمر يوم الا وتقرين

ندى
انا استخدمته لانه هرمون الغده الدرقيه عندي فيها خمول بسيط وتركت الحبوب واستخدمته بس تركته يوم حملت واكلت حبوب الغده
انتي اكشفي على الغده لانها لخبطت هرمون الحليب وحتى انها تلخبط المبايض ومايفيد علاجه الا يوم عطتني دكتورتي حق الغده وبعدين بداجسمي يستجيب لعلاج هرمون الحليب

سوسو
سلامات والله الراحه الجسميه والنفسيه اهم شي واتركي الرشاقه للدور الثالث اذا ولدتي
حزن الزمان
حبيبتي مايعقل تجربين كل الولادتين احسها صعبه وانت دعي الامر لربي اذا
دخلتي المشفى ذيك الساعه تسهل الامور وانا مجربه طبيعي وعمليه
الطبيعي ياسلام ماتشتد الاتنفرج ربي يهون عليك

[حامل وبكريه.]

اليوم رحت للمستشفى عندي مراجعه الساعة 9 وسواتلي الدكتوره سونار بعدين نادت الدكتور
وهو كمان سوالي تصوير وجلسوا يتكلمون مع بعض كلام مو مفهوم اللي فهمته اني يبغون يحولوني الهيئه ولما سألتها ليه قالت مافي شي بس نبغى نطمن عليكي لا تخافين
وسالتها عن الوزن قالت واحد كيلو 800 والثاني كيلو 600 هل اوزانهم صغيره وانا طبعا بنص الثامن.....؟
وسالتها عن المويه قالت لي ناقصه....
وقالت بكرا بنحولك الهيئه
نفسي اعرف ليش يبغون يحولوني ..........؟