حامل في الشهر الثالث و عندي استفسار

[ميلادك فرحت حياتي]

لا حبيبتي دكتورتين قالن بنت
اكيد بنوته
انا بولدي بشهرين وسبوعين قالت لي ٨٠٪ ولد
ولما ولدته العضو نتيفه لحد الان نتفه عضوه
يعني مايحكمون على كبر العضو
هم يحكمون على اللي تحت العضو
اذكر الدكتور قالي هذي بيضات الحمام
الله يرزقج بالولد الصالح

[3thariii]

حبيبتي الله يعطيج كل اللي تتمنينه ..وصدقيني انه كله خيره من الله هو الرازق يهب لمن يشاء الذكور ولمن يشاء الإناث يعني بالأخير كله رزق وخيره من الله ..انتي عندج ولد الله يحفظه لج في ناس عندهم 8 و9 بنات ولا عندهم ولا ولد بس يحملون عسب ايبون الولد ..والله يرزقج اللي تتمنينه حبيبتي

[جمال القمر]

كلامكم كله صحيح عزيزاتي
بس لسه متأمله انه الدكتورة مشتبهه وممكن بعد كم شهر يطلع ولد ههههه
بس ما راح اسأل عن السونار عن الجنس خلاص بستنى لين اولد بالسلامة احسن
طبعاً ماخليت قوقل فحاله وقريت عن حالات صار عدهم اشتباه فالجنس وانه كيس الصفن مانزل عشان كذا مو باين وغيره وغيره قاعده اراشي نفسي هههه
وبالاخير اهم شي الصحه والعافيه كنت ابغى اشوف تجاربكم وارائكم في هالموضوع تسلموا جميعاً

[لوليتا22]

انا مثل حالتك بالشهر الثالث قالت احتمال تكون بنوتة بس أأكد لك الشهر الجاي
و انا عندي بنوتة قبلها و ما يفرق معي للامانه لان لو بنوتة حلوين البنات مع بعض يفهمو بعض اكثر ونعومات ههههه
ولو ولد خير و بركه لان ما عندي اولاد و الحمدلله اهم شي السلامه و ان شاءالله الشهر الجاي أتاكد من الجنس

[جمال القمر]

لوليتا 22
الله ينولش اللي فبالش ويتمم حملش وتقومي بالسلامة يارب .. اذا تأكدتي الشهر الجاي خبرينا ^ _ ^

[ام روزي ويوسف]

حبيبتي ربي يرزقج بالولد الصالح وتفرحين بيه وبأخوته لكن 3 اشهر البيبي صغيرررر والنتيجه مو اكيده بعدين الله نطاج الولد والبنت لا تضلين تفكرين وتتعبين نفسج الي كاتبه الله نشوفه- ان شاء الله يطمأن قلبج وتكومين بالسلامه

[جمال القمر]

تسلمي ام روزي ويوسف
ان شاء الله ربي يرزقني بالذكر السليم المعافى ويرزق كل محرومة يااااارب

[نعمة النسيان]

الله يرزقك بالولد الصحيح المعافا اللي يبرك يارب .. عندي ثلاث بنات ولاقالوا بنت ادري انه بنت لان البنت تبين من بدري ماعليها خلاف ، انا مثلك بالثالث لكن الفتره هذي ماني متهيأه نفسياً اني اكتشف جنس البيبي متوكله على ربي بس ترى للحين بدري والبيبي يعتبر صغير ونسبة الخطأ كبيره انتظري شهر ويبان ان شاءالله

[جمال القمر]

نعمة النسيان
الله يحفظ لك بناتك ويبلغك فيهم،،، ان شاء الله هالمرة ربي يرزقك بمولود سليم معافى بإذن الله

[اكتوبرية]

هههههههههههههههههه

عندك ماشاءالله البنت والولد

ما يهم الحين جنسه اهم شي يكون معافى

وترا البنات حلويين ؛)