تتوقعون صار عندي البطانة المهاجرة ؟

[أم حمودي وعبودي]

السلام عليكم ورحمة الله وبركاته

لما كنت بنت وحتى بعد زواجي ما كنت دائماً أحس بآلام الدورة الشهرية والآلام الي تجيني حتى لو كانت شديدة تكون محتملة وأقدر أمارس حياتي بشكل طبيعي

وقبل تقريباً ثلاث سنوات حملت وأجهضت ومن بعدها تغير كل شي
صارت تجيني آلام مررررررره قوية قبل موعد الدورة بإسبوع تقريباً
أحس الحوض كله يألمني وخصوصاً من تحت عند الفتحات
من قوة الألم ما أقدر أسوي الشي الي بيدي و حتى إذا كنت نايمة أجلس من النوم
ولما تجيني الآلام تستمر ما بين 5 إلى 15 دقيقة وتختفي وترجع تجيني في اليوم الثاني أو في نفس اليوم


كلمت الدكتورة قالت لي عادي بدون فحص وبدون شي
وبعض الناس يقولون يمكن القولون العصبي
بس أنا شاكة بالبطانة المهاجرة

[حياتي توأمي]

وليش حبيبتي تحطي اسوأ الاحتمالات

وضروري الكشف طبعاً وبما ان الدكتورة تساهلت معك وماكشفت فأنا اشوف ضروري جداً تغيري الطبيبة وتتاكدي بنفسك ولاااازم كشوفات وفحص

الله يسهل أمرك

[وظني بك ياربي جميل]

ان شالله مافيك الا العافيه لاتوسوسين .. اللي اعرفه الالم الشديد قبلةالدوره بسبب تاخر الدوره وسماكه بطانه الرحم بسبب تاخيرهاا غيري دكتورتك وان شالله تطمنك .. والله يبشرك بتوام بنات

[عبير الصيف]

حبيبتي لا توسوسين وتحطين اسوأ الاحتمالات
يقدر شيوع هذه الحالة ما بين 1 إلى 15 بالمئة لدى النساء في سن الإنجاب يعني النسبة كثيييير قليلة
لتتأكدي اكثر غير دكتورتك وشوفي دكتورة ثانية
الله يرزقكك حمودي وعبودي توأم انشاء الله

[رحيل بعالم النسيان]

تبين الجد والصراحه انا ما ابي اسوس بيك....لكن انا من جاتني الدوره كنت مثلك الامها عاديه وقبل 5سنوات بدت الانها شدشده حييييل الم بكل بطني من فوق السرع الى تحت المثانه وبطني ينتفخ بالغازات وبس اون وربي ابكي ماتخف ابدا لا بكمادات ولا غيره واجلس 3ايام من الدوره بهذا الحال ويجيني دوخه وارجع من الالم وهم اكرمكم الله جميعا صعب اقضي حاجتني وكان السبب البطانه المهاجره لللاسف ....فانا اشور عليك تشوفين لك دكتوره عدل وان شاء الله امورك تساهيل يارب....وبعد فتره من العلاج بديت بالمنشطات وجاني كيس دموي وزاد الطين بله....وكل ماطلعت من سالفه جاتني سالفه ثانيه الله يعين

[أم حمودي وعبودي]

الله يستر والله خايفة يقولون بيسوون لي منظار

[غادوشكا]

الف سلامة ليك حبيبتي .. ربي يبعد عنك كل هم وغم وضيق .. ويخرجك من حلق المضيق لواسع الطريق .. ويفرج عنك ما لاتطيقي ويعينك على ما تطيقي
آآآآآآآآآآآآآآآآآمييييييييننن

[حرم العز]

الف سلامة عليك ماتشوفي شر

وان شاءالله عند الله كل خير

[رحيل بعالم النسيان]

ام حمود اذا على المنظار جدا سهل ولا فيه عناء وتعب كثير
بس المشكله بعد ماسةوويت المنظار بعد سنه صار عندي التصاقات

[سما زين]

لا ان شاء الله مافيكي الا العافيه لا تتوسوسي واقطعي الشك باليقين وراجعي الطبيبه