الدكتورة منى الريس مستوصف الشبلان ب الرياض

بحــ العيون ــــــــر · 05-27-2015, 02:09 PM

اراء للبنات

شو في حبيبتي منى الريس قمة الزحمه عندها

رحت لها وانا بالتاسع والله في اذان العشاء زحمه مره ورقمي 21 والي داخله رقمها 15

في كثير دقيقين بالاشعه غيرها

حبيبتي انا صار لي والده ثلاث سنين ونصف ..

وكنت طوال فترة حملي اراجع عندها لان الكل يمدحها في الخياطه ..

والي جربوها كثير يحكون انها ترجع الوحده بنت من كثر ما خياطتها كويسه من تحت ..

وكان مستوصف الشبلان يحوم الكبد من الزحمه والقرف ( هذا قبل ما يعدلون ديكوراته )

حتى الاستقبال عندهم سخيف والسعوديات الي يعملون المواعيد اخلاقهم زي الزفت

والله اني اتذكر كل ما رحت لموعدي الاقيهم يطاقون مع احد !!!!

يعني الخدمه عندهم اكس بصراحه ..

بس كنت اتحمل واقول اهم شي دكتورتي ثقه اقدر اعتمد عليها

خصوصا اني كنت بكريه وميته خوف من الولاده ..

وكل موعيدي معها عادي كشف وتحاليل وخلاص يعني ما اقدر احكم عليها ..

يوم جتني الولاده ورحت للمستشفى على طول قالوا لي مين دكتورتك ؟؟ قلت منى الريس

انا كنت ميته خوف ومرعوبه ما ادري وش انا مقبله عليه ..

المهم جو بعد شوي قالوا ان دكتورتك تعتذر وما تقدر تجي ؟؟ تصورررررررري

انا بغيت اموت مو من الالم من الخوف !! قالوا احنا عندنا دكاتره كويسين مره وممكن ...!!

قلت انا ما ابغى اي دكتوره ثانيه ابغى دكتورتي قالوا انها في المستشفى وتعبانه ..

قمت ناديت زوجي وقلت تصرف ابغاها انا خايفه !! قام زوجي طلب من المستشفى رقمها وكلمها

والظاهر انه صار فيه طقاق بيناتهم شوي الا ويدق تلفوني والا هي تكلمني وتقولي انا اسفه ما اقدراجيك

تعبانه مره انتي توكلي على الله .......وانا عاد ما اتذكر باقي كلامها خلاص صار فيني زي الروعه

جابوا لي المشاري دكتوره ما ارتحت لها ابدااا معها سبحه في يدها وطول الوقت وهي تفرك في ها السبحه

وتدعي سهل يا مسهل ( تقولين مشعوذه استغفر الله مو دكتوره ) وتعسرت ولادتي وجابوا لي اميمه ولدتني

قيصري ..

وحتى يوم جو الناس يزروني في المستشفى واحكي لوحده عن الموقف قالت ترى نفس الموقف صار مع اختي

يوم جاء وقت ولادتها قالت لها منى الريس انا تعبانه في المستشفى ما اقدر اجيك وصارت كذابه الدكتوره الي معها

في مستوصف الشبلان تقول انا احنا كنا عندها امس في عيد ميلاد ولدها !!!!!!!!!!

بس عموما هي مولده اختي وتمدحها في الخياطه ..

لكن انا اقولك عن تجربه اقسم بالله ..

حتى لو رحتي لها حرصيه انها تجيك في وقت الولاده وقولي لها ان الناس يقلون انك ممكن ما تجين

وشوفي وش تقول ..

الله يقومك بالسلامه ..

بنات ترى الدكتورة زينب حبيب سعودية راجعت عندهاوهي اللي ولدتني بعد

وكانت راقية في تعاملها ووممتازة شوي عليها بس هي غالية شوي في االتوليد يعني خذت علي في الولادة بس 3500 ريال من غير تكاليف المستشفى اللي انا ولدت فيه بس اذا تبين تراجعين راجعي عندها واذ حالتك الماديه تساعدك تولدين اولدي عندها بعد

زبعد زاهيه عندهم يمدحونها مرة وفيه بعد زينب ابو طالب كلهم في مستشفى د سليمان الحبيب

الافضل الدكتور توفيق في مستشفى سليمان حبيب ا لطبي والدكتوره زينب ابو طالب ما انصحكم بها وذلك عن تجربه يا اخواتي لاني سبق وان راجعت عندها عندما كانت تعمل بالجامعي وعند الولاده لم تقم بتوليدي واخرتني كثيرا مما سبب لي انجاب طفل متخلف عقليا وذلك طبعا بسبب اهمالها واعلم ان الله مقدر لي ذلك والحمد لله على كل شيء

ارجوك ارجوك ارجووووك لا تروحين لمنى الريس تراها طماااااعه والعياذ بلله ..استغفر الله العظيم بس والله كلامي عن تجربه ولو تقعدين خمس دقايق ما ولدتي ولدتك قيصري .. تراها تموت في العمليااااااات

انا راجعت عندها يوم ولدي واول ما دخلنا عليها انا وزوجي حتى قبل ما تكشف علي قالت ( الطبيعي ب 3000 والعمليه ب 6000 ) كأننا داخلين مطبخ بنسوي ذبيحه مو طبيبه وععععع حامت كبدي منها ولا عاد رجعت لها

واختي جابت 4 كلهم ولاده طبيعيه عند الدكتوره ممتازه في دله وفي الخامس راحت لمنى الريس وولدتها قيصريه .. تقول اختي انها ما صبرت علي الا ساعتين بالطلق ؟؟؟؟؟؟؟؟؟

انا قلت اعلمك بس ...

ومني انا

تراها ماتعطيك وجه

تحسينها أعصابها مشدوده ماتاخذ وتعطي معك وقتها مزحووووووووووووم

لكن الشهاده لله هي شاطرررره و خياطتها ممتازه ويمدحونها مرررره

في دكتورة شاطرة مرة ماشاء الله اسمها نوال واخلاقها روعة وخبرتها عاليه اسمها نوال في المستوصف الطبي الحديث بصراحة ما شفت مثل تعاملها ماشاء الله ووحده قالت انها ولدتني وخياطتها حلوة بالمره .

اختي الناس يمدحونها بس انا رحت وركبت لولب عندها وبعد شهرونصف حملت وبعده مره ثانيه رحت عندها علشن الدوره ما تنزل بانتضام وعطتني علاج سببلى نزيف ولما قلت لها قالت اكيد انك ما اكلتيه بانتضام استمري عليه وزاد النزيف معي مع اني كنت منتضمه فيه وحريصه عليه ولما قرا زوجي الوصفه قال اتركيه ماعندها سالفه ***لفي في بعض الحالات يسبب نزيف يرجى التوقف عن العلاج وبنت جيرانى اعطتها علاج علشا كانت تبغي تحمل وبعد العلاج ماعد تجيها الدوره باانتضام صاربدال المشكله مشكلتين الله يرزقها ***وحماتي سوت عندها خياطه بعد الولاده والله تدعي عليها الناس معطينها اكبر من حجمها ونافخينها اكثر من الازم والله هذ الى صار واذ بغيتي قصه حماتى قلتهالك على الخاص لانها ماتنقال والى يسهل الولااده ربك واذي التزمتي بنضام الاخت فيافي الله يجزاهاخير الجراء رح تكونين بنت والخياطه ماعندها خبر وش الفايده اذا كنتي ضيقه من برا ويعوم من جوى واتمنى لك التوفيق والله يسهل عليك

اذ تبين تراجعين عند دكتوره فترت الحمل *********اختي تراجع عندها وتمدح فيها وفي اخلاقها وتعاملها **********وبعد زياده على كذا ببلاش الله يعز الاسلام والمسلمين *****في مستوصف حكومي حق حي الملك فهد****اسمها ايمان

بصراحه انا مارتحت لهالدكتوره ومادري ليش الناس طايرين فيها الي اعرفه عنها انها ماتعطيك وجه واستغلاليه لاخر درجه..اهم حاجه عندها تكسب وحماتي ماتمدح خياطتها تقول توجع مررررررررررررررررره وهي لها 3 سنين والده ..وكلمتها صديقتي مره تسالها قبل لا تروح لها سؤال عادي قالت ماراج اجاوبك تعالي لي افحص واشوف ((يعني تبغى بس تكسب بزيارتها)..فنصيحه لوجه الله روحي لوحده ثانيه

انا زميلتي كانت تراجع عندها في الحمل متابعه عشان سمعتها بس بعد كل التعب في اخر التاسع تركتها وراحت عند دكتورة رباب بالحمادي.........لانها زي ماتقول نفسها شينه وماتعطيك وجه.....وعصبيه......ومدري بالضبط وش صار بنهم بس اذكر انه صار بينهم مشكله

انا مجربه دكتوره مره زينه والكل يمدح فيها اسمها مي بني في مستشفى الد كير اللي في العليا خلف بندة الثلاثين.
اتمنى انها تعجبك بس ابعدي عن منى الريس.

لوريت · 05-27-2015, 08:05 PM

اقتباس:

المشاركة الأصلية كتبت بواسطة بحــ العيون ــــــــر