تجربتي مع الدكتوره رائده السعدون بالسيف

[الشيخة 33]

تجربتي مع الدكتوره رائده السعدون بالسيف
تجربتي مع الدكتوره رائده السعدون بالسيف

السلام عليكم ورحمة الله وبركاته

معاكم اختكم الشيخة من الكويت
حبيت اعرض موضوعي لكم نتشارك نفيد ونستفيد 😉

طبعاً اول شي بقولكم ولله الحمد عندي بنت وولد الله يخليهم ويرزقنى برهم ويرزق كلمن تتمنى الضنى يارب

طبعاً بعد ولدي حبيبي يعنى بعد 8سنوات ماكتبلي الله انى احمل 😢
كنت اول شي رافضه لان ادرس بالجامعه وزوجى بعد بس بره الكويت ولمه قررنا انا نحاول بدت مشكلتى 😔😔

كانت تيي الدوره الله يكرمكم بالم فضييييع فضيييييع مع كتل دم ونزيف رحت المستشفي قالو ان فينى بطانه مهاجره ولازم منظار سولي في بطنى ارتحت جم شهر بعدين رد العوار والنزيف رديت لهم شافوا ان البطانه اكبر من اول عطونى ادويه توقف الدوره مالكم بالطويله 😁 من مستشفي لي مستشفي سويت 5 منظار وكل دكتور ودكتوره يجربون ويالله رووح صرت فااار تجارب ولله الحمد
لين قررو اوحولونى على الحقن المجهرى قالو هذا افضل شي لحالتك <---------------- وصلت خييييير 😂😂


حولونى رحت عند ناهض حماديه لعب لعب ولاكلمه قالها لى زينه بعدين دشيت النت وشفت وايد كاتبين
عن دكتوره رائده السعدون بالسيف والله بالغصب حطولي موعد رحت لها والله انها خوش وحده
سمعتنى ىشافت تقاريري حتى سيديات العمليات شافتهم قالت عطونى جم يوم وردلكم خبر
كلمونى عيادتها رحت لها قالت هذي فيتامينات تاخذينهم شهر بعد الشهر اسحب بويضات ونرد الاجنه
ياربي ماشاء الله كل الدكاتره الى رحت لهم ماسوولي جذي
قلت الحمدالله وفعلاً ردتلي الاجنه بس ( فشلت ) ردتلى 3
كان عندي مجمد هم وراها بشهر ردتهم صار ( حمل كيميائي ) ولله الحمد بس نزل

الحمل الكيميائي كيس بدون جنين 😩😩😩😩😩😩

المهم هذا في هذا الشهر 2015/7/21 رديت مجمد
والحمدالله على كل حال


فكرت انى اروح مصر قالولى انهم زينيين بس قلت اوكل امري لله
واسوي معاها الثالثه يارب ثابته

وببلش فرش بس ناطره موافقة المستشفي لانى اعتبر علاج بالخارج بس داخلى 👍🏻🙋🏻


والله يكتب لنا يااااااااارب الحمل السليم يارب

[قلب سعيد]

الله يرزقك ويرزقني يارب انصحك بالاردن اناعملت عندهم وماشاءالله حملت وكل الي اعرفهم صارحمل وهم خبره بهذي الاموراكثر

[التائبة لله(ام محمد باذن الله)]

اهلين و سهلين فيكي حبيبتي نورتي المنتدى
حبيبتي ربي يكتبلك الحمل السليم المعافى عاجلا غير آجل

[الشيخة 33]

حبيباتى شكراً لكم
قلب سعيد والتائبه لله النور نورك حبيبتي

قلب سعيد فعلاً انا سالت عن الاردن مدحولي د الكيلانى ومصر قالولي مركز ادم
بس زوجى رافض �� يقولى نسوي الاخيره وان شاء الله ثابته وربي يرزقنا اللهم امين يارب

[تمنيتك بأحلامي]

الله يثبت اجنتك يارب ويرزقك بالذرية الصالحة

[ام_صالح]

هلا بالشيخه الله يكتب اللي فيه خيره لج وان شاءالله تكون الثالثه ثابته يااارب ..انا بعد معاج في نفس المستشفي وموعدي بعد بكره. دكتورتي هنوف السميط بس طالعه اجازه بعد كم يوم والدكتوره رائده راح تكمل مشواري وان شاءالله انا معاج نفرح بخبر الحمل��واللي يقرا يقول آمين ..

[υм вtℓαα]

الله يرزقك يارب وان شاء الله تكون هالمره فال خير عليك ياارب

[أم حمودي وعبودي]

ياهلا ومرحبا بالشيخة
اعملي المحاولة ا لثالثة ويا رب تكون ناجهة
وإذا ما نجحت توجهي للأردن أفضل من مصر

[الشيخة 33]

تمنيتك بحلامى
ام صلاح
ام ابتلاء
ام حمودي

مشكورين على الدعاء والمرور
ربي يحقق لكم ماتتمنون يارب ����

[لولي55]

ان شاء الله تنجح وتحملين بتوائم يارب سليمين معافين يارب ويقر عينك بشوفتهم اللهم امين