السلام عليكم .
كيف حالكم خواتي ان شاء الله بخير
بصراحه مو عارفه اشتكي لمين وش اسوي وكيف اتصرف
الموضوع يخص علاقتنا انا وزوجي
بقول لكم باختصار شديد لان المواقف طويله وعشت ايام وفترات صعبه جدا جدا لدرجة ماتتخيلوها
المهم ان اكتشفت ان زوجي مدمن حبوب كبتاجون وهذا السبب الرئيسي لكل مشاكلنا من تقلبات مزاجه وانعدام الميزانيه والنكد في البيت والحبسه لاطلعه لانشوف احد لاحد يشوفنا واختلاف الاراء والردود الغبيه اللي تستفزني وتسبب مشاكل كبيره وفجوه كبيره بيننا
زوجي اكتشفت كم مره ومره انه ياخذ فلوسي على انه بيصرفها على شي وتختفي بعذر سخيف ومع تكرار المواقف فتحت عيني وصار مايقدر يمشيها علي ابد ومن هنا بدينا نختلف بالاسابيع والشهور ولا اتنازل ويكبر الموضوع وتوصل للسب والاهانات والتجريح
مليون مره كرر هالموقف معاي ويحطني بمواقف سخيفه مع اهلي وصديقاتي والناس استحي والله اتفشل
مثلا موقف صار كنا بنركب ستاير للبيت وقال عطيني الف ادفع العربون وراح الالف وبعدها قال بدفع حق الستاير وخلاص جابوهم وانتهى الموضوع
رحت مع اخوي ابغى افصل كنب قال الباكستاني ترى زوجك ماعطاني الا العربون والباقي كله وحق التركيب قال بعدين ولاجاب شي
يعني انا ادفع مرتين ادفع للستاير وللبيت واكون دفعت لشي ثاني الله يعلم هو حلال ولا حرام
وكم مره اذا نزل راتبي تهل عليه اتصالات ربعه ودايما ردوده طيب بشوف بسال بكلمك بعدين ايه لا بعدين بكره بمرك بتصل كله كذا وكل شوي جايين للباب ربعه زي المجانين تعبت من هالعيشه
وفي الليل لما انام معاه ريحة حلقه مقززه كانه مادة كيماويه ويرتجف يدينه ورجوله ومايعرف ينام يتنقز كل شوي بشكل مقرف وطول هالسنوات يمثل ويكذب مره يقول وهومعصب شفت حادث قدامي ناس ميتين ومارعف انام ومره يقول رجولي تعبانه من الدوام ومره يقول احلم احلام تخوف وظليت امشي امشي امشي طول هالسنوات وبيخلص عمري والاعذار ماخلصت وخلاص صار مفضوح ومابي يجي وقت يصير الشي علني قدامي خلاص ماتحمل بيوقف قلبي
صار يكلم ربعه ويطلع لهم واشوف اكياس صغيره بكل مكان
ماياكل 3 ايام بس دخان ومواصل ماينام وبعدها ينام 3 ايام
وللعلم من قبل انا عرفت ورحت مع خاله الامل وظل شهر وطلع انسان جيدد وكلها كم شهر ورجع زي قبل وانا خلاص قلبي واعصابي ماتتحمل
انسان مهمل متقلب مزاجيته احسه مرضني مره ساكته ومره اضحك ومره ابكي ومره افكر ومره ارق ومنعزله عن العالم مو عارفه اعيش سعيده معاه وسامحت وصبرت وصبرت وصبرت
ومقصر في حقوقي كلها
انا اصرف وانا اطلع بناته وانا اعزم وانا ادفع فواتير وانا اجدد البيت وانا اسوي صيانه واجيب اغراض ومقاضي خلاص مليت
اتطلق ولا وش اسوي كل شي سويته بالطيب بالهواش بالتهديد بالسكوت مافاد شي
اعذروني كلامي مخربط بس والله مو عارفه وش اقول ومواقفه ماتخلص
كم مره خانني بمقابلات مع زميلات عمل ومسن وواتس وصور وكم مره تعرف على شباب على انه بنت يحولون له فلوس وكم مره كذب علي وكم وكم وكم
بس الافلام الاباحيه اللي اشوفه جد جد قطعها وماعاد يتابعها او يرسلها
شورور علي يابنات
حاليا هو طالع من امس وماجا وقلت له لا يجي والبيت بيتي انا وعندي بنتين
هو ماكمل دراسه ولا يبي يكمل ويشتغل يوم ويطلع انا اللي درست وتعبت وسهرت وضحيت وسويت وصبرت
شورو علي
انصحوني خففو عليي تعبت