موعدي الاول فمراجعة حملي

[nadia711]

السلام عليكم

راح احكيكم ببساطة ايش سار في اول موعد لي فالمراجعة، موعدي كان في مستشفى الاطباء المتحدون في جدة طبعا جيت قبل الموعد لكن اتلطعت بعد كدا نادت اسمي و دخلت و جالسة تتكلم من خشمها الله يهديها، قلتلها انا انشالله حامل بس عملت تحليل منزلي و الدوره متاخرة اسبوع، قالتلي لازم تحليل دم و خلاص، خرجت رحت المختبر سويت التحليل قالتلي النتيجة بعد ساعتين، خرجت جلست انا و زوجي نتمشى برا الين الساعتين تخلص و اتصلت حجزت موعد عندها تاني فنفس اليوم عشان اقدر ادخلها بموعد لانو مررررررررا كان زحمة و هيا الدكتورة الوحيدة الموجودة تستقبل يوم الجمعة، المهم رجعنا اخدت التحليل طبببعا مافهمت شي منو بس اللي فهمتو كمية الهرمون فالدم و رقم طويل جمبو، نادت اسمي و دخلت قالتلي انا شفتك امس؟؟؟ قلتلها لا اليوم بس حجزت موعد ثاني عشان الزحمة اللي عندك و ماحبيت اخذ موعد احد، تخيلو جلست تضضضضضضحك هيا و الممرضة -ــ-، قلتلها انا حابة اعرف النتيجة و غير كذا حابا اشوف سونار و اطمن و عندي آلام شديييدة تشبه آلام الدورة، قالتلي مافي سونار لسا صغيرو مارح يبان، و باين من التحليل انك حامل الهرمون جدا عالي، قلتلها طيب الاسبوع الكم؟ الحمدالله فالثاني، اعطتني حمض الفوليك و حبوب دوفستون للتثبيت، و طلبت من تحاليل لمتابعة الحمل (بول و دم) بس انا الصراحة مررررررررا مارتحتلها و خصوصا اني بشحت الكلام منها شحتة و انا حابا مررررا اعرف اشياء كثير و اطمن على الجنين لانو اول حمل ليا و ماعندي اي تجارب، لاكن طنشت التحاليل اللي طلبتها لاني ابدا ماني حابا اكمل معاها!

[υм вtℓαα]

وعليكم السلام
غيري الدكتوره اذا منتي مرتاحه لها
سوي اهم شي التحاليل الللازمه للحمل
وان شاء الله كل شي تماام

[" ملاك "]

عادي عدل كلام الدكتوره
تسوي تحليل دم وبول وتاخدي فوليك بس
انتي اول حمل لك بس هي مليون حامل تمر عليها باليوم عشان كذا تحسي انك متحمسة وهي باردة

الله يتمم فرحتك وتقومي بالسلامة

[أم حمودي وعبودي]

أنا شايفه ان الدكتورة ما غلطت
فعلا السونار مالازم يكون في البداية لأنه ما راح يبان شي أو ممكن تشوفي الكيس وما تشوفي الجنين وتخافي
أفضل وقت لأول سونار هو الإسبوع السابع والثامن

[حياتي توأمي]

مثل ماقالت لك ام بتلاء
تقدري تغيري الطبيبة اذا مو مرتاحة لها

ومثل ماقالت لك
الأخت ملاك
فعلاً فيه دكاترة تحسين فيهم برود لأنك مو اول حالة حمل تمر عليها مايحسون نفسنا بالحماس .. فلاتزعلي وخلك عااادي

أنتي بأول الحمل وربي يتمملك على خير

[nadia711]

تسلموووووووون علي الرد، ايوا انشالله راح اغيرها و ابدأ التحاليل اللازمة