تجربتي مع منظار البطن التشخيصي والعلاجي

[أم حبيبة ان شاء الله]

السلام عليكم ورحمة الله وبركاته
عاوزة اقدملكم تجربتي مع منظار البطن وياريت تفيد حد من المقبلين عليه لاني قبل مااعمل المنظار دورت علي تجارب الناس عشان استفيد واعرف كل حاجة عنه ملقيتش الا موضوع واحد ومن حوالي تلات سنين

انا الحمد لله اجريته يوم خمسة اكتوبر الماضي يعني بقاله الان حوالي شهرين بس واليكم التجربة
اولا حالتي انا متزوجة من 4 سنين ومحصلش حمل ولا مرة رحنا طبعا لدكتورة وعملنا تحاليل لي وتحليل زوجي واشعة الصبغة مرتين في سنتين وكشفت بالسونار وتابعنا التبويض كذا مرة واخدت منشطات اشي حبوب واشي حقن وابر التفجير وعملت التلقيح الصناعي تلات مرات في سنتين وكورسات علاج الالتهابات ومثبتات وكل الحاجات اللي بيعملوها الناس اللي زي حالاتي وخسيت عشرة كيلو بس رجعتهم تاني ورحت كمان لست بدوية اللي هي بتعمل كاسات الهوا وادتني خلطة عسل بالاعشاب وخدتها وطبعا مخليتش بقي بردقوش اناناس قشر بصل سمسم كل الحاجات اللي بيقولوا عليها دي جربتها
اخيرا جوزي قالي بقي نتوكل علي الله نعمل حقن مجهري
رحت لدكتور استشاري مناظير مش عارفة لو ينفع اقول اسمه ولا لا هو دكتور في السنبلاوين بلد قرب المنصورة اسمه د احمد شعبان السباعي
انا بردو بقول اسمه لان ملقيتش ريفيوهات عنه وانا بدور علي النت رغم ان الناس بتشكر فيه اوي
المهم روحناله وفي نيتنا الحقن المجهري ونعرف ناس عملوه عنده قبل كدة ونجح بفضل الله

طبعا كشف عليا وشاف التحاليل واشعة الصبغة وقالي انا شايف ان الحالة مش سيئة عندك انبوبة فيها التصاقات انما ده ميمنعش الحمل 4 سنوات
انتي مكنش الاختيار الامثل ليكي هو التلقيح الصناعي ده بيبقي مفيد لو الزوج هو اللي عنده مشكلة ولا حتي الحقن المجهري انا شايف الافضل نعمل منظار استكشافي علاجي نشوف في ايه ولو في حاجة تتعالج بنعالجها فورا
استخرنا ربنا ودورت علي النت علي اد ماقدرت انما ملقتش المعلومات اللي كنت عاوزاها خالص
وشفت فيديو بتاع د هشام الشاعر واد ايه بيشكر في نتايج المنظار حمسني جدا اني اعمله

انا طبعا قرات ان في منظار بيدخل من البطن ومنظار بيدخل من المهبل طب ايه الحالات اللي بيعملوا فيها ده وده محدش قايل . طيب بنلبس ايه اثناء العملية لان انا وانا بعمل التلقيح الصناعي الممرضة قالتلي ان بتوع المنظار بيدخلوهم مللط لا ومدير المركز بييجي يتاكد بنفسه كمان وطبعا لا يمكن اعمل عملة زي دي ومدير المركز لما جه يتاكد مني في التلقيح انا كنت صاحية طردته
وكنت عاوزة اعرف تكلفته كام وعاوزة اعرف بيطلب بعده اشعة صبغة ولا لا لاني معدتش قادرة استحمل اشعة الصبغة دي جسمي تحسس جدا من المها ومعدتش قادرة اتصور ان اتعرضله تالت والدكتور جاوبني علي كل ده
قبل العملية بيوم لازم تصومي قبل العملية باتناشر ساعة
انا صمت 8 بالليل عن الاكل والمية وكان مفروض معادنا 8 الصبح

كمان لازم تكوني متوقفة عن تناول الاسبرين بكل اشكاله قبل العملية باسبوع

يوم العملية
عملت في مستشفي مكة بالسنبلاوين مستشفي كئيبة بس نضيفة
دخلت العمليات حوالي الساعة عشرة ونص بهدومي اللي جاية بيها من البيت وادوني شبشب البسه
طبعا كنت داخلة متوترة وبعيط وحالتي حالة
قابلني دكتور التخدير وحاول يهديني وكان طيب معايا ركبلي الكانيولا ولا حسيت بالمها خالص وحط جنبي محلول بس مداهوليش وانا صاحية
واداني حقنة في ساعتها راسي تقلت ويادوب سندوني لحد السرير بتاع العملية وقلعت البنطلون والداخلي ورحت في البنج لا شفت الدكتور ولا شفت المنظار
صحيت بعدها بطني بتوجعني وانا بفوق وشالوني ودوني الاودة كنت شبه واعية بنسبة 90 في المية شايفة وسامعة وسمعت ادان الظهر فعرفت ان بقالي حوالي ساعة جوة
وقعدت اقولهم نادوا الدكتور يقول انا عندي ايه
الوجع اللي كنت حاساه كان شديد نسبيا حسست بايدي لقيته حاطط علي بطني شاش في اعلي الورك شمال ويمين وعلي السرة
بطني كنت موجوعة زي الم الدورة كدة وفي شوية حرقان في الجنبين ولو اتكلمت او ضحكت بصوت من الوجع بس كل اللي في البطن ده ولا حاجة جنب الم الضلوع والرقبة عظم الصدر بيبقي بيوجع كان تريللا معدية عليه كدة والرقبة بيوجعوني الحتة اللي فيها اول عظمة الصدر دي كان حد ماسكنيني من زوري كدة بس متخافيش بيروح بالمسكن

جه الدكتور بعد ساعة اداني اسطوانة سي دي وطبعا الستات كانوا قايلين لازم تاخدي سي دي لو مداكيش سي دي بيقي عك في حاجة جوة وانا كنت مكسوفة اقوله هات سي دي بس هو جابه من نفسه
وقالي الحمد لله عملنا الازم كان في حاجات بسيطة علي المبيض شيلناها وعملنا ثقبين في كل مبيض
كان في التهاب في انبوبة نضفناه
كان في التهاب في الرحم غسلناه وشوية بقع بطانة مهاجرة كويناها
وكتبلي مضاد حيوي هاي بيوتك بيتكتب في كل عمليات النسا وحقن سفتريكسون عشان التهاب الانبوبة ده وفلاجيل مطهر معوي وكتافلام مسكن وقاللي اشوفك يوم الثلاثاء


يوم الخميس والجمعة والسبت كنت تعبانة جدا بطني فيها مغص وتحسي ان الاعضاء سايبة اماكنها كدة ومهوية وبطني منفوخة جدا واي مطب في الطريق او ضحكة او لقمة كانت توجعني
لو قومت اروح الحمام كنت بمشي متنية مش قادرة افرد طولي من وجع البطن ولو اتحركت علي السرير حتي بتوجعني
صدري كان مطبق والعضم بيوجعني جدا وباخد نفسي بالعافية بس لما كنت باخد الدوا كنت بقعد بتاع 4 ساعات كدة كويسة
يوم الاحد الحمد لله مكنش في الا الم الغرز وكنت باكل براحتي ومفيش وجع في عضمي ولا حاجة
يوم الثلاثاء فكلي الخيط وكتبلي مرهم ميكسديرم لاماكن الغرز وقالي غالبا اول دورة بعد المنظار بتنزل نتابع التبويض بقي ان شاء الله من بعدها
لسة اسبوع علي الميعاد ده ارجو من الله انها متجيش

ده اللي حصل معايا ووعيته لكن المنظار بقي بشكل علمي بيعمل ايه بالظبط وبيفيد مين وميفيدش مين ... اقولك


المنظار نوعين بطني يعني بيدخل من البطن ورحمي يعني بيدخل من المهبل للرحم
منظار البطن بيدخل من السرة اعلي الورك الايمن اعلي الورك الايسر
الدكتور بيضخ غاز ثاني اوكسيد الكربون عشان يبعد غشاء البريتون المبطن للبطن عن الاعضاء ويشوفها كويس والغاز ده هو المتسبب في وجع الضلوع بعد العملية
بيكشف عن المبايض لو عليها اكياس بيشيلها بتبقي بالظبط عاملة زي اللي طالعله فقاعة مية في صباعه وبيسلخها كدة
بيعمل تثقيب المبايض لتنشيطهم
بيكشف عن قناة فالوب من برة من ناحية البطن عشان لو لازقة في اي عضو جنبها يفكها
بيكشف تجويف البطن عشان مرض البطانة المهاجرة
بيكشف عن الرحم من برة
بيتعمل غرز طبعا مكان الفتحات بتاعته
منظار الرحم
بيدخل من فتحة المهبل مبيعوزش فتح ولا خياطة
ده بيكشف عن الرحم من جوة لو في نتوئات او مشاكل خلقية او اورام او التهابات
بيكشف عن داخل قناة فالوب لو فيها انسدادات او التهابات بيشيلها

يعني بشكل عام المنظار مفيد لصاحبات مشاكل التكيس البطانة المهاجرة ضعف التبويض ومشاكل الانابيب ومشاكل الرحم

اما الحقن المجهري بيفيد حالتين فقط حالة ضعف مخزون المبيض وحالة انعدام الحيوانات المنوية لدي الزوج
لو واحدة عندها بطانة مهاجرة او تكيس عملت حقن مجهري مبيفيدهاش لان الهرمونات بتبقي ملخبطة والبويضة مش جيدة فمش بينجح او بتسقط
فانا بعتبر الدكتور اللي رحتله راجل امين لان هو كان ممكن يلبسني في الحقن وانا عندي مشاكل الحقن ميحلهاش وياخد فلوس وخلاص
فمهم اوي تسالي عن امانة الدكتور اللي رايحاله ميبقاش تاجر وعاوز يكسب وخلاص

اخيرا سعر المنظار
بيتراوح بين الفين الي 8 الاف جنيه حسب جشع الدكتور
الدكتور عملهولي ب اربعة ونص وده طبعا سعر مرضي بالنسبالي لانه عمللي النوعين من المنظار وكان شامل حسابه وحساب المستشفي

ياريت دعوة من القلب ان ربنا ينفعني بالعملية دي ويرزقني بالذرية الصالحة عاجلا غير اجل ان شاء الله وكل مشتاقة

[bassouma]

[IMG]data:image/jpeg;base64,/9j/4AAQSkZJRgABAQAAAQABAAD/2wCEAAkGBxMSEhUQEhIVFRUVFRUVFxgWFhcVFRYWFhYXFhUVGB UYHSggGBomHRUVITEhJSkrLi4uGB8zODMsNygtLisBCgoKDg0O GhAQGi0dHx8tLS0tLS0tLS0tLS0tLS0tLS0tLS0tLS0tLS0tLS 0tLS0tLS0tLS0tLS0tLS0tLS0tLf/AABEIAKABOwMBEQACEQEDEQH/xAAcAAACAgMBAQAAAAAAAAAAAAAABAMFAQIGBwj/xABDEAABAwIDBQUEBwYFBAMAAAABAAIDBBESITEFBkFRYRMicY GRMlKhsQcUQmLB0fAjcoKSouEVFlNUwkODsvEXM2P/xAAaAQEAAwEBAQAAAAAAAAAAAAAAAQIDBAUG/8QAMxEAAgIBBAEDAgQFAwUAAAAAAAECEQMEEiExQQUTUSJhFDJ CcSNSgZGhFTOxQ2LB0eH/2gAMAwEAAhEDEQA/APacR5qpIYuqAMR5oAxHmgNZJbAkmwGZJNgBzKBKzVswIuHAjo bhNxO2X6kbg9UsUwuhFfcMXVSKryZxHmosBfqgDF1QBfqgDEUA XPNAZueaAL9UAXPNAF+qAL9UAXPNAF+qALnmgC55oAugAHqgC/VAYueaALnmgC/VAZueaAL9UBi/VAF+qALnmgC55oAv1QBiPNAGI80BKzRAQIAQAgBABF8jogOH3k 3GxkzUpwuNyY9ASfcP2b8lhOEu0expfUtqUMvKOEqJKmB2CQyx uHAueNOWeY6i6xbmj3IR02VfRUkWFDvfVx2tMXDk+zx8VKyyMs npumn2qOi2f9IjrgTRNPWMlp/lcSD6rWOZHn5fQ41eN/3Os2XvFT1FgyQBx+y7uu8gdfK62U0+jyc2jzYu1wOVG0Io3Njf I1rn3wgm17foKbRksU5K4qxpDPkEIMoSCAEAIAQAgBACAEAIAQ AgBACAEAIAQAg5BAYQiwQkygBAYQAgBASs0QEKAEAIAQAjArtL aEVOwyTPDGjiePQDUnoFVyS7L4ccsktsFZ5dvjvo2qHYxwtwD7 cgBf8Aw+546rmyST6PoNDoHhe5vn4OQbIsKPaTcuyVkqkXXQwy ZLaJklNU1wT1VY+W2N5cQAASb5DQKd8ikcOOCqCo6DdzfSamtH NeWLQZ3e3wcdR0OfIrfHmrs8vWelRyvfj4kel7L2nFURiWF4c0 +oPJw1BXSnfJ87mwyxSqapjiGRlACAEAIAQGUBhACAEAIAQAgB ACAEAFAROmAFyQB1OSNxJ2yb6K0byUlyPrMNxkbvA+aruibfhc tWosfp6tjxiY9rhzaQR6gqaTM3Cce4k11JWgQiwQAgMoAQEsei AhQbfJpLIGgucQAMySbAeKNpdkxTk6SOT2tv5DHdsLTIRxzazy 4lYTzqJ6+n9IyZOZcI5et35rH+y9sQ+4wX9X3WLztnqYvR9NHt tlJU7eqXnvVEp/jI+Asq+7J+TsWh08eoIrq6ulksHyPcG6Bzi63qm5vsRwQg/oVCRCF0mjCBoyHKAuCS5QumbiQ/oqKFk8cyUWTHtm7RkheJIZDG/p7Lujm6ELSORxObPpsWZVNHoGxvpBidZtS0xO98d6M+mbfNdMc qZ89qfSZwd4+Tsaeoa9oexwc06FpuPVXs8uUZRdTVEqmitxBKJ pAhWwQkEAIDKAEBgIAQAgBAaTStY0ucQABckmwAHEnkj45JSbd R5OA3g+kcMcWUrWvA/6j74T+63K465LGWb4PX0/pW5bpuvsclXb4Vc1w+dwB+yyzG/05nzKxeSTPTx6LTQ8WV7toutbESOVzZRZ1JQXSIvrV0LORJDVF ubXEeBI+Sm2jNxg+0Wuzt7amA3ZISPdk77T5E3HkQrLK0cubR4 J+K/Y6Oi+k/QTQeJjd8cLvzWqzpnBP0i+YSOu2XvPS1ABjmFyQMJuH4jlbD+I yV1NM87LpM2PtFyrHMCAyAgJGaIBaWUNBc4gAAkk6AAXJKiT2r klR3cI8k3l3jfVPNiRCPZZoCPecOJP5LinPcfX6HQww405K2yk cVkekuCGQpYv4FZCptlufkgcVZFKNSpIdGEFGzVBVomkq7ixFv l5KaKle991dIzcjeKWyrRaEjcSWKUWcqJ46o8z8wq00KXdltsP b81K/HC6w4tObHfw8+qusjRzajSY86qSO2ot+p3AOLY3A62Dm+PErZZ Dzp+jY1wmdPsfeiGezSezfyccj+67itIzTPK1Ggy4uatF6tKOI EAKACEAhIIAQAgBAYUg86+kzaju0FMHEMDA9wH2nOJti8AAfNc uSbuke56Rhil7jVnmtU7NZnrzlZBA1zzZufXgpuisefA2aSThY +dvmoNNrNjQvaNRfp+aE7GaPBaLlCKITLdLKJ/CojJUdkbbfwXu7FV2U0cnuuB8uPwur45Uyc2P3MDR7tDMHtD2m 7XAOBHEHMFdf3Pj5QcW0zdFyVAICVmiAoN6KZ8tLLHH7Rbe3vB pBLfMArLJbidOilGOWLn0ePSD9fryXFR9w5KTtdGhdklCxym2d E8XfVwx9LSPPwAHxWqgq/McmTVZYuljsYfsClIy2nHfkYX2/wDJW9tfJz/jc184nX7lNX7MEYu2ogl/ceb/AMrgFEoJHTi1Dn3BxECwqh0mMKgG7WoSSmmuLeiXRDhfQtNSFu qspMylD7CpCsYcoMSDcDHJRMZkwkLVDRostOi+2PVXOCwIk8A4 ObniDj7OQPFUk2kcutUlHfFvj4Lmq2fLHGZbtkYM34HAmPkTwI 8M/HVRFs59Pr979uap/dD+wt+HwNMb2vlYPZN+837t3HRdEcrI1npMMj3R4Ogo/pEp3G0kcrOoDXj+k3+C0WVHnT9GzV9P/o6bZu1YahuKGRr7agajxbqFruTPPyYJ4nU0OqTLkFABACAEAIA Ug8N+kad31+cEnVlvDA2y45fmPo9G0tMtpz+yoBM8h50FwLnPr 4KDuTTZdfVg0WaAB0Cr2dCjRluSkk1eUDfAnWkYXfun+yFJcRK WCS5U0YxYwSoNUO0Mqr0Xh8M9A3Q3p7EdnLcx8OJYeNh7vTgun Hk8M8n1D033Pqh2ei087XtD2ODmkXBGYIW1/B89OMoumuiQIVJo9EAldRVqhJWjzbfPZXZTF4HckNxl7Lj7Tfx XLkhR9V6bqt8FCXaOZexZHrU7IHxqCzFpAhSiHNSTQICMlCLMC cg/mi+5EmWVLthgsHUsT/45W/AFaqUUcsseWXU9pYx7wRaf4fTkfefIfmre5H4Od6PM/wDqso6+FrnFzI+zB+yHF4v0JAKztHZHHOuXZXTR25eX5KSk40L B1j0UnOnTGXvDhlqFBs3uRLRSkAcNbc+pvwVWrNMUnVM2m2i4F 0YcQw4S5oOTi32b87XKslwYNxWXnknpdoBxw2z/AFxVWjphmUuBt0vMKjNufJNRVro3h8bi1w0I1H65K0ZtMznhjk TjJWev7o7fFXDc2EjDheB8Hgcj87rthLcj5DWaV4Mn2Ze3Vjj7 VoygBACAwgBSgjy/6XtjEuiqmDNw7J/iLlh+JHoubIqdns+lTb/hvo4bZ1AGOEhN3C9gNBfLXisrPdhh28stXPUG9EL3oGhczZKLK 0VO0q3LAOOv5K6VnFqNVGH0i1PE456KSMe7sleHdFBq2ySmlw6 oy8X8l5Rz5AjQqpudNu9t19M+4u5jvaZfI/eHJ3Xitcc2nR52s0KzptdnqNLOJGNkb7LgHDwOYXVwfLTg4y2v sajOSgpaKSaosq3RvFeCj21KJGOjcLtI9DwI6hUlyjs09wnaOC qojG7C7yPAjmuZrk+ow5lNJEJaqM2F5okLULdmpIMOjQhi0rbK SrISlFLN4RmlUWXI/EANbIadeCOonslFJSKuVxKskc82yEtUmDjZsyMnMMvbM24BRaM 5ZI42rYwxpPXpp6n8EOnbu6FJrtku7yub5K6ZxuLjltmY3Brrj Th+Shm0WlK0XcD8QVGjvUtyB7LKtEVQ3snakkEgkjdhc30I90j iDyVozcWZ5sUM0dk12ex7s7wx1keJtmvb7bL5g8xzaeBXZGSaP kdVo5aedPrwXF1azlC6kBdAF1AIa6rbFG6V5s1gLifD8VEnSst jxvJJRR4fvFvDJVSl7zYAnAzgwH8bcVySm2fVabDDBBV2JwOVT vTskllshcr5q1EVlJRK6s2gQ2w1K0jGzz9Xq/bjwIwWvc5q8uOjzdLTl7k+S2gnLuBPgCsmezDnlE01PJa+A/C/pe5UIs4sVhdnmhRdlnRC2mnL8Qeahs2vpHY7qbGNTJhJIYBicQ PIAHgTn6Fa44Wcmv1nsR47PU6WBsbWxsFmtAAHQLqSo+Tk3Kbm/I1HooKumUs1PdVo2jIrKrZ10o6IZaKWt2LiBBFx8R4dVm4nZh1 e0qP8syH2ZGX4B92/1DJZvCz0I+qw6aIJt2asf9Eu6te0j5qjxSOiHqOB/qoWO7dX/tpP6fzUe1I0/wBQw/zIP8rVp0pnDxcwf8lPtSKP1HB/MKVG6Vb/ALaQ+GE/IqfakVeuwP8AUV0271U3WmnH/aefkE2smOrxP9SFX0srdWSDxa4fMKHFmn4jF4khuKGQ5Nje48m sc4/AJtZZ6nF/MT/5arZNKaUD7w7Mf1kKfbZzT12BeSVu4lX9psbPF4J/pBU7X5OWXqOPwxCp2J2RwyON7XyGXrqsJzaODJ6m+om9O3Kzch +s1Vc8nToNHkzv3MvRBVwG4stEz344668CG1W5t52WkTi1K5F6 FjS9rXuLWk2JFrjkbHJTPhWcs5uCtI6qm2IALfWIw64Fn905i9 7XJ81ipNmOL1fa9skZq9myxhpJa5rrgOabtuNQb6HQ26+Ksj0t NrYZn9JDDsaokaZI4HvaCQSwYrEZ5gG6ttbXBObUY8bqUqszs2 vlppQ9pLJGGxB+LXt1t0KRlKL6IksWpht7PZd3ttMqoRM3Ii4e 247rhr5WzC7IzTVy4PldVp56eeyXRLU7cp4yA6ZtyL5d7LmbXs sJanFF9nLKUU7sr3b40w1Mmth3NeqyeuxEe7Egn31iDSWxvJ5G zfiqvXw6RR5V2cHv3vU+ocIm3ZEADh4uPvOtrbgFZZXNH0XpuG Dx+55OOablD1YrksoRYKGdUOBDaFTZTFGebKooqHPLjcq9Ueb7 ksj5JY4gdVDkzdY0/wAysdpY2jOwvzVdzNo4sceUhyaswNv5DxKLkvu2Ir/rJcbk3KNDHmslxB2uvPj5niENXBPklY5zLXHgdQfAozPmzu/o73i7OUQOPclNvB+jTf4eYW2KfNHm+p6b3I714PVwug+au3RLH ogEyFBJoYwhayJ0A5KCykQyUgPBC3uSIxARoShFmCCoJs0JcNC gtGhqnhC1RNf8SIVSTB2nfU/FCeQO0OqWQ035IJa08CqtsrsRT1te/h+vJUbY9uJye3q/FZjszqcsxfQDrkudrk9f03QRlLfIroVB9JFKK4Ny1CGUe0s39A FpE4NRGxFiuc0U7afQzSGQkluInPMZnrkoe3yeHnSx5HZZUdZO 7K5a33TYm4uAeQOfissk4ro51ncXaLJkTrHFIQHWuA4sabaXDd VzPPJflM8uqnPmXg1j2XFfHgxE8S5xJ+V/NUeefyZx1GaPMZUWlEzAHYQWBws7vm1hpcXt69VnPPN8WTl1WT Kqm7IjjJIABA5OaL255/BWjjbVoxWO1ZI8PPdwG2V8x6ZFHhkuSfaZs8m1sJuchz+KzeKT 5op7btFNtyCxaSLEt5g8TncFd+GLjE+l9LUtjK2mjuVsezjiN1 UmFqeTeT2qzm6mbE5axieFqdRvnS6MMKUa45EzTdQdcGxmMqrO iDbItoy2Ab5qcaObXZNvC5F43K0kc+DJwNxv0VGj0cUhiQ93z/BU8muRqhjZVS6OVsjTm1zXDxBBHyV4upWYSg5wcfk+hqGrbLG2 VmbXgOHnw8l23xZ8dkg4ZGmOM0Qwb5FlBqYQGChFmCELWalqCy N0aUTZoYglAjdClCyB9MOSiiVKhaSiHJRRbeQPoBySid5E6hUb RuI5KIAXOgzPhxVGi8Hckvk81mmbMS++biT6rml2fYYIpY1FeC Bt2HPT4KhvdjHaiyApJ24i49fQXtn0uQtInHlIIqcuIDRr8PNJ S2qziz5VijbOioaENGEE21PNx524BcGTK5Pg+Vz53klb6N6mmL e8Bnp0URkmjHdZPSRYhjucuJ0FtbBUk0ugSOqmjIAk/rjxRY9xfFgnllUSsq9sTYu6yzADa4Nz1JHyXVj0y8nU/Tskf0sq6d8zdCTx8TxJXVUekaexKK5jRcQVswAFr/HPQafNZtmbtEPbTW48dQOSmxxTB8bnAYtbC6smfU6PClii15N4 4rIdqjRXbXkyw81K7Mc7+lr5KIC2S6F0fO+28ctrJGqjO3GyZi qdkGMsVToxmKr2suQv45/2ROiMje7lUZbA13Cx5j8ksu8MJLhcmI41DLRx7SZz75cFBWbvg vNz9jfW6hsOLCLFxIzIDRmB1zWkI2zn1Wp9jG2j3LZ1CyCNsLP ZYLC+Z8T53XU1SPlMmSWSW5j0eiujPgVKoSYQAgMISYQGCEBgh AaEISalqA0LEJNTGgI3RqCUVu3QRTzEa9lJb+Uqk+jfB/uI8XfDb2TZciZ9bVpNG8VY5uTswlWTvdk+ONwyJaemibS+9Ub7 IuH91xAIcDwytiN+ebVaMtqOLU/7Lkyxp6NrSSBr01Xn5sts+R1OpeV2Nhht3bDqVzJnGaCIA3c7E eAOnortqiVyJ11SNAD3Ritb4Cy1xwsvFWyh/wARl4x29br0o4oxVnvaXNHFEXnrnnW46cFO1HV+NT8ELqs2tzU qKGTWpxpImoHub3hO6M39nCXD8ionBNHjZbyPkuRtlo0d3yRez XWd0wnQ9QuWWnMPw85OkMy1OLOwF+CvjjSPr9BglgwKLIjIr+T tbpFQXB7yT5K1HK/qkLbSp8JDuByV4s4NdjcZbkKNVmZYiaNVO2A01VOqBmtYcng5W seeXFIspnx39fwJ9sTxPqrNHItS5scp3ZE9P7fj8FVndjn9PJm JtzZQwlcWd79Gb2w1N3gftG9m0+6Tn8bALXE+Tz/VMLlgTXg9cBXQfMfYnj0UkiagAgBAYQAgMISBCAxZAYwoDBYgN S1BZE4KCwnU2sQQCNCDmCPAqGjSEmnwea7ybGhDv2ILLciSPQ6 LFwVHsafVT8s5SaNzcnC4WW1o9GOoTRExoJyuCquzROL8nT7D2 LI6PtwDYEBo964OJ3gPxVMie08n1bUXj2QHHi1tBrfPlmQOq8x RbdHy9C734tCQ3Ijgb+XD+67sWntcmsYGPq5JuH5ciP1YrR6RE 7CWGiaMzm697/hZbwwxiuS0VTsabRA8B6LakbRnzyNQbvxv1aPRNqNVnY9HuTTu 1ap2Ih5pGk30cQO9kub5psKe4crvPsZtFI2JpaS5gdk2xtcj/iufJadHv+muEsLbXNlP2qij1nP6q+BaqqcrBEik53wKtaWkclZ mCtMsnQ9rHh48PFQmb5MayYtvkoQLZHVa9njxThKmbtKqdamvA w16ijoU0kDaocfzUbSFqYP6QEMZzDrDkQcuikoscLuJMTkGtGX XU9Ty8FDOjbfRbbKovtHgoNUi72fftG21xst44hZWh+ZGOoV45 Wez2XY+D4vi7Jo9FNGb7FVUuCAxdAF0BhACEhdACAEAIAsgNS1 CbI3wA6hCLEptjxO1Y0+SijRZJITl3XgdrGE2ot780QN3MpgcX Zg+P5KuxFvxcyTaOzrMwtyAFgBwCPqjGU5T7OMq6EgkdVj7UTN xRXujIPH9dVZJIk2YSpIHIUA7ThCUWtKpJstqaWysiWWEMysQc D9KlLd8UvNhb5sN/k/4Lnyrk9z0uV45RR52bhZs9O6/qQuRA1jcNCbKxCa8lps6UaXF+SrR1Y5RI9q0OLvNyPFTGRhqdP uW6JSmJy1tHlLT5b4Nmwu5qLRtHTZF+Zm7QwcSfDT1VWaxjjix qIsPMeKozuxSi+EiyhpBwsbqrNqLOKQNFuClAcheWkPGrSHD+H MfJWi6ZnkVxaPZ4pMTWu95oPqAfxXa+UfESVNr7jMYyU2Va5FF BIIDCgGLILAhGLRUs2/AY55Q64py9snCxZe9uhtkos6paXLBxjJfmSaLQOBAI0Kk5pRcX TC6EFS3bjfrhoiDi7Nr2ngdcV+WVviq7vqo63pJfh/eT4uixpKpsjcTTcYnt82OLD8WlSnaMMmNwdMmupKAj4ZH2Kgbd aKw0RBxYA9p4ZglwPLRUvmjs/Ct4fcX7FurnHfBQbC23JNU1NO9lhC7uuzBsTaxFvO6opc0ehq9 MseDHkT77L1xVzz7vkUqmXCqxZzW06Am5VWgU0tIeIVaBCaQ8k IVuwigcHWtkRcHz7wPqFBq4/w9yHgzA0udoBcqWQottRSuy0hjVirVOh6IKUBlhQFJv1Tl9Nf/AE3h3kQWn8FTIuD0/S8ihNp+TyqeLMrms9+UafIq9isiGiSi2TLUdoIW4nRxOlI5taQ LDmc/grxODWZfajaRWxTuGZaAeilpEYs0lFS+TqKcgsDT7VhdYs9rHO 40U1XSOY42NxyKumc08U4u7F3XdlawUmc058Ghit1SzNYqGqdm aq2dmNF5Ssy0UGg22K5A80ZPSOm3V2OKiXvg9mwAv68m36/IFbY4Xyzy/UtS8MNsXyz0wLoPl5ck8eiFeRRSWBACgC1DVtlaXN4PkZ5sc5t/OwRM0nj2pX5GFLRmn4OXk+p1EFbDT4b2eZQ2479jZw6XZqMsis +H0ept1GLLink64SL3ZRvBE7nFGfVgKtHo4M/+9L92M2U9mRRS07RtFkhHeNM8A/uyNv45OCo19R6Eckvwjx+NyNdzzaF7PcqJx6yF3/JIdFdekppr4X/Begq5wsr9t1L2x4YnNbJIcDHO0abElx52aCbeChvk6dPj3cvx2 Iupm/4hE8i7vqzwHcy1zQSeeTlT9R0LLL8I4/8Ad/4L9aHnVaXyU9EA2tqG8XxwSf8AnHb1YqJUztyNvBB3xbRbOV7O OiNzUIXLpC8sF+Cih4sUm2eDwUNErjkXOzQoaFt2VNXs+d0wjb hZFdpLiRd7SBiY0cxhJv1VGnaO/C8MMTvlk+8dMPqszh9lpOX3HAn5FWkuLK6JyWpUerLenp+608w D6gKUuDly8Ta+5KIbKaKGcKA0kiDmljgC1wIIOhB1CNWi0ZuD3 I8+3j3PdE180bg+NoLiDcPa0Zk8nADjkueeOuT39N6kslRmcXM 1Z2elLqyDt3sDgxzmh7cL7ZYm3vhPTorp8GE4KXLViT1KOZvb4 LDZtdYhrzpofwKrJHRhzt/m4OglgEjbqrVHepplPLRkFLFUaCBTZVxRJDT24KGSkWUBshZD9 Kb97zUpWxI9W3WoOxp2giznd93O7tAfIhdkFSPjtbmeXK34LdS chPHogFbIAspBS7zbWMDWRx4e2mdgjxGzRze7oAqSdHXo9N7rc 5K1HsW3JuGTxmQSllRJd40cXAEn1xKsOTb1Da5xlFbU118E+1N pyR1DYA3uPp5ng/8A6MAIA/hupk3dFNPp4vHvb5TX+Titz6mE1GCBrm9pSObKHaGVoBc4Z6ZH 1Wce/wCh7etwZVjU8nSlx+x29HXCGgjncLhlOxxA42YLD1WqlSPAeP3 NQ4R8spd2N+PrU3YPhwFwJaWuxDLOxuMslWGW3R3630j8Nj9xO y52iLVlM73mTx+oa/8A4Kz7OPDzgl+6ZBuy2xqm8quT4hpSPkazmEH8osq2csAyzLmN F+bnAfiVJzwhub+yOf3ufTSt7GVsz3tcTG1kcgJfhIFnYcJGet 7KrO7Qxy45b4tJNc8olipjFLQNdqIZYnfvYIzrx9kqKoib92OR r9ywftFwrG0xHcfA54PN7XWIv4Eeqlvk5/ZTwOS7TINoVkdPUvnldhaKZgJzz/aPsANSczkFL45NsOHJmwxhD+Z/8IR2LvvDUziAMc3HfA42sSATYgezoflxVFmV1RrqPSZ4cbm3f/0Qr9/xHUOi7G8bH4C7F3sjYkNAsePooebmjoxei7sO9P6qOvrXkRPew XIY5zRzNrgLW/J5GLGvcUX80Q7Hqu2gimIzexpP71u98bqE7GoxbMk4/clq3hjHPJADWk3OQyHNJOkVxYnknFL+pQ/WS9tBMT7bxi6l8LgMv3rKqZ2rGo+5H4ISwupa+I/ZfUDycwOHzKJ/QzT8mowyXmv8F7sx14Y3c42H4BXXRwahfxH+4wUMmalAiNyEkE 1iCDmCLEdCoatExbi7j2cpUbl0pNwZGj3Q4EeRcCfms/bR6K9RyqNM5zeTdqOANkjc5wJwkOtlllmB4qko0d2m1jzcM46p gseiomdE42xctUmO1pjVLPI32HkfEehQ6YORZ0+0S7J4APPh/ZVZ1Qn8m76ho6+H5qC+8yKke78UG+zftz0A6figs6jc2Bks7Wv BLQC63AltiAen9lrjjzZweo5duL6XyeotlXSfLXbdkgkQihuE5 D9cUIIUAKQUm8O7EFYWGXGCwEAtdbIkE3HkFSUUzt0uvy6a/b8nN1W1Y9kVD4hE50UrYnssQLFjOzcM9T3QfNZ71Do74aZ6/GpOVSTditV9IUL5IZOwf+yc8m7m5h0ZZYeZB8lHups2h6PkjCS 3r6qJN3dr0tRWQtp6YQn9s55GHv4mWsbeCKSTsjVafLp8D9ye5 fTRDTb6tp4fqUtOZHRXiNyMLiwkNyI6BS8nFB+lPI1mjNK+Sr2 VtA0FQaqopSO2aXRgHCGhzswAfLLqqJ7eWjt1GFavGsWPIrjwy +pt7o6yspGMjcwtkebkgixikadFeOVS6PPn6bLTYZuUkzqNhU9 pKp3B1QSPJjL/ABv6LSKo8zPkUoQj8Ih3z7RtP2sLcT4pGSW1uGmzhYdCfRJ8Ft DteRqfUlRzrfpMisL0776Gzm68Qs/dR6P+hyriSE9ob/RSPgeIXjspC895ubSxzLDlm4HyUPKjbH6POEJpyXKr/JtU/SBC6WKUQPHZ4/tNucYA14ZgJ7qIj6NkhBrcnaKyXeqCap+s1MDnhoa2OMOGBoaS 4F4PtOu49NFX3E3ydMfTcmPD7WKaXyZ2rvZDJPTzR0+DsXhxN2 4nAfZy4ZFFkSfQxenZIYpQnkvcQ7SqvrEja/6nhp43NDsOWMXJzdoc+PVQ+7NMeL2YvAsn1s6L/wCSof8Abv8A5m6K7yro85+iTbT3o6TdQh1JE5os0hxA5AvcQPR awPK1i25Wu2jmt8trxmrZSTNe6JrQ4sYLmWR3sNOY7unmVnOVn o+n4awvLF8+fsisO2ZWxxULad3b08okte4wxHGAPLL5KLOx6SD lLNvW2Sr+pdbArvrLK+UNLWvOQOtxFY/IKU1VHHqYe1PFG7o6PZUJbBE06iNgPkAtTys8rk2MFqGXZG5qE kT2oSKy3UFkJTuKguir2hGJGOY7MH/2LHxUOKfZtik8ctyOC27QBji0G41H9+qwktvR7WDIsnLKo0irZ 07E/AxHTgZo2aRi14MloVbRO0Ypqcuya0nwufkrJMOcY9ssItgTO+y Gj7zreoFyrrG2c2TWY4j9JuncjtJvJjfkSfwV1h+TkyeopL6Ud 7sahjgYGRtAHHmTzJ4laxjtPKzZ5ZZbmWzHKxzvola5CpY0x7o 8/mhUjQgygBALVlPG5uKVjXBt3d5oda2d80e00xZMkX/Dbt/c5+g2lSz1LYYqaN7HRGVsgjbbI4XAgjqB5rJbW6o9DJDPjw75T ad1VnRRUMTTibExp5tY0H1AWiikefLNkfltP7gaKPFj7NmL3sI xetrptXYWbIlV/wCTeeBjxZ7WuHJwDh6FPpZWGSUeYuiOKgiaQ5sUbSNCGNBHgQF G2Pg0lnyONOTf9RgNA0FuPmdSrIxu/wChlQ+Qm+0LPoInG5ijJ6safwUbYmyz5V1J/wByGooadjS90MQDQXE9mzIAXJ0SoovDUZpPapPn7lNs3aFNUVP Yx0zHM7ISNl7Ntjc2cNPAZcbqi230dOWOoxYk5Td31ZejZkH+j F/I38leo/Bx/icr7k/7mDsyD/Ri5/8A1t156Jtix+Jyrjc/7jHZi2GwtysLeinjoz3O9245/btVS0wc3sInS9m6RrBG278OR0H6HgqvauDuwLNmae5pfNltsiY SQRyNZgD2NcG2AwhwvbLJTE488Wskld/cmdA0kOLWkjQkAkeBVqRCyyiu+DPZC+LCMVrXsL25XSkRua8uv g17BtiA0WOuQz8eaUiN83zfJksUkN2alqA0LUBG5qgkXkaELWK SxjkoLJlbU0zeoSjTd4Kyr2OyT2s/IH5qsoWb4szx9FW7dlgPtG3KwVPaO2PqOQ2j3fjGt3eJt8lKxp CeunLzRLHseIG/ZNJ65/NTsRk9TN/qLCGlysGgDoLBW20YTyX2xqKhJSzJtdoch2dZTTKvIyzhishm3 Yw0KSpIAhBZ0vsjz+ZQoaYTy+CmgGE8ilAMJ5FKBrJCHAtc24I III1BCNWWi65Xgg2ds5kDBFEzC1t7DkCbnyv+CjbRbJmnle6Q1 hPIqaMwwnklAMJ5JQDCeSUAseRSgYwnkfilAzY8koGk8Ae0sc2 7XAggjIg6hQ0WhJxe5eCHZ+z2QMbFG2zWizeJAvfX9aIkWlmll blIZwnkVNGYYTyKUAwnkUIE5dlRumbUFn7RgLQ7odQeajbZtHP NQ9tdDeA6W+CVRk3z+4YDyKmiDGA8igDAeR9EBjAeR9EokwYzy PolA1MJ5H0KULNDCfdPolCyJ1OfdPoUoWQvoyfsn0KUWTIX7OP uH0KUTvoiOy/uH0KUTvD/AAn7h9ClE7zI2V9w+hShvNhsz7h9ClDeSN2eR9k+hSiNxu2jPu n0KURZu2lPun0KULNxTn3T6JRFm4gPI+iULNuxPI+iURY7TizR +uKUD//Z[/IMG]

[bassouma]

يعطيك العافية
ننتظر جديدك

[bassouma]