بيتزوج الثالثه

[اهااااات]

حطي في بالك ان كل شي قسمه ونصيب واذا ربي كاتب له ياخذ ثالثه راح ياخذ لو بينكم حب الدنيا كله
ولو خذ ثالثه مو معناه مايحبك
خلك ذكيه ولا تتركيه لها تاخذ قلبه منك
خلك معاه واكسبيه بصفك وصدقيني بشطارتك راح تكوني انتي افضل حريمو واقربهم لنفسه
انا وضعي نفس وضعك لكن مافكرت بيوم اتركه او ابتعد عنه
بيبقى ابو عيالي وحبي الوحيد بالدنيا

[اهااااات]

صدقيني انا غيرتي قويه لكن مو معناها اهدم حياتي واخسر كل شي بسببها
قولي الحمدلله واحتسبي الاجرالبيوت مليانه عوانس وهذاشرع الله لو انه صعب علينا لكن مالنا الا الصبر

[ام لاحلى بنت]

فديت قلبك اهات ربي يسعدك كلامك ريحني الله يفرج همك ويسخر زوجك لك

[دفى جوري]

مشكلتك قريبه من مشكلتي بس انتي الثانيه وتحبيه

انا الاولى واحبه وماتهنيت بالزاوج على طول حملت وصارت مشاكلفي الحمل تتطلب راحه ورحت عند اهلي شهر وكان ينام عندي عند اهلي وكان وقتها لنا 7 شهور متزوجين
راح وزرعوا في فكره فكرة الرزواج وايد على طول راح يتزوج وخبى عني وماقاللي الا وانا في النفاس اتزوج بعد ماتميت النفاس بأسبوع واحد بعدها كثر بيننا المشاكل بسبب انه راح يتزوج واناماعرف السبب كل شويه جابلي حجه

زعلت فتره بس فكرت لو طلبت الطلاق راح انحرم من بنتي ومين في مجتمعنا يتزوج مطلقه الا واحد معه حريم او شايب اذا الضره فيني فيني اضل معه عشان بنتي
بنفس الوقت لما تزوج زوجته سحبته مني وماعاد يفكر فيني مثل اول ولا عدت مهمه عنده لو امرض عادي واجهته كم مره يقول لا احبك هذي اوهام اتركيها اسمع كلامه اصدق اشوف افعاله استغرب
بس اخر هالمشاكل احتسبت وتوكلت على الله على شان بنتي كل شي يهون
وضليت معه والى الان لي 6سنوات معها انا بوادي وهو في وادي مادري عنه ولا يدري عني يتركني عند اهلي بالاشهر وتعبت فيه يتحجج بالعمل ودايما مشغول

على قولة المثل لاتشكي لي ابكيلك

واذا تبغي نصيحتي اجلسي على سجادتك وصلي ركعتين واشكي لربك عساه يفرج همك

[amoolh]

حبيبتي اول شي تاكدي من صحه كلامه يمكن يقول كذا علشان يبيك تخففين من المشاكل اللي بينك وبينه وبعدين انتي امسكيه واجلسي انتي وياه في مكان هادي وكلميه باسلوب حلو قولي له انا ضحيت بحياتي وبنتي علشانك علشان ارتبط فيك ووضحي له انتي وش سويتي علشانه من امور بكلام هادي وخليك هاديه وقتها يعني لاتقعدين تصارخين عليه وقولي له انه لو تزوج الثالثه بالعكس اني ماراح تتقبلين الشي ذا وان المشاكل ممكن تزيد يعني لايفكر انو الزواج حل وقولي له حط نفسك مكاني وتخيل انك مضحي بشأء كثيره علشان ترتبط فيني واكون من نصيبك واخر شي اروح اتزوج واحد ثاني واتركك وش راح يكون رده فعلك ووش الفكره اللي راح تاخذها عني انتي قولي كل اللي بخاطرك وكل اللي بقلبك بس رتبي كلامك اول يعني كوني عارفه وش تقولين لها وحاولي تجيبين عبارات تاثر فيه وقولي له انا ماابيك ترد على الحين ولا ابي اناقشك بشي بس انت فكر زين بكلامي واتمنى من الله انه يهديك وخليك طول الفتره ساكته وهاديه ولا تناقشيه بأمور الزواج خليك حنونه عليه وقتها وان شاء الله يغير رايه ...

كنت بكمل لك لاكن مظطره اطلع الحين يارب اكون افدتك وكتبت شي زين

[ام لاحلى بنت]

يسعد قلبك اموله كلامك في محله وسويت هالشي فعلا وقال بالاخير انه مجرد كلام عشان يقهرني بس انا مو مطمنه له ابدا وبكره مسافره رايحه اولد عند اهلي وان شالله مارجع والقى الثالثه قدامي امين يارب العالمين والاخت دفى جوري من جد لما شفت كلامك قلت حسبي الله على الرجال مايبان بعينهم شي بس ولايهمك هو الخسران فديت وحرام تضيعي سنين عمرك معاه بس شنقول الاطفال قاضبينا من اليد الي تعورنا ياااااارب يسخر لك زوجك ويرجع لك احسن من اول وماانساك من دعاي لان كلامك اثر فيني والله

[شمعة فؤادهـ]

لا تتطلقي لأنه ابداً مو في صالحك لا انتي ولا البيبي
اهم شي الدعاااء وخاصه وقت الولادة
وزي ما قالت امووله فديتها وربي يسهلك وييسرلك اموورك يارب