دردشة حوامل دولة الجزائر- تجمع بنات الجزائر

[تنسيم]

اسماء2سامحيني راني تخربطت كاين اسماء لعروسي رديت عليها مرة و بقيت حطا في بالي حملها بصح ماعليهش الله يرزقك ان شاء الله في اقرب وقت و رايحه ندعيلك ان شاء الله في كل صلواتي

[رونق الروح]

صبااح الخير كروشات الي حبت تبارك لرنده المولوده الجديده تدخل هنا وتحط تبريكاتها وعقبال ام ريتاج ان شاء الله وكل المحرومات يااااااااااارب وان شاء الله عن قريب نسمع بحمل اسماء2 ونفرح بيها قولو اميييييييين http://forum.hwaml.com/t50917-2.html

[randa]

صباح الخير حبوبات
وش راكم لاباس يارب ان شاء الله تكونو لاباس
وان شاء الله نسمعو بخبر ولادة اختنا ام ريتاج يارب يسهل لها
اسماء 2 اختى والله ما نسيت ودعيت ليكم اكل من قلبي
الله يرزق كل وحدة بالدرية
رونق ربي يعيشك اختى ويفرحك زى ما فرحتينى
بنات لولادة ساهلة الى بعد لولادة هو الصعيب سهر الليالى وسيغتو كى تكون حاجة توجع في البيبي تقولش نرمى روحى

[randa]

حبوبات شايفة عنا كروشات جدد تنسيم وريتال اهلا بيكم حبيبات
نورتونا

[لامو]

انا لامو من الجزائر حامل بالشهر 4 عقبال الجميع ادعولي يجيني ولد عندي بنت ربي يخليهالي و عيشهالي

[randa]

المشاركة الأصلية كتبت بواسطة أم ريتاج

اهليييييييين كروشات واش راكم و واش راهم النونوات؟؟ ايه مازال ماسهلش عليا ربي مي انا نظن راه قريب.. باغسكو هادو يومين و الوجاع حاكمني وراني قاعد غير نستنى في العلامة الكبرى ادعيولي يا بنات ربي يسهلي ونشالله نولي و نحكيلكم الولادة تاعي ياااااااااااااااااااا رب
واقيلا رندة سهل عليها ربي .. نشالله تكون بخير هي و النونو تاعها

ام ريتاج وشيا العلامة الكبرى الى تستنى فيها
انا استنيت وقلت زيك وكون ما جاش راجلى ادان بسيف كنت ولدت في الدار
انا الموجعة جتنى في كرشي وظهرى بالوقت منتظم وتروح وانا قاعدة ندور ونغسل ونطيب في لغدا ونقول مازال الحال حتى انشوف دم ولا الماء لا شفت لا دم ولا ماءوزى ما قلت ليك ادان راجلى لسبيطار طول قالولى 2 سنتمتر قلت ليهم نقدر نخرج قالولى لا بعدها بساعة 3 سنتمتر دخلت ايدها خرجت الدم بعدها بساعتين4 سنتمتر قالول \ركا اتحبي تدى ابرة الظهر ولا تستتنى وعلى خاطر ماه الموجعة قاوية ومقدرتش عليها قال ليهم راجلى ايه اعطوها محملتش انشوفها تتلوى وتتوجع هكا
طول فوق الطابلة اقعدت ساعتين وهما ايقولو 5 سنتمتر عملو ابرة الظهر قعدت ربع ساعة وجت دخلت ايدها قالت 10 سنتمتر ولادة يعنى في ربع ساعة اتحليت 5 سنتمتروالماء مشفتوش حسيت بيه كى قاعدين يقلبو فيا ايمين وايسار باش يخرج وتسهال لولادة وانا فوق الطابلة مبنجة
يعنى كاينين وحايد متظهرش ليهم لا دم ولا ماء
روحى اطفلة لسبيطار قداه عندك وانتى محلولة 2 سنتمتر
لا مقبلوكش روحى لعيادة خاصة اعلى خاطر ماه تقعد عليك لماجع زيكا تسمطك
ربي يسهلك حنونة وتجيك لولادة ساهلة وتقري عينك بريتاج
عندك لتولدى في الدار

[randa]

المشاركة الأصلية كتبت بواسطة لامو

انا لامو من الجزائر حامل بالشهر 4 عقبال الجميع ادعولي يجيني ولد عندي بنت ربي يخليهالي و عيشهالي

اهلا وسهلا اختى لامو نورتينا ومبروك عليك الحمل وان شاء الله يرزقك ربي بولد صالح ويخليلك بنتك وعقبال اختنا اسماء 2
انا رندة من مرسيليا واصلى من سوق اهراس عمرى 26 سنة وعندى احلى ميليسا في عمرها 7 ايامربي يعيشهالى

[تنسيم]

randa الله ينور مقدارك المهم بعد كل هذه التجربه الصعيبه قمت بالسلامه انا و الله في الثالث و بديت نخاف من درك

[رباه فرج همي]

أحلى

هــدية لمن أحــب

فأهدها لمن تحب

أحد الصالحين ذهب إلى عيادة مريض في آخر أيام حياته ..

فلما حضر عنده وجده في حالة الاحتضار ..
قال له : كيف تجد مرارة نزع الروح ؟
قال المريض : إني لاأجد أي مرارة بل احس بطعم حلو في فمي ...
تعجب الرجل الصالح من كلام المؤمن ..
لأنه من المتعارف عند الجميع أن نزع الروح من الأمور الشاقه والمره ...
التي يواجهها كل انسان ساعة خروجه من هذه الدنيا ...
فلما رأى المريض حالة التعجب والحيرة في وجه الرجل ...
قال له : ياهذا لاتتعجب ، إني سمعت حديثا عن رسول الله صلى الله عليه وآله وسلم
قال :' من أكثر من الصلاة عليّ سوف لايجد السوء والأذى ساعة الاحتضار '،

وإني منذ مدة طويله أُكثر من الصلاة على محمد وآل محمد ، لهذا أجد من جراء ذلك دوام السعادة والخير وخصوصا هذه الساعة

( فلنرفع أصواتنا بالصلاة على محمد وآل محمد )
أدم الصلاة على النبي محمد فقبولها حتما بغير تــردد

أعمالنا بين القبول و ردها إلا الصلاة على النبي محمد

لا تبخل على نفسك
وانــشـــرها

قال رسول الله صلى الله عليه وآله:

من دعا إلى هدىً ، كان له من الأجر مثل أجور من تبعه لا ينقص ذلك من أجورهم شيئاً، ومن دعا إلى ضلالةٍ، كان عليه من الإثم مثل آثام من تبعه لا ينقص من آثامهم شيئاً !

[رونق الروح]

اهلااااااااااااا يارنده الف الف الف الف الف مبروووووووووووووك والله فرحتلك من قلبي كي سلكتي الحمد لله عالسلامه عقبال ام ريتاج نفرحو بيها............لامو منورة بنت بلادي راكي بين اخواتك كاش اسئله رانا هنا هههههههه انا خبرةههههههههههه وان شاء الله يرزقك ربنا بولد صالح امييين