تجمع المتابعات في مستشفى قوى الأمن

[ام الجازي]

بنات كيفكم وكيف الحمل معكم
أنا موصلة حدي أبغى اولد
الله يهون علينا ويقومنا بالسلامة

[لمياء]

كيفك ام الجازي

ماشاء الله مابقى شي

كلها ايام بسيطه والبيبي في احضانك بأذن الله

وش نقول احنا ياللي المشوار باقي طويل

انتهيتي من تجهيزاتك؟؟؟؟

[منايل]

هلا

انا اراجع عند قوى الامن في الاحساء

وسالت الدكتوره اذا يولدون عندهم

قالت لي لا

ومادري وش بسووي او وين اروح اولد

ياليت تساعدوني

[لمياء]

والله ماادري حبيبتي

ان شاء الله البنات يفيدونك

[يارب احفظ جنيني]

اختي ام اجمل طفل بصرااااااااااااااااااحه انا بكررريه وماادري عنهم بس سمعت انتي روحي وشوفي

اختي لميااااااااااااء ابشري من عنوووووووني
واكييييييييد اخلي زوجي يحجز لي شخصيه مهمه

[لمياء]

تسلم عيونك حبيبتي

[مشــــــــاعر]

السلام عليكم
حبيت أخبركم بالجديد يامراجعات الامن..
اليوم كان عندي موعد وبعد الكشف..
اعطتني الدكتوره موعد في المستشفى الكبير..
بصراحه تفاجأت,,وسألتها:ليه حولتيني؟؟
قالت:ولادتك الأولى قيصريه,وحوضك صغير,والىحظ البيبي نازل شوي..
والشهر الداخل مع الموعد تكونين دخلتي السابع فممكن لاسمح الله تكون عندك ولاده مبكره..
فأكيد بتكون قيصريه..
سكت,,وحمدت الله بداخلي..
ولما حددت الموعد,,لقيت الدكتوره اللي بتكون مراجعتي عندها هي:فاتن العلي..
ولاحظت أن البنات يمدحونها كثير..
دعواتكم يابنات أن الله يسهل أموري ويتمم حملي على خير..

[لمياء]

الله يسهل امورك مشاعر

ويكتب لك اللي فيه الخير

عسى ان تكرهوا شيئا وهو خيرا لكم

[ماء زير]

مرحبا بنات ..اخباركم مع الحمل

لمياء..اخبارك زين لقيتك بتجمع قوى الامن انتي تتابعين فيه الى الان مافتحت ملف والله مالي

خلق على مواعيدهم

انتي كيف تحجزين موعد عندهم التلفون دائم مشغول او مافيه موعد

ليه انقطعتي عن طلتك لتجمع حوامل التوأم

[سحرالشرق!]

بنات انا لسى جديده معكم واول مره راح اجرب مستشفى قوى الامن بالرياض من فيه طبيبيه كويسه وكيف تعاملهم ومواعيدهم والولاده عندهم والخياطه وبرضو وش وضع الحضانه عندهم ؟
ياليت تجاوبوني الله يجزاكم خير ..